Dagblaðið Vísir - DV - 18.03.1982, Blaðsíða 8

8
Útlönd
Útlönd
Útlönd
DAGBLAÐIÐ & VÍSIR. FIMMTUDAGUR 18.MARZ 1982.
Útlönd
2950,00

1400,00

4900,00
6800,00

<g> hitachi
^Tw***-'*"**'"^-.
3850,00
.
Hættið að
styrkja IRA!
Reagan Bandaríkjaforseti hefur lagt
að löndum sínum að hætta að gefa fé
til irskra samtaka sem tengd eru of-
beldisverkum á Norður-írlandi.
i gær var dagur heilags Patreks, sem
írar halda hátíðlegan, og hafði Reagan
forseti, semi er af írsku bergi brotinn,
boð inni í Hvíta húsinu fyrir Charles
Haughey, forsætisráðherra írska
lýðveldisins.
Reagan áréttaði áskorun sína frá því
í fyrra til landa sinna, að leggja ekki
hryðjuverkaöflum lið með fjárframlög-
um. — En það hefur lengi verið opin-
ber staðreynd að hryðjuverkamenn
írska lýðveldishersins (IRA) hafa i
gegnum tíðina þegið umtalsverða að-
stoð frá írskættuðum Bandaríkja-
mönnum. Er skammt síðan bandarísk
yfirvöld lögðu hald á stóra vopnasend-
ingu sem ætluð var IRA.
„Hitabylgja”
tálmar norður-
pólsförina
Brezku landkönnuðirnir tveir, sem
eru á ferðalagi hringinn í kringum
hnöttinn yfir pólana, sitja nú fastir um
-600 km frá norðurpólnum. Virðist
ekki ætla af þeim að ganga í ferðinni á
norðurpólinn. Vélsleðar þeirra hafa
bilað en aðrir sleðar, sem áttu að
koma til vara, brunnu inni í eldsvoða á
Grænlandi. Matur hefur gengið til
þurrðar og sleði með kortum þeirra og
mælitækjum sökk niður um vök í
heimskautaísnum.
Nú er það „hitabylgja” á heimskaut-
inu, sem tálmar þá. Heimskautaísinn í
kringum þá hefur veikzt vegna þess að
hitinn er einungis rétt undir frostmarki.
Er ísinn tekinn að molna í næsta
nágrenni við þá.
Tvímenningarnir, sir Ranulph
Fiennes og Charles Burton, fóru yfir
suðurpólinn fyrir tveim árum og vonast
til þess að verða fyrstir manna til þess
að fara hringinn í kringum jörðina yfir
pólana.
Þótt matur þeirra Itafi gengið til
þurrðar, vélsleðarnir bilað og fleiri
óhöpp elt þá, hafa þeir, eða öllu heldur
aðstoðarmenn þeirra, flugvél sem getur
lent á- ísnum og bætt úr vandræðum
þeirra. Nú er þessi flugvél einnig biluð
og verður í viðgerð fram á laugardag.
Bannað að Ijóstra
upp um CIA
Skæruliðar og falbiir borgarar i El Salvadon Herstjórnin býst við nýju blóðbaði fyrir
kosningarnar.
Öldungadeild Bandaríkjaþings
samþykkti í gær lagabreytingu sem
gerir ráð fyrir að blaðamenn og aðrir
sem ljóstri upp nöfnum leynierindreka
CIA, njósnastofnunar USA, verði
látnir sæta ábyrgð fyrir undir
ákveðnum kringumstæðum.
Þessi hertu lög voru samþykkt með
55—39 atkvæðum en þau fela í sér
viðurlög fyrir að fletta ofan af leyni-
erindrekum eða njósnurum Bandaríkj-
anna, ef viðkomandi mátti vera sér þess
meðvitandi að hann spillti með því
starfi leyniþjónustunnar.
Fulltrúadeildin hefur þegar
samþykkt svipað frumvarp og geta því
bæði frumvörpin gengið beint úr sínum
deildum til forsetans til staðfestingar
þegar þetta hefur verið afgreitt að fullu
fráöldungadeildinni.
Reaganstjórnin hefur lýst sig fylli-
lega samþykka þessum lagabreytingum
en í nokkur ár hafa verið uppi háværar
raddir sem töldu þörf fyrir að vernda
betur leynierindreka Bandaríkja-
stjórnar gegn ótímabærum nafnbirt-
Taugastríð í El Salvador
Herstjórnin í El Salvador hefur
búizt við að skæruliðar haldi bar-
dögum áfram í þvi skyni að eyðileggja
kosningarnar 28. marz, en nú hafa
skæruliðar dregið sig í hlé. Má því nú
líkja stríðinu við taugastríð og herinn
hefur enga hugmynd unt hvar
skæruliðar láti næst til skarar skríða.
Leyniútvarp skæruliða heldur á-
fram að hvetja almenning til að búa sig
undir þátttöku í andófi gegn her-
stjórninni með því að koma sér upp
birgðum af matvælum og lyfjum.
Herforingjar héldu fund með
varnarmálaráðherranum Guillermo
Garcia í gær og stóð hann í tvær
klukkustundir. Voru þar gerðar
áætlanir um hvernig skyldi mæta
auknum skæruliðaárásum fram að
kosningadegi.
En síðasta sólarhringinn hafa
skæruliðar látið sér nægja smáárásir
hér og hvar í höfuðborginni.
2000 manna herlið gerði aðsúg að
áætluðum felustað skæruliða í
austurhluta landsins í gær en mættu
þar engri mótstöðu.
re^WG>*RGJÖF!^EH^TACHI
ingum eða uppljóstrunum.
Aðrir hafa gagnrýnt þessi frumvörp
á grundvelli þess, að þau miðuðu að
því að hefta ritfrelsi blaðamanna. — i
umræðum í öldungadeildinni kom
fram að nýju lagabreytingunni væri
ekki stefnt gegn blaðamönnum heldur
róttæklingum eins og Philip Agee,
fyrrum erindreka CIA, sem hefðu
Ijóstrað upp nöfnum á njósnurum og
leynierindrekum í því augnamiði gagn-
gert að skaða Bandarikin.
Nýr rit-
stjóri
,JHe
Times”
Ráðning Charles Douglas-Home,
áður aðstoðarritstjóra The Times, í
aðalritstjórastarfið hefur verið sam-
þykkt af óháðum endurskoðendum,
sem til þess voru sérstaklega skipaðir i
samkomulagi ástralska blaðakóngs-
ins og brezkra yfirvalda.
Harold Evans, sem fyrir rúmu ári var
við eigendaskipti blaðsins ráðinn aðal-
ritstjóri, sagði af sér á mánudaginn
eftir deilur við blaðaeigandann, Rupert
Murdoch.
Douglas-Home er af skozkri aðals-
ætt, frændi sir Alec Douglas-Home,
fyrrum forsætisráðherra. Hinn nýi rit-
stjóri hefur starfað langa hríð sem
blaðamaður.