Dagblaðið Vísir - DV - 17.12.1981, Blaðsíða 40

40
DAGBLAÐIÐ& VÍSIR. FIMMTUDAGUR 17. DESEMBER 1981.
Nýjar bækur
Nýjar bækur
Nýjar bækur
Gosi
Myndabókaútgáfan hefur sent frá
sér fjórar litlar bækur um Gosa, og eru
þær fyrst og fremst ætlaðar yngstu
lesendunum.
Bækurnar heita Spákvisturinn,
Tónlistarmaðurinn, Peningatréð og
Brúðleikstjórinn. Bækurnar eru
prentaðar í Þýzkalandi, en Oddi hf. sá
um textasetningu.
Sextán konur
Bókaútgáfan Skuggsjá, Hafnarfirði,
hefur gefið út bókina Sextán konur,
ferill þeirra og framtak i nútima hlut-
verkum, sem Gísli Kristjánsson rit-
stýrði. Sextán konur er hliðstæða bók-
arinnar Átján konur, sem út kom á sið-
asta ári.
Sextán konur fjallar um starfsvett-
vang jafnmargra kvenna, sem gengið
hafa lítt troðnar slóðir menntunar og
sérhæfðra starfa. Frásagnir bókarinnar
undirstrika vel, hve konur eru i æ rík-
ara mæli að hasla sér völl á hinum
breytilegustu starfssviðum, sem til
þessa hefur þótt við hæfi karla einna að
sinna. Margar þær konur, sem í þessa
bók rita, hafa brotizt fram af eigin
rammleik eftir torsóttum leiðum, orðið
að sigrast á torfærum og hvers kyns
erfiðleikum sem frumherja bíða hverju
sinni. Aðrar hafa gengið hefðbundar
menntabrautir, sem í dag þykja sjálf-
sagðar, en voru það ekki fyrir nokkrum
tugum ára.
Konurnar, sem segja hér frá mennt-
un, störfum og starfsundirbúningi, eru
Teresía Guðmundsson, veðurfræðing-
ur, Filippía Kristjánsdóttir (Hugrún),
rithöfundur, Kristjana P. Helgadóttir,
læknir, Auður Proppé, loftskeytamað-
ur, Ingibjörg R. Magnúsdóttir, deildar-
stjóri, Elsa E. Guðjónsson, safnvörð-
ur, Salome Þorkelsdóttir, alþingismað-
ur, Vilhelmína Vilhelmsdóttir, fiski-
fræðingur, Kristín I. Tómasdóttir, ljós-
móðir, Elsa G. Vilmundardóttir, jarð-
fræðingur, Þurfður Árnadóttir,
íþróttakennari, Kristín R. Thorlacius,
oddviti, Hólmfríður Sigurðardóttir,
garðyrkjukandidat, Svava Stefánsdótt-
ir, félagsráðgjafi, Guðrún Ásmunds-
dóttir, leikari, og Guðrún Jónsdóttir,
Vigdís forseti
í Noregi og Svíþjóð
arkitekt.
Sextán konur var sett í Prent-
stofunni Blik hf., filmuvinnu annaðist
Prentþjónustan hf. Bókin var prentuð í
Offsetmyndir sf. og bundin i Bókfelli
hf.
Rit Benedikts
Gröndals
Bókaútgáfan Skuggsjá, Hafnarfirði,
hefur gefið út fyrsta bindi ritsafns
Benedikts Gröndals Sveinbjarnarson-
ar, en alls verða bindin þrjú.
Benedikt Gröndal (1826—1907) er
meðal afkastamestu rithöfunda ís-
lenzkra að fornu og nýju og einna fjöl-
hæfastur og fyndnastur þeirra allra.
Sú þriggja binda útgáfa á ritum
Benedikts Gröndals, sem hér er efnt til,
hefur að geyma úrval úr hinu geysi-
mikla efni sem eftir hann liggur í
bundnu og óbundu máli. Við valið hef-
ur það tvennt verið haft i huga, að gefa
sem gleggsta mynd af fjölbreytilegu rit-
höfundarstarfi skáldsins og birta sem
flest af því, sem ætla má að bútímales-
endur hafi ánægju af.
Fyrsta bindi hefur að geyma kvæði,
sögur og leikrit. í öðru bindi verða
blaðagreinar og ritgerðir. í þriðja bindi
verður sjálfsævisagan Dægradvöld og
bréf.
Rit Benedikts Gröndals, fyrsta bindi,
var sett og ^rentað í Prentverki
Akraness og bundið í Bókfelli.
Garðagróður
Garðagróður, hin mikla og vinsæla
bók Ingólfs Davíðssonar og Ingimars
Óskarssonar, kemur nú út í endur-
bættri útgáfu á vegum ísafoldar. Þetta
er eina íslenzka bókin þar sem tegund-
um í görðum er lýst nákvæmlega og
greiningarlyklar eru til að ákveða þær.
Margvíslegar leiðbeiningar um ræktun
trjáa og jurta ásamt leiðbeiningum um
skipulag garða eru í bókinni, sem er
prýdd fjölda mynda. Eldri útgáfan er
uppseld fyrir alllöngu, og er ekki að efa
að þessi verði vel þegin af öllum þeim
sem unna fögrum gróðri og vilja prýða
garð sinn og umhverfi. Bókin er 578
blaðsíður, prentuð í ísafoldarprent-
smiðju.
Ævintýri
Sherlock
Holmes
eftir Arthur Conan Doyle
Sögusafn heimilanna hefur gefið út
4. bindið I hcildarútgáfu á sögum og
ævintýrum Sherlock Holmes eftir
Arthur Conan Coyle. Loftur Guð-
mundsson íslenzkaði.
Sherlock Holmes er ein. þeirra sögu-
persóna sem hlotið hafa miklar
vinsældir og víða komið. Hann má lika
með sanni segja sérstæðan um flest.
Raunar hafa margir rithöfundar aðrir
en Arthur Conan Doyle búið til sögu-
persónur, er höfðu áþekk störf með
höndum og Holmes., ien eigi að síður
er Holmes þeirra frægastur og merki-
legastur.
Í fjórða bindinu eru eftirtaldar
sögur:Blái gimsteinninn, Margliti borð-
inn, Þumalfingur vélfræðingsins,
Brúðarhvarfið, Gimsteinadjásnið og
Ævintýri kennslukonunnar. Bókin er
167 blaðsíður að stærð. Hólar hf.
prentaði.