Dagblaðið Vísir - DV - 24.10.1988, Blaðsíða 3

MÁNUDAGUR 24. OKTÓBER 1988.
3
Fréttir
ísafjörður:
Grunur um ólöglega
kindakjötssólu reyndist
ekki á rökum reistur
Siguiján J. Sigurösson, DV, ísafiröi:
komiö hvenær sem er og skoðaö. Og sem hefur verið skoðuö en ég gef Verslunin Búð i Hnífsdal helur verið hreinsuð af grun um ólöglega kinda-
verslimin Búð er ekki eina verslunin ekki upp nein nöfn.“ kjötssölu. OV-mynd BB, ísafirði
Verslunin Búð í Hnífsdal sætti lög-
reglurannsókn í fyrri viku vegna
gruns um að þar færi fram ólögleg
sala á kjöti af heimaslátruðu fé frá
Gerðhömrum í Dýrafirði. Að sögn
lögreglunnar á ísafirði leiddi rann-
sóknin í ljós að grunurinn var ekki
á rökum reistur.
„Lögreglan kom hér á þriðjudaginn
og sneri öllu við en fann ekkert kjöt
ómerkt, nema afgangs nautakjöt sem
við hjónin höfðum tekið úr verslun-
inni og ætluðum til eigin neyslu,“
sagði Sverrir Guðmundsson, kaup-
maður í Búð, í samtali við DV.
„Lögreglumenn komu fyrst í versl-
unina að viðstöddum kúnnum og síð-
an aftur um kvöldið. Lögreglubíll var
látinn vakta verslunina langt fram
eftir kvöldi. Þetta þykir okkur ailt
mjög óvönduð vinnubrögð og höfum
lagt fram kæru vegna þess að okkur
var sagt að við hefðum fengið á okk-
ur opinbera kæru sem var ekki rétt.
Við hefðum ekki hleypt þeim inn
annars," sagði Sverrir.
„Þegar lögreglan fær rökstuddan
grun um að refsiverður verknaður
hafi veriö framinn þá ber henni
skylda til að framkvæma rannsókn,"
sagði Jónas fl. Eyjólfsson yfirlög-
regluþjónn í samtaii við DV.
„Eigandinn leyfði okkur fúslega að
framkvæma þessa leit og hún leiddi
í ljós sakleysi hans. Verslunarmenn
og aðrir, sem selja matvörur, verða
að gera sér grein fyrir því að heil-
brigðisyfirvöld og löggæsla geta
Vestfiröir:
Heimaslátrun
á Gerðhömrum
rannsökuð
Sguijón J. Sgurðsson, DV, ísafirði:
„Þrír lögreglumenn birtust á Gerð-
hömrum á mánudagskvöld og hér
var allt opnað fyrir þeim en ekkert
fannst nema maturinn sem fjölskyld-
an átti,“ sagði Einar Jónsson, bóndi
frá Gerðhömrum, í samtali við DV.
„Ég slátraði hér nokkrum kindum,
sem ég hafði á Núpi, til heimilisins
og aðstoðaði tvo gamla menn í sveit-
inni við það sama og ég hef ekki vit-
að fyrr en nú aö það væri lögbrot.
Við fáum ekkert að vita um þann
sem kærir nema það að hann segir
okkur hafa selt umtalsvert magn í
tvær verslanir á ísafiröi. Við höfum
ekki fengiö að vita hver hin verslun-
in á að vera. Ég er ákveðinn að leggja
fram kæru og fara fram á skaðabæt-
ur,“ sagði Einar.
„Það komu inn ábendingar um að
á Gerðhömrum færi fram slátrun og
þar sem við vissum ekki til að bærinn
hefði búmark þá urðum við að kanna
málið," sagði Jónas H. Eyjólfsson
yfirlögregluþjónn í samtali við DV.
„Rannsóknin leiddi í ljós að þarna
hefði verið slátrað fé frá nokkrum
bændum og slíkt er óheimilt. Þama
fannst kjöt af heimaslátruðu. Menn
geta ekki sameinast um sláturhús,
hvorki bændur né aðrir, nema að
sláturhúsið fái viðurkenningu.
Þarna er ekki um það aö ræða.
Sú aðstaða, sem notuð var, er ætluð
til fiskverkunar og það samrýmist
alls ekki reglum um meðferð á fiski.
Við höfum haft fregnir af því aö
heimaslátrun fari fram víða á Vest-
fjörðum og við munum fylgjast
grannt með því og kanna hvort þaö
eigi við rök að styðjast," sagði Jónas.
GuUvemd Sjóvd, - lýsandi
dœmi umgóðar tryggingar
Spurt er: Til hvers á að tryggja? Svar: Til þess ,að öðlast
jjárhagslegt öryggi í framtíðintii. Aðalkosturinn við
Gullvernd Sjóvá er einmitt að hún tryggir þér JJárhagslegt
öryggi. Gullvemd Sjóvá er nýtt tryggingakerfi fyrir
einstaklinga, Jjölskyldur og heimili sem byggir á nýjum hugmyndum við að meta
tryggingaþöif. í nýju Fjölskyldu- og Fasteignatryggingunum
í Gullvernd eru nýjungar sem ekkert vit er í að vera án.
Leitið nákvæmra upplýsinga um nýju Gullverndina
í síma 692500 til kl. 11:00 á kvöldin. SJOmM
Sjóvátryggingarfélag Islands hf, Suðurlandsbraut 4, sími 91-692500.