Dagblaðið Vísir - DV - 27.02.1988, Blaðsíða 10

10
LAUGARDAGUR 27. FEBRÚAR 1988.
Sælkerinn
Marc Chapo-
utier, vin-
bóndi með
100 ára
reynslu.
Líklegast eru helstu léttvinin í
heiminum ennþá framleidd í Frakk-
landi. Ef miðaö er við heildarfram-
leiðslu eins lands er enginn vafi á
því að besta vínið kemur þaðan.
Annars er það nú svo að „vín“
heimsins verða æ betri. Mest munar
um hinar miklu kynbætur sem. gerð-
ar hafa verið á vínviðnum og svo
nýja tækni við sjálfa framleiösluna.
Einn er þó galli á gjöf Njarðar að
vínin eða hinar einstöku tegundir
verða æ iíkari hver annarri. Vín-
framleiðendur eru farnir að laga
vínin að smekk fólks í ríkara mæli.
Vínfyrirtækin verða stærri, litlu fjöl-
skyldufyrirtækin eru keypt af al-
þjóðlegum auðhringum og það er
erfitt fyrir nýja framleiðendur að
brjótast inn á markaðinn.
Sem betur fer eru þó einstakar
undantekningar frá því ástandi sem
nú ríkir og í því sambandi mætti
nefna fjölskyldufyrirtækið Chapo-
utier í Rónardalnum. Fyrirtækið var
stofnað 1888 og á því 100 ára afmæli
í ár. Nú er. sjötti ættliöurinn að taka
við fyrirtækinu en frá upphafi hefur
það verið svo -að sonur hefur tekið
við af föður. Chapoutier er eitt af
virtustu vínfyrirtækjum i Frakk-
landi.
Chapoutier-fjölskyldan býr í þorp-
inu Tain skammt frá Hermitage
fjallinu. Fjölskyídan hefur í gegnum
árin keypt bestu vínakrana á svæð-
inu, í hlíöum Hermitages og St.
Joseph, Tain-Tournon, Valence og
allt suður til Chiateauneuf-du-Pape.
Þá framleiðir fyrirtækið rósavínið
Tavel, sem raunar hefur veriö fram-
leitt frá 1304 og er það pressað úr
Grenache-berinu. Núverandi for-
stjóri er Max Chapoutier en synir
hans, Marc og Michel, eru vitaskuld
á' kafi í rekstrinum.
Þess má geta hér til gamans að for-
nöfn allra Chapoutier-feðga byrja á
bókstafnum M, þó mun vera ein und-
antekning.
Þau vín sem koma frá Cotes-du-
Rhone eru framleidd beggja vegna
árinnar. Samanlagt vex vínviðurinn
á 700 km belti í Rónardalnum.
Dúfiirí
helgarmatim
Nú hafa kjúklingar hækkað all-
nokkuð í verði sem kunnugt er - því
miður. Kjúklingar voru orönir vin-
sæll matur hér á landi. Ekki er mikið
úrval af fuglakjöti hér á markaðnum.
Vissulega er hægt að fá endur, ali-
gæsir, kalkúna og svo auðvitað villta
fugla og þá helst rjúpur. Erlendis er
nú farið að rækta ýmsar fuglateg-
undir, nefna mætti t.d. fasana. Nú
er það svo aö það er bannað að flytja
fulgakjöt til landsins. Hvernig væri
að auka fjölbreytnina og einhveijir
verkefnalausir bændur færu að
rækta dúfur til manneldis. Dúfur eru
nefnilega Ijómandi matur ef þær eru
rétt aldar og notað er rétt kyn. Hér
gæti veri um áhugaverða aukabú-
grein aö ræða.
Hermitage liggur á sömu breidd-
argráðu og Bordeaux eða þeirri 45.
Fróöir menn segja að einmitt íHermi-
tage sé einn af heppilegustu stöðum
í heiminum til vínframleiðslu. Sú
kenning byggist á því aö vínrunninn
þurfi um 12 klst. sólskin á sólar-
hring, sólarljósið endurkastast frá
vatnsfletinum, jarövegurinn er
grýttur og Alparnir veita ökrunum
skjól. Öll þessi skilyrði eru fyrir
hendi í Hermitage.
Eins og áður sagði er Chapoutier
eitt af virtustu vínfyrirtækjum
Frakklands. Vín frá fyrirtækinu er
hægt að fá í öllum bestu veitingahús-
um Frakklands og þau eru fiutt út
til 42ja landa. En hvetju vilja þeir
Chapoutier-feðgar þakka hina miklu
velgengni sína? Því svarar yngsti
framkvæmdastjórinn, Marc Chapo-
utier: „í fyrsta lagi að við erum
fjölskyldufyrirtæki, þekkingin hefur
safnast saman í fjölskyldunni, ef svo
má segja. Þá höfum við ekki kastað
fyrir róða gömlum framleiðsluað-
ferðum, t.d. er ein víntegunda okkar
framleidd þannig að berin eru „troð-
Sælkerinn
Sigmar B. Hauksson
in“ með gamla laginu, þ.e. með
fótafli. Vitaskuld er þetta mun dýr-
ara en við þessa aöferð fær vínið
meira súrefni og nær vissum eigin-
leikum sem við fáum ekki öðruvísi.
Við erum þeir einu sem gera þetta
svona enn í Frakklandi. Við fram-
leiðum vín sem koma aldrei nálægt
neinum vélum. Við framleiðum okk-
ar eigin vínámur. Starfsfólk okkar
hefur unnið að víngerð kynslóð fram
af kynslóð. Tunnusmiðurinn okkar
er beykir í þriðja ættlið. En hins veg-
ar notum við einnig nýtísku fram-
leiðsluaðferðir þar sem þaö á viö,
eðli vínsins ræður framleiðsluað-
ferðinni."
HERMITAGE
M. de la SIZERANNE
AP P E LLATION HERMITAGE CONTRÓLÉE
m
MIS EN BOUTEILLE PAR
M. CHAPOUTIER S.A. c 75 d j :|
NÉGOCIANTS -ÉIEVEURS A TAIN-L'HERMITAGE (DRÓME) FRANCE
PRODUIT DE FRANCE
Því miður eru engin vín frá Chapo-
utier á boðstólum í verslunum
ÁTVR. Nú orðið er orðið töluvert
úrval af ódýrum borðvínum hér á
landi. Hins vegar vantar enn góö
millivín og gæðavín. Það voru ein-
mitt þessi frábæru millivín sem
vöktu sérstaka athygli Sælkerasíð-
unnar. Sérstaklega mætti nefna hin
svokölluðu Grand Cuvée vín en þau
eru þannig gerö að þeim eru blandað
saman úr bestu árgöngunum. Með
þessum hætti fást jöfn gæðavín sem
ná bestu einkennum hverrar tegund-
ar. Þá mætti nefna hvítu Hermitages-
vínin sem éru sérlega ljúf, að ekki
sé nú talað um Saint-Joseph vín sem
seint gleymist.
Höskuldur og Svava! Gleymið ekki
Chapoutier.
Kaupið fiskinn í fiskbúðinni
Auðvitaö, hvað annars staöar?
Jú, nú er svo komið að hægt er
orðið að kaupa fisk í velflestum
matvöruverslunum, að ekki sé nú
talað um stórmarkaöina. Svo virð-
ist sem þessi fiskur sé dýrari en sá
sem seldur er í fiskbúöunum,
hvernig sem á því stendur. En
verra er þó að í mörgum tilfellum
er sá fiskur, sem seldur er í stór-
mörkuöum og matvöruverslunum,
lakari vara en sá sem fisksalarnir
selja. Þá er oft vægast sagt hálfó-
geðslegt aö sjá fisk og kjötvörur í
sama boröinu eöa ýsusporöinn í
kjötfarsinu. Auðvitað er þetta ekki
algild regla. Þaö er auðvitað hægt
að fá góðan fisk í matvöruverslun-
um. Líklegast eru það einhvers
konar fiskheilsölufyrirtæki sem
útvega matvöruverslunum fisk,
starfsfólkið er svo kannski ekki
eins þjálfað og fisksalarnir en þeir
kaupa fiskinn yfirleitt sjálfir, ann-
aðhvort á fiskmörkuöunum eða
beint afbátunum. Sem sagt, fiskur-
inn hjá fisksölunum er yfirleitt
ódýrari og nýrri en hjá öðrum
verslunum. En það skal þó endur-
tekið að þetta er ekki algild regla.