Dagblaðið Vísir - DV - 13.06.1986, Blaðsíða 8
8
DV. FÖSTUDAGUR 13. JÚNÍ 1986.
Utlönd Utlönd Utlönd Utlönd
Segir útvarp Suður-Afríku í moigun og réttlætir neyðarástandslög
Lögregla og öryggissveitir í Suð-
ur-Afríku halda áfram fjöldahand-
tökum á stjómarandstæðingum í
kjölfar yfirlýsts neyðarástands í
landinu. Segjast yfirvöld vera að
undirbúa sig undir víðtækt andóf og
ofbeldisaðgerðir blökkumanna á
næstu dögum með skipan laga um
neyðarástand.
Ríkisútvarp Suður-Afríku, er túlk-
ar málstað stjómvalda, segir í
morgun að kominn sé tími til að
snúast gegn undirróðurs- og bylting-
aröflum í landinu er „vilji eyðileggja
allt það sem best getur talist í
landinu", eins og það var orðað.
Útvarpið sagði ennfremur að
dæmin hefðu sýnt að lítið þýddi að
ganga til samninga við róttæka
blökkumenn í landinu, slíkt hefði
verið reynt en engan árangur borið
og nú væri kominn tími til þess að
snúast af hörku gegn byltingaröfl-
unum.
Blökkumenn í Suður-Afríku halda
á mánudag upp á það að tíu ár eru
liðin frá miklum óeirðum blökku-
manna í Soweto, stærstu byggð
blakkra við Jóhannesarborg. For-
ystumenn blökkumanna hafa skorað
á alla þá er vettlingi geta valdið að
óhlýðnast banni yfirvalda við funda-
höldum og hafa eindregið hvatt
blökkumenn til að leggja niður
vinnu á mánudag.
Yfirlýsing suður-afrískra stjórn-
valda um neyðarástand og aðgerðir
hennar í kjölfarið hefur verið harð-
lega fordæmd um allan heim. Javiar
Peres du Cuellar, aðalframkvæmda-
stjóri Sameinuðu þjóðanna, for-
dæmdi Suður-Afríku í gærkvöldi og
skoraði á stjómvöld að aflétta neyð-
arástandinu.
„Allt raunsætt fólk hlýtur að sjá
að nú er kominn tími til að snúast
af hörku gegn öflum stjómleysis og
byltingar," sagði ríkisútvarpið í Suð-
ur-Afríku.
Búist er við sívaxandi átökum blökkumanna og öryggissveita hvitu minnihlutastjórnarinnar í Suður-Afríku á næstu dögum en á mánudag halda blökkumenn
upp á tíu ára afmæli Soweto uppreisnarinnar
Kominn tími til að
snúast gegn byltingavöflum
Vill mótmæla
Háttsettur embættismaður í innan-
ríkisráðuneyti Hollands lýsti þeirri
skoðun sinni í tímaritsgrein í gær að
Beatrix Hollandsdrottning ætti að af-
lýsa árlegu frí'i sínu í Austurríki vegna
kjörs Kurts Waldheims í embætti for-
seta þar.
Dick Houwaart, aðaltalsmaður
ráðuneytisins, skrifaði í vikurit gyð-
inga að fólk ætti að senda drottning-
unni áskoranir um að hún breyti
áætlunum sínum vegna þeirra ásak-
ana sem bomar hafa verið á Wald-
heim.
Talsmaður konungsfjölskyldunnar
sagði að það væri einkamál drottning-
arinnar hvert hún færi í frí og hann
vissi ekki til þess að áætlað væri að
hún aflýsti árlegu vetrafríi sínu í Lech
í Austurríki.
Hann lagði áherslu á að Houwaart,
sem skrifar oft greinar í tímaritið,
hefði í grein sinni sett fram sínar eigin
skoðanir en talaði ekki fyrir hönd rík-
isstj ómarinnar.
Holland, sem á sárar minningar frá
síðari heimsstyrjöldinni, hefúr ekki
sent hamingjuóskaskeyti til Wald-
heims. Embættismenn segja að þetta
geti ekki talist vera mótmæli vegna
þess að slík skeyti væm ekki alltaf
send og í öllu falli mætti geyma það
þar til Waldheim yrði settur í embætti.
Skiptar skoðanir em nú um það í Hollandi hvort Beatrix Hollandsdrottning
skuli halda áfram að eyða vetrarfríum sínum í Austurríki eftir sigur Waldheims
í forsetakosningunum.
„Það besta er við gátum
gert okkur vonir um“
- sagði Jakob Jakobsson efftir fund hvalveiðiráðsins
Gurmlaugur A Jónsson, DV, Malmö:
Eftir mikið þref tókst síðdegis í gær
málamiðlun á fundi Alþjóða hvalveiði-
ráðsins í Malmö.
Flestir telja að málamiðlunin sé sig-
ur fyrir ísland. „Þetta er hálfúr sigur.
Það besta er við gátum gert okkur
vonir um eins og málum var komið,“
sagði Jakob Jakobsson, einn íslensku
sendinefridarmannanna, við DV í gær.
Orðalag málamiðlunartillögunnar
er talsvert loðið. Þar segir meðal ann-
ars að íslendingar „ættu fyrst og
fremst" að neyta heima fyrir kjöts af
þeim hvölum sem veiddir eru í vísinda-
skyni.
„Mín niðurstaða er sú að þessi texti
sé ekki hindrun fyrir okkur,“ sagði
Halldór Ásgrímsson sjávarútvegsráð-
herra í samtali við DV er niðurstaðan
lá fyrir. Halldór sagði þó að engin.
trygging væri fyrir því að Japanir
myndu kaupa af okkur hvalkjöt, er
íslendingar hafa nú hlotið heimild
Alþjóða hvalveiðiráðsins til að selja.
En jafnframt væri ekkert er benti til
þess að Japanir myndu ekki kaupa.
Kristján Loftsson, framkvæmda-
stjóri Hvals hf„ sagðist ekki heldur
óttast að Japanir myndu ekki kaupa
af okkur hvalkjöt.
Það virtist almenn skoðun að lokn-
um fúndinum í gær, bæði innan
íslensku sendinefhdarinnar og á meðal
erlendra fulltrúa, að Halldór Ásgríms-
son hefði haldið mjög vel á málstað
íslands, snúið yfirvofandi ósigri upp í
sigur.
„Þetta er allt Halldóri að þakka.
Hann hefur verið mjög fastur fýrir og
málefnalegur," sagði Jakob Jakobsson
í samtali við DV.
Þrátt fyrir þennan „sigur“ íslands á
fúndi Alþjóða hvalveiðiráðsins er því
ekki að leyna að Islendingar eru nú
mjög einangraðir því nær allar aðrar
þjóðir eru hættar hvalveiðum.
Vandi íslendinga virðist ekki síst
vera fólginn í því hve útbreidd sú skoð-
un er að hinn vísindalegi tilgangur
hvalveiða íslendinga sé yfirskin eitt.
„Nei, ég trúi ekki á vísindalegan til-
gang veiðanna," sagði til dæmis
Dabonovic, fulltrúi St. Vincent, eins
smáríkjanna í Karabíska hafinu er
talsvert hafa komið við sögu á fúndin-
um.
Hann bætti við „en þið hafið haft
snjallan talsmann hér á þinginu".
Jóhann Sigurjónsson sjávarlíffræð-
ingur segist telja að tíminn muni vinna
með íslendingum og augu annarra
þjóðu muni smám saman ljúkast upp
fyrir gildi hvalarannsókna Islendinga.
Sex drepnir vegna
skipta á borg og landi
AIDS
skæðari en
umferðar-
slys
Dauðsföll af völdum AIDS gætu
verið orðin algengari en dauðsföll
af völdum umferðarslysa í Banda-
ríkjunum innan fimm ára, var haft
eftir embættismanni í bandaríska
heilbrigðisráðuneytinu í gær.
Dr. Donald MacDonald, aðstoð-
arráðherra heilbrigðismála í
Bandaríkjunum, segir að ef svo
heldur fram sem horfir muni 54.000
manns deyja úr AIDS árið 1991.
Nú farast um 46.000 manns á ári
í umferðarslysum þar í landi.
Öfgasinnaðir sikhar drápu fimm
hindúa og öryggissveitir stjómarinnar
efldu gæslu á óróasvæðum Norður-
Indlands vegna landskipta milli
Punjab og Haryana i næstu viku.
Haft var efir lögreglu í morgun að
reiðir hindúar hefði drepið einn sikha
i hefndarskyni fyrir morðin í gær.
Óeirðimar koma í kjölfar úrskurðar
nefndar um það að Punjab, sem stjóm-
að er af sikhum, skuli láta 28.300
hektara af hendi til Haryana, sem
stjómað er af hindúum, í skiptum fyr-
ir sameiginlega höfuðborg ríkjanna,
Chandigarh.
Nú hafa 40 manns fallið í Punjab
héraði það sem af er þessum mánuði.
Lögregla og öryggissveitir eru nú í
viðbragðsstöðu í báðum hémðunum
til að koma í veg fyrir átök milli öfga-
manna og minnka spennu vegna
skiptanna sem fram eiga að fara þann
21. júní.
Stjómarandstaðan i Haryana hefur
boðað allsheijarverkfall til að mót-
mæla skiptunum.
Ekkja eins af meintum tilræðismönn-
um Indiru Gandhi ásamt syni sinum.
Hvað ungur nemur, gamall temur.