Ársrit Hins íslenzka kvenfélags - 01.01.1897, Blaðsíða 12
14
nöfn, en sum málefni eru svo vaxin að þau eru
óaðgreinanleg frá einstökum mönnum.
Það er ekki hægt að tala um stjórnaskrár-
málið nú sem stendur, án þess að minnast á dokt-
or Valtý Guðmundsson. Öll framkoma hans í
þessu máli hefir verið svo löguð, að jeg vildi
óska að enginn þyrfti nokkurntíma að minnast á
hana framar. En undirtektir þingsins undir fram-
komu hans gjöra ómögulegt að sneiða hjá honum.
Þær sýna oss hvað langt vjer erum leiddir.
Vjer skulum nú segja að doktor Valtý hefði
gengið gott eitt til að taka sig upp og fara að
semja við stjórnina um stjórnarhagi íslands. Auð-
vitað hlaut hann að sjá, ef hann hefði hugsað
nokkuð um það, að til þess að geta gjört sjer von
um að þetta gæti orðið til nokkurs góðs, hefði
hann orðið að bera vel skyn ástjórnarlög, ogskilja
hvernig Island stóð að vígi, samkvæmt sögu-
Iegum rjetti þess,
En segjum nú að þetta hafi verið hugsun-
arleysi og hann hafi sjálfur haldið að hann væri
fær um að vinna þjóðinni gagn á þennan hátt.
Þegar hann nú hafði samið við stjórnina fyrir sitt
leyti, hefði hann í öllu falli átt að skrifa sam-
þingismönnum sínum, og biðja þá að koma á fund
meðal kjósendanna, skýra þeim frá væntanleg-
um tilboðum og fá yfirlýsingu þeirra um, að
hve miklu leyti þeir mundu vilja aðhyllast þá
kosti, er hann hugði að stjórnin mundi ganga að.