Dagblaðið Vísir - DV - 02.06.1986, Blaðsíða 27
DV. MÁNUDAGUR 2. JÚNÍ 1986.
35
íþróttir íþróttir íþróttir íþróttir
• FH-ingar skoruðu sigurmarkið gegn Val á laugardag en töpuöu samt. Markið var sjálfsmark Kristjáns Gísla-
sonar og hér á myndinni fyrir ofan er það i uppsiglingu. Boltinn er í loftinu á leiö í áttina að FH-markinu...
.. .Guðni Bergsson er hér kominn á milli Kristjáns FH-ings og Halldórs Halldórssonar, markvarðar FH, og áfram
heldur boltinn...
.. ,og Guðni Bergsson, Valsmaður, er byrjaður að fagna markinu enda ekkert sem stöðvað getur boltann sem
að lokum...
.. .hafnaði i markinu og sigurmark leiksins varð staöreynd. DV-myndir Brynjar Gauti
Valsmenn
sigruðu á
sjálfsmarki
í Firðinum
Valsmenn höfðu heppnina með sér
þegar þeir mættu FH á Kaplakrika-
velli á laugardag. FH-ingar skoruðu
sjálfsmark strax í bvrjun og reyndist
það vera eina mark leiksins. íslands-
meistararnir höfðu því öll stigin á
brott með sér en heimamenn urðu
að sætta sig við tap eftir að hafa feng-
ið mörg góð tækifæri í síðari hálfleik.
Valsmenn hófu leikinn með látum
og strax á 2. mín. uppskáru þeir
mark. Boltinn var sendur inn í víta-
teig FH-inga og þar sendi Kristján
Gíslason knöttinn beint í sitt eigið
mark án þess að Halldór Halldórsson
markvörður kæmi vörnum við.
FH-ingar virtust ekki átta sig á
hlutunum eftir þetta slysalega mark
og Valsmenn réðu gangi leiksins
lengst af fyrri hálfleik, þó fengu þeir
ekki afgerandi færi fyrr en á 30. mín.
að Óttar Sveinsson, sem átti mjög
góðan leik, stakk boltanum
skemmtilega inn á Val Valsson en
hann fór illa að ráði sínu og skaut
hátt vfir.
Hinum megin á vellinum átti Ólaf-
ur Danivalsson skot rétt framhjá en
á síðustu mínútu fyrri hálfleiks fengu
Valsmenn kjörið tækifæri til að auka
forskotið er Sigurjón Kristjánsson
skallaði naumlega framhjá FH
markinu. Fleira gerðist ekki mark-
vert í fyrri hálfleik.
FH-ingar komu ákveðnir til leiks í
síðari hálfleik og Valsmenn áttu í
vök að verjast. Ingi Björn skaut vfir
úr aukaspyrnu rétt fyrir utan víta-
teig og skömmu síðar björguðu
Valsmenn í horn. Stefán Arnarsson,
markvörður Vals, varði síðan vel
skot úr dauðafæri frá ólafi Haf-
steinssvni. Leikmenn FH náðu þó
ekki að brjóta vörn Vals á bak aft-
ur, þrátt fyrir mikla pressu, en Guðni
Bergsson skallaði yfir mark FH úr
góðu færi eftir skyndisókn.
FH-ingar reyndu nú allt sem þeir
gátu til að jafna og 10 mín. fyrir
leikslok varði Stefán, sem var hreint
frábær í marki Vals, glæsilega
hörkuskot frá Ólafi Jóhannessyni.
Ingi Björn komst síðan inn fyrir
Valsvörnina en Stefán varði sem
fyrr. Örvæntingarfullar sóknir FH-
inga runnu hver af annarri út í
sandinn og Valsmenn urðu dauð-
fegnir þegar dómarinn flautaði til
leiksloka. íslandsmeistararnir
komnir á skrið eftir tvo útisigra í röð.
Leikurinn í heild var ágætur. Bæði
liðin eru léttleikandi og reyna að
spila skemmtilegan fótbolta. Sér-
staklega sáust skemmtilegir taktar
hjá Valsmönnum í fyrri hálfleik.
Jafntefli hefði verið sanr.gjarnari
úrslit og FH-ingar sýndu að þeir geta
gert stóra hluti í sumar.
Stefán Arnarsson átti frábæran
leik í marki Vals og bjargaði oft
meistaralega. Óttar Sveinsson var
mjög góður í vörninni og einnig áttu
þeir Hilmar Sighvatsson og Guðni
Bergsson góðan leik-. FH-liðið lék vel
í síðari hálfleik eftir daufan fyrri
hálfleik. Miðjan var sterk með Ólaf
Jóhannesson og Ólaf Hafsteinsson
sem bestu menn og einnig var Guð-
mundur Hilmarsson mjög sterkur.
Viðar Halldórsson fór út af í hálfleik
vegna meiðsla en í hans stað kom
ungur og efnilegur leikmaður, Leifur
Garðarsson, og stóð fyrir sínu. Fram-
línan var ekki nógu beitt að þessu
sinni enda var Valsvörnin mjög þétt
og sterk.
Liðin voru þannig skipuð:
FH - Halldór Halldórsson. Viðar
Halldórsson (Leifur Garðarsson 45
mín.) Ólafur Hafsteinsson, Ólafur
Jóhannesson, Henning Hennings-
son, Guðmundur Hilmarsson, Ingi
Björn Albertsson, Kristján Gíslason
(Kristján Hilmarsson, 65 mín.) Pálmi
Jónsson, Magnús Pálsson. Ólafur
Danivalsson.
Valur: Stefán Arnarsson, Óttar
Sveinsson, Magnús Magnússon, Sig-
urjón Kristjánsson, Ársæll Krist-
jánsson, Guðmundur Kjartansson,
Guðni Bergsson, Hilmar Sighvats-
son, Valur Valsson, lngvar Guð-
mundsson, Bergþór Magnússon.
Gult spjald: Ólafur Jóhannesson.
Dómari var Þóroddur Hjaltalin og
línuverðir voru Ólafur Lárusson og
Gylfi Orrason.
Maður leiksins: Stefán Arnarsson,
Val.
Róbert
„Tökum einn leik
fyrir í einu“
- sagði lan Ross, þjálfari Vals
Ian Ross, þjálfari Vals. - „Ég er mjög
ánægður með sigurinn. Við vissum
að FH-ingar yrðu erfiðir. Við lékum
vel í fyrri hálfleik en urðum að verj-
ast pressunni í síðari hálfleik. Um
möguleika okkar að halda titlinum
veit ég ekki. Við tökum aðeins einn
leik fyrir í einu.“
Hilmar Sighvatsson, fyrirliði Vals:
„Ég er ánægður með fyrri hálfleik-
inn. Við vorum sterkara liðið og
hefðum átt að skora minnst tvö
mörk. í síðari hálfleik vorum við
heppnir. FH-ingar pressuðu stíft á
okkur og við bökkuðum allt of mik-
ið.“
Hörður Hilmarsson, liðsstjóri FH:
„Það var virkilega svekkjandi að
tapa þessum leik. Við sýndum í
seinni hálfleik að við getum unnið
bestu liðin. Við vorum of seinir í
gang eins og oft áður en áttum að
skora að minnsta kosti eitt mark.
Við vorum virkilega óheppnir."
Róbert
Stórsekt hjá Barcelona
UEFA, knattspymusamband Evrópu,
dæmdi nýlega spánska félagið Barcelona
í 68 þúsund svissneskra franka sekt, um
ein og hálf milljón króna, vegna framkomu
áhorfenda liðsins og leikmanna á úrslita-
leik Evrópubikarsins í Sevilla 7. mai.
Barcelona lék til úrslita við Steaua, Búk-
arest, sem varð Evrópumeistari. UEFA
dæmdi Steaua í fimm þúsund franka sekt,
110 þúsund krónur, vegna framkomu leik-
manna liðsins í leiknum.
Hsím