Dagblaðið Vísir - DV - 02.05.1989, Blaðsíða 27

ÞRIÐJUDAGUR 2. MAÍ 1989.
27
Iþróttir
Akstursíþróttir:
Veltigrindin í
fjölskyldubflinn
, Nýr spennandi flokkur 1 rallinu í sumar
Þaö mun nú ljóst að keppt verður
í nýjum flokki óbreyttra bíla á rall-
mótum sumarsins. Þrátt fyrir að
skiptar skoðanir hafl verið um
þessa nýjung meðal rallmanna er
ljóst að þetta eykur breiddina í rall-
inu í sumar og laðar vonandi að
nýja keppendur.
Stefnt verður að því að gera þess-
um keppendum jafnhátt undir
höfði og þeim keppendum er keppa
á mikið breyttum bílum enda
munu menn væntanlega berjast af
sömu hörku á óbreyttu bílunum
og keppendur á breyttum bílum
sem oft er fátt eftir af miðað við
upprunalega gerð annað en nafnið.
Til aö fræða lesendur meira um
þennan nýja flokk fengum við
Óskar Ólafsson, sigurvegara í
flokki óbreyttra bíla á liönu ári, til
þess að spjalla við okkur um töfra
þess að keppa á bifreið sem líkastri
þeim sem almenningur ekur um á
götunum.
- Telur þú standard flokkinn hag-
stæðan fyrir byrjendur?
Þetta er ágæt leið til að kynnast
íþróttinni án mikils stofnkostnaðar
þó ekki sé hægt aö vænta sigurs á
öflugri breyttum bílum. Það er
hægt að fá mikiö úrval af hentug-
um bílum á vægu verði. Skemmti-
legast væri ef sem flestir tækju sig
til og kepptu í þessum flokki, það
gerði baráttuna skemmtilegri. í
hverju ralli geta verið haldin mörg
æsispennandi einvígi þó ekki sé
verið að berjast um sigurinn í rall-
inu. Það getur verið ótrúlega gam-
an að berjast á hægfara bíl við jafn-
ingja sinn á svipuðu ökutæki. Þar
fær ökugleði, lagni og útsjónarsemi
áhafnar að njóta sín til fullnustu
við að koma keppnisfáknum heil-
um í mark á sem skemmstum tíma.
- Hver var besti árangur þinn á
síðasthðnu ári?
Ég tók þátt í öllum þeim 6 keppn-
um er gefa stig til íslandsmeistara
á liðnu ári og lauk þeim öllum.
Þegar upp var staðið endaði ég í 4.
sæti til íslandsmeistara, aðeins 3.
stigum á eftir Jóni S. Halldórssyni
sem ekur á Porche 911. Besti ein-
staki árangurinn er þriðja sæti í
vorrallinu og íjórða sætið í alþjóða-
rallinu sem er mjög erfið þriggja
daga keppni. í fimm af sex keppn-
um sumarsins sigraði ég í flokki
óbreyttra bíla. Það má því segja að
uppskera sumarsins hafi verið góð.
- Hvernig eiga áhugamenn um
íþróttina aö bera sig að?
Bifreiðaíþróttaklúbbur Reykja-
víkur er öllum opinn og þar hittast
menn á hverju fimmtudagskvöldi,
spjalla saman og horfa á nýjustu
rallmyndirnar. Þar fást auðveld-
lega allar upplýsingar er koma
byrjendum til góða fyrstu skrefin á
rallbrautinni.
- Hvernig bíla eiga menn að fá sér
til keppni í óbreytta flokknum?
Ég ek nú sjálfur á Subaru RX
Turbo 4WD sem við eigum saman,
aðstoðarökumaðurinn minn, Jó-
hann Jónsson, og ég og hefur hann
reynst einstaklega vel en í raun
geta flestallar bifreiðategundir
dugað vel. Best er að bílarnir séu
sem nýjastir því slitnum bíl er
hættara við bilunum.
Hver er helsti munurinn á aö
keppa á breyttum bíl og óbreyttum?
Breyttur bíll hefur oftast mikla
vélarorku, endurbættar bremsur
og fjöðrun og getur því farið mun
hraðar á vondum vegi. Óbreyttum
bílum verða menn að hlífa meira á
slæmum vegarköflum.
Ánægjan við aksturinn er svipuð
þar sem í báöum tilfellum er keppt
við jafningja. Ég tel að það sé mjög
jákvætt að hefja keppnisferilinn á
óbreyttum bíl því það gefur byrj-
endum góða innsýn í íþróttina án
mikilla flárútláta.
Hér á árum áöur keppti ég á mis-
munandi mikið endurbættum bíl-
um og var hársbreidd frá íslands-
meistaratitli árið 1982 en það var
fyrsta heila keppnisáriö mitt. Þó
að gaman sé að dútla viö að breyta
bílum geta Ijölskyldumenn tæpast
lagt allan sinn tíma í íþróttina. Ég
hef ódrepandi áhuga á rallinu og
tel það ekki eins tímafrékt aö vera
keppandi í flokki óbreyttra bíla.
- Stefnir þú á íslandsmeistaratitil-
inn þetta árið í flokki óbreyttra
bíla?
Hvort sem titillinn verður nefnd-
ur íslandsmeistari eða bikarmeist-
ari Bílgreinasambandsins þá stefni
ég ótrauöur að því að gera hann
að mínum. Það er tilbúið pláss í
hillunni heima fyrir bikarinn en
samt mun ég ekki vanmeta and-
stæðingana. Það má vænta harðrar
keppni í sumar.
Ég keppi á nýjum Subaru sem verð-
ur væntanlega eitthvað öflugri en
sá gamli sem nú er kominn í hend-
ur Páls Halldórssonar og mun
hann ætla sér að keppa á honum.
Það verður spennandi að sjá hvern-
ig gengur að eiga viö hann og fleiri
harða keppnismenn á jafnréttis-
grundvelli. Þetta gæti orðíð spenn-
andi og skemmtilegt sumar.
- Hverju vilt þú spá um keppnina
í flokki breyttra bíla? Hver verður
íslandsmeistari árið 1989?
Mér sýnist þrír bílar vera sigur-
stranglegastir. Fyrst er að nefna
Jón Ragnarsson/Rúnar Jónsson.
Jón hefur geysimikla keppnis-
reynslu og er öruggur og jafn öku-
maður. Steingrímur Ingason/Witek
Bogdanski ráða yfir miklum hraða
og öflugum bíl sem þó hefur brugö-
ist þeim á örlagastundu. Ef Ásgeir
og Bragi mæta í sumar á Metro 6R4
súperbíl verða þeir mjög skæöir
keppinautar ef Ásgeir ekur eins og
hann hefur gert undanfárin ár. Það
getur þó tekið þá nokkurn tíma að
venjast nýjum keppnisbíl. Það er
alveg ljóst að komandi keppnis-
tímabil veröur spennandi á báðum
vígstöðvum rallíþróttarinnar.
-BS/ÁS
• Subaru bifreið Óskars Ólafssonar og Jóhanns Jónssonar æðir upp úr ársprænu á leið til sigurs í sinum
flokki. Ökutækið er óbreyttur Subaru RX turbo 4WD.
TILBOÐ
adidas ^
20% AFSLATTUR
af Adidas fótboltaskóm
vikuna 1.-6. maí
Laugavegi 97 og Völvufelli 17
Póstkröfusími 17015
MUNN-SPRAY
Lykteyðandi
Virkar á andremmu vegna tóbaks, víns, bjórs, hvítlauks, krydds,
megrunar (rangar magasýrur) og tannskemmda.
STERKASTA MUNN-SPRAYIÐ
Til að úða: Þrýstið tapp-
anum niður 2-3 sinnum
og úðið upp í munninn
þegar þið tinnið til munn-
þurrks. Til að hreinsa
góm: LJðið 3-4 sinnum
dagl. Við andremmu: Not-
ist eftir þörfum.
HEILDVERSLUNIN
KAMILLA
SUNDABORG 1
BOX 4331, 124 R
SÍMI (91)681706
(ámo(a
(amo(áre
Throat Spray/Gargle
PÓSTKRÖFUSÍMI
Tekur pantanir á símsvara allan sólarhringinn: > 681706 <
ÚTSÖLUSTAÐIR
Apótek Garðabæjar, Apótek Noróurbæjar, Árbæjarapótek, Borgarapótek, Eygló, Lang-
holtsv. 17, Garðsapótek, Háaleitisapótek, Heilsubúðin, Reykjavikurvegi, Heilsumarkað-
urinn, Laugavegi 41, Iðunnarapótek, Ingólfsapótek, Keflavíkurapótek, Laugavegsapótek.