Dagblaðið Vísir - DV - 27.02.1988, Side 20

20
LAUGARDAGUR 27. FEBRÚAR 1988.
Ustin að afklæða
Bí'éftilvinar
Kæri vin
Hér er sjónvarpað í gríð og erg frá
Ólympíuleikunum í Kanada.
Nokkrir landar eiga að vera þarna
meðai keppenda og ég hefi annaö
slagiö verið að gjóa öðru auga á
skjáinn í þeirri von að sjá þá í
keppni. Var svo heppinn að sjá þá
skálma um frakkaklædda viö opn-
unarhátíðina og var þaö tilkomu-
mikil sjón. En síðan hef ég ekki séð
neitt til hópsins. Kannski að það
hafi ekki verið hægt að ná fólkinu
úr frökkunum? Eða þá að einhver
meiðsli hafi átt sér staö viö þær
tilraunir. Annað eins hefur nú
gerst. Ungur Austfirðingur varð til
dæmis fyrir því óhappi að tvíhand-
leggsbrotna á vinstri handlegg
þegar lögreglan aðstoðaði hann við
að fara úr jakkanum. Og þegar slíkt
á sér stað þá Austfirðingar bregða
sér til Reykjavíkur hvað getur þá
ekki gerst þegar flokkur íslendinga
fer til Kanada í þykkum frökkum.
Þaö er ábyggilega enginn leikur að
afklæðast slíkum flíkum.
Hins vegar skal ég játa að fleir-
sinnis hef ég staðið upp og slökkt
á skíðaþáttunum frá Kanada svo
það má vel vera að sést hafi til land-
ans í keppni. En ég er lítill áhuga-
maður um skíða- og skautaíþróttir
sem aðrar íþróttir. Fékk raunar
andstyggð á öllu sem viðkemur
skíðum þegar ég var barn. Þá var
einhver norræn skíðakeppni í
gangi og rekinn harður áróður fyr-
ir því að allir gengju íjóra kíló-
metra að því mig minnir. Þegar ég
var orðinn sá eini í bekknum, sem
ekki hafði gengiö, var farið að hóta
mér öllu illu. Svo einn laugardag
komst ég yfir gömul skíði og dreif
mig í keppnina. Var mættur við
rásmark fyrir hádegi. Þar var fátt
annarra göngumanna, enda hvass
sunnanvindur og asahláka. Ég
vissi ekkert um að nauðsynlegt
væri að bera áburð neöan á skíðin,
þrammaði bara af stað. Eftir
skamma stund fór snjórinn aö fest-
ast við skíðin og ég varð að taka
þau af mér og skafa snjóinn af. Svo
var allt komið í sama far eftir
nokkra metra. Ég kom örmagna í
mark undir kvöld. Þá voru allir
skráningarmenn farnir heim utan
einn kall sem tók á móti mér með
óbótaskömmum. Síðan hef ég ekki
stigið á skíði og neitaði alfarið að
taka þátt í norrænni sundkeppni
sem haldin var seinna en þá áttu
allir sem sundfotum gátu valdið að
synda 200 metra.
í fyrsta lagi var ég búinn að fá
ímugust á norrænni íþróttakeppni,
hverju nafni sem hún nefndist, og
í öðru lagi var allsendis óvíst að ég
kæmist þessa 200 metra ódrukkn-
aður. En mig minnir að íslendingar
hafi unnið sundkeppnina með
glæsibrag einu sinni eða tvisvar og
þá var þessu hætt. En ekki orð
meira um íþróttir.
Nú er bjórmálið enn einu sinni á
dagskrá. „Þessar háttvirtu mömm-
ur okkar á Alþingi... “, eins og
Halldór Laxness komst að orði eitt
sinn þegar hann drap á stælur
þingmanna um bjórinn, ætla að
gera enn eina tilraun til að afgreiða
málið. Nú veit ég að þú ert lipur
bjórmaður og drekkur helst ekki
brennivín nema á þorrablótum ís-
lendingafélagsins þarna úti. Eins
og þú veist er ástandið hér þveröf-
ugt. Brennivín notað til daglegrar
neyslu en bjór til hátíðabrigða. En
það voru merkilegar upplýsingar
sem komu fram í Kastljósi sjón-
varpsins á dögunum þess efnis að
í fyrra voru fluttir inn nær ellefu
hundruð þúsundir lítra af áfengu
öli með blessun stjórnvalda. Einn
virtasti lagaprófessor landsins, Sig-
urður Líndal, kom í þáttinn og
fullyrti með sterkum rökum að
þessi innflutningur væri ólöglegur.
Hér ríkti bjórbann lögum sam-
k'væmt og þau lög giltu jafnt um
alla, en ekki bara þá sem héldu sig
hér á hólmanum og væru ekki að
flandra til annarra landa. Það verð-
ur fróðlegt að fylgjast með fram-
vindu þessa máls.á Alþingi. Annars
var verið að dæma mann í Hæsta-
rétti fyrir að blanda pUsner út í
vodka. Verjandi mannsins segist
vera hættur að skilja lögfræði eftir
þennan dóm svo það er ekki furða
þótt áfengislögin þvælist fyrir öðr-
um.
Þetta er svona sama sagan hér
aö heiman. Það var gott hjá þér að
senda Ebbu frænku póstkort og
segja henni að þú ætlaðir til Ítalíu
um páskana. Þú losnar þá við að
hýsa hana og hennar famelíu. Ann-
ars er Ebba komin á kaf í ráð-
húsmáUð. Farin að vinna meö
samtökunum Lifi Tjörnin, eða
Tjörnin lifi, hvað sem þau nú heita.
Ég er hættur að nenna aö fylgjast
Sæmundur Guðvinsson
með þessu þvargi um ráðhúsið,
enda er Davíð ákveðinn í að byggja
húsið í Tjörninni hvað sem tautar
og raular. Ég hef aldrei séð neitt
sérstakt við þennan poll, nema þá
fugla með unga sína á vorin og get
ekki ímyndað mér að fuglamir fari
að flýja ráðhúsið. Hitt er svo annað
mál að mér er fyrirmunað að skUja
nauðsyn þess að byggja heUt ráð-
hús yfir kontórista borgarinnar.
Akureyringar eiga sitt Ráðhústorg
en ekkert ráðhús og hefur sú til-
högun gefist vel. Því legg ég tíl aö
hætt verði við að byggja ráðhús í
Reykjavík en þess í stað verði
Tjörnin nefnd Ráðhústjörn hér eft-
ir. Þá ættu allir að una glaðir við
sitt, eða hvað finnst þér?
Nú auglýsa ferðaskrifstofur
grimmt sólarferðir sumarsins.
Verðið hefur víst aldrei verið
lægra, sérstaklega ef þú ert hjón
meö tvö böm innan tólf ára og deil-
ir ferð og sumarhúsi með öömm
hjónum sem eiga börn á sama aldri
og þið troðið ykkur svo öU inn í
fjögurra manna bfialeigubU. Svo
fer verðið líka eftir því hvort um
er að ræða staðgreiðsluverð eða
almennt verð. Það er sumsé þannig
komið að það er kallað venjulegt
að borga með plastinu en hinum
plastlausu umbunað nokkuð fyrir
að vera óvenjulegir. Sæll að sinni.
Þinn vinur
Sæmundur
Finnurðu
átta breytingar?
82
Þessar tvær myndir sýnast í fljótu bragði eins en á neðri
myndinni hafa fallið burt hlutar af myndinni eða þeir
breyst, alls á átta stöðum. Það er misjafnlega erfitt að finna
þessar breytingar en ef fjölskyldan sameinast um að leysa
þetta trúum við því að allt komi þetta að lokum.
Merkið með hring eða krossi þar sem breytingarnar eru
og sendið okkur neðri myndina. Skilafrestur er tíu dagar.
Að þeim tíma liönum drögum við úr réttum lausnum og
veitum þrenn verðlaun, öll frá versluninni Japis, Brautar-
holti 2. Þau eru Supertech segulband (verðmæti 3.948,-),
Supertech útvarp (verðmæti 2.840,-) og LED útvarpsvekjari
(verðmæti 1.590,-).
í öðru helgarblaði héðan í frá birtast nöfn hinna heppnu
en ný þraut kemur í næsta helgarblaði.
Góða skemmtun!
Merkið umslagið:
„Átta breytingar-82, c/o DV, pósthólf5380,125 Reykjavík.“
Verðlaunahafar 80. gátu reyndust vera: Ragnar Þorvalds-
son, Munkaþverárstræti 18, 600 Akureyri (segulband);
Sigrún Olafsdóttir, Árstíg 3, 710 Seyðisfjörður (útvarp);
Auður Magnúsdóttir, Vallargerði 26, 200 Kópavogur (út-
.varpsvekjari).
Vinningarnir verða sendir heim.
§><-
NAFN .............................
HEIMILISFANG .....................
PÓSTNÚMER ........................