Dagblaðið Vísir - DV - 13.06.1986, Blaðsíða 10

10
DV. FÖSTUDAGUR 13. JÚNÍ 1986.
Utlönd Utlönd Utlönd Utlönd
Umsjón: Ólafur Arnarson og Hannes Heimisson
Duvalier-hjónin dvelja nú í góöu yfirlæti i Cannes á frönsku Rivíerunni og vísa harðlega á bug öllum ásökunum um spillingu og óráðsiu i stjórnartíð sinni.
Viljum lifa eins og
venjulegt fólk
- segja Duvalier-hjónin og segjast vilja snúa heim til Haiti
Það hefur ekki farið mikið fyrir
fyrrum einræðisherra Haiti, Jean-
Claude Duvalier, kannski betur
þekktari sem Baby Doc Duvalier, frá
því honum var steypt af stóli í Port
Au Prince.
Duvaher flúði, sællar minningar,
ásamt fjölskyldu og nánustu sam-
starfsmönnum til Frakklands um
borð í bandarískri herflugvél í óþökk
þarlendra yfirvalda í febrúar síðast-
liðnum.
Duvalier-fjölskyldan hafði drottn-
að yfir Haitibúum frá því á fimmta
áratugnum og löngum beitt lögreglu-
og hervaldi til að kæfa hvers konar
andstöðu.
Á meðan yfirstéttin lifði í vellyst-
ingum í skjóli tengsla sinna við
Duvalier-fjölskylduna lifði megin-
þorri Haitibúa við mikla eymd í sárri
fátækt, enda landið verið í áraraðir
á meðal fátækustu ríkja veraldar.
Yfirvöld í Frakklandi þráuðust í
fyrstu við að veita Duvalier og föru-
neyti hans landvistarleyfi, en þegar
engin önnur ríki buðust til að taka
við honum og umfjöllun fjölmiðla
um fall einræðisherrans minnkaði
var honum veitt landvist til bráða-
birgða.
Duvalier er enn í Frakklandi og
hefur komið sér vel fyrir ásamt fjöl-
skyldu og vinum í borginni Cannes
á frönsku Rivíerunni.
Fyrsta viðtalið
Bandarísk sjónvarpsstöð átti fyrir
skömmu viðtal við einræðisherrann
fyrrverandi á heimili hans í Cannes,
fyrsta opinbera viðtal Duvalier eftir
að hann var hrakinn frá völdum, og
birtist útdráttur úr því á rás stöðvar-
innar í dag.
I viðtalinu vísar Duvalier á bug
öllum ásökunum um stórkostlega
spillingu í stjómartíð sinni og segist
ekki hafa verið ábyrgur fyrir þeirri
óráðsíu er núverandi stjómvöld á
Haiti saka hann um.
Eina vafaatriðið varðandi fjár-
málastjóm sína er deila megi um
segir Duvalier að hafi verið er hann
notaði fjórar milljónir Bandaríkja-
dollara, eða ríflega 80 milljónir
íslenskra króna, af fjárveitingum til
landvama til að endurskipuleggja
og innrétta forsetahöllina í Port Au
Prince upp á nýtt.
„Þetta var venja í okkar stjómar-
tíð, fjárveitingar til endurbóta á
forsetahöllinni var hvergi annars
staðar að fá,“ segir Duvaher um
framkvæmdimar í forsetahöllinni.
í viðtalinu segjast Duvalier-hjónin
fegin vilja komast aftur á heimaslóð-
ir á Haiti til að lifa „eins og venjulegt
fólk“.
Samviskan hrein
Frú Duvalier, sem lengi hefur ve-
rið fordæmd fyrir ótrúlega eyðslu-
semi og óhóf á innakupaferðum
sínum innanlands sem utan, segist í
viðtalinu ekki munu óttast um líf
sitt ef þau settust aftur að á Haiti.
„í hugum okkar er samviskan hrein,
ég held að við höfum ekki gert neitt
af okkur,“ segir frú Duvalier.
Ný ríkisstjóm á Haiti segir að
Duvalier og fylgdarlið hafi haft
ótaldar milljónir dollara með sér frá
landinu og segist staðráðin í því að
endurheimta þær með öllum tiltæk-
um ráðum.
Frú Duvalier svaraði gagmýni er
komið hefur fram á mikið óhóf við
brúðkaup hennar og einræðisherr-
ans fyrrverandi og sagði að kostnað-
ur við sérstakan hárgreiðslumeist-
ara, er sóttur var til Parísar til að
leggja hár hennar fyrir brúðkaupið,
hafi verið greiddur af ónafhgreind-
um fjölskylduvini.
Duvaher segist í viðtalinu hafa
lagt sig allan fram um það að bæta
hag eyjarskeggja á valdatíma sínum
og segist nú ekki vilja tmfla fyrir
núverandi valdhöfum með neinum
yfirlýsingum um innanríkismál.
„Ég held , hvaó sem hver segir, að
á ferh mínum hafi ég gert það sem
í mínu valdi stóð t’ að berjast fyrir
bættum hag ’búa liaiti og í mínum
huga ríkir engin sektartilfinning yfir
því er hugsanlcga kann að hafa far-
ið úrskeiðis,1' segir Duvalier.
Inn i tuttugustu öldina
Sjónvarpssendingar hefjast frá öldungadeild Bandaríkjaþings
Bandaríska öldungadeildin hefur í
fyrsta skipti gefið leyfi til sjónvarps-
útsendingar frá fundi sínum.
Fögnuðu þingmenn þessum áfanga
og töldu að þetta gæti orðið til að
breyta ímynd þingsins og bandarí-
skum stjómmálum.
Sögulegur dagur
„Það er engin spuming að dagur-
inn í dag er að mörgu leyti söguleg-
ur,“ sagði Robert Dole frá Kansas,
leiðtogi meirihlutans, er hann hóf
umræðuna í þinginu á mánudag í
síðustu viku. „í dag færumst við inn
á tuttugustu öldina."
í raun hófú öldungadeildarþing-
menn sex vikna reynslutímabil með
sjónvarpsútsendingar, en þeir munu
greiða atkvæði um það í næsta mán-
uði hvort breytingin verður varan-
leg. En jafhvel andstæðingar
sjónvarpsútsendinga hafa tekið und-
ir með Robert Dole er hann segir:
„Þessu verður ekki breytt úr þessu.
Við erum komnir í sjónvarpið."
Eftir nokkrar „upphafsræður" í
tilefni dagsins varð þetta að ósköp
venjulegum degi í öldungadeildinni,
er þingmenn hófu umræður um
frumvarp um æðri menntun. Búist
er við meiri spennu er frumvarpið
um breytingar á skattakerfinu verða
teknar til umræðu.
Slegið á létta strengi, en und-
irtónninn alvarlegur
Sumir þingmenn slógu á létta
strengi er þeir stigu í ræðustól fyrir
framan sjónvarpsmyndavélar í fyrsta
skipti. Er John Glenn frá Ohio gekk
í ræðustól makaði hann andlitsfarða
á sköllótt höfuðið til að ekki glamp-
aði eins á það í Ijósi sjónvarps-
manna.
Menn voru þó almennt sammála
Lloyd Bentsen frá Texas sem sagði
að sjónvarpið myndi auka gildi öld-
ungadeildarinnar „heima í héraði".
Menn greindi þó á um það hvemig
sú breyting yrði.
Sumir sögðu að sjónvarpið myndi
auka áhrif nýliða á þingi. En undir
Sjónvarpsmenn koma myndavélum
sínum fyrir á áhorfendapöllum fyrir
ofan þingsal öldungadeildar Banda-
rikjaþings, en i siðustu viku var í
fyrsta skipti sjónvarpað þaðan.
niðri leyndist ótti margra við það
að mistökum þeirra og fáfræði yrði
sjónvarpað beint til þjóðarinnar.
„Það sem þú sérð er það sem þú
færð,“ sagði Bentsen. „ Menn munu
skemmta sér konunglega við að
horfa á mistök þingmanna í sjón-
varpi.
Fulltrúadeildin ruddi brautina
Það eru rök sem þessi sem hafa
komið í veg fyrir að sjónvarpsút-
sendingar úr öldungadeildinni yrðu
hafhar löngu fyrr. Fulltrúadeildin
hefúr leyft sjónvarpsútsendingar frá
umræðum síðan 1979, og nú geta 25
milljónir manna horft á sendingar
frá öldungadeildin í gegnum sjón-
varpskapal.
Það hefur komið mörgum fulltrúa-
deildarþingmönnum mjög á óvart
hve mikill áhugi er fyrir sendingum
þaðan og hve ákafar sjónvarpsstöðv-
ar „heima í héraði" eru í að sýna
búta úr þinginu í fréttatímum sínum.
Það voru þessar vinsældir sem réðu
miklu um það að öldungadeildin
ákvað að leyfa sendingar frá fundum
sínum.
Upp á stjörnuhimininn
Howard Baker, fyrrverandi öld-
ungadeildarþingmaður, sem lengi
barðist fyrir því að sjónvarpssend-
ingar yrðu hafhar, sagði að mánu-
dagurinn væri einn af merkilegri
dögum í sögu öldungadeildarinnar,
og að deildin og meðlimir hennar
myndu skjótast upp á stjömuhimin-
inn í einu vetfangi.
Að hans sögn er öldungadeildin
eitt af merkilegri fyrirbærum í
bandarísku þjóðlífi.
Hræðsla við „egoflipp“
Menn eru samt hræddir um að
sumir þingmenn muni reyna að ein-
oka sviðsljósið með því að halda
langat og einskis verðar ræður. En
flestir þingmenn sögðu að þrýsting-
urinn af sívakandi auga myndavél-
arinnar myndi fljótt lækna alla slíka
kvilla.