Dagblaðið Vísir - DV - 03.11.1990, Blaðsíða 3

LAUGARDAGUR 3. NÓVEMBER 1990.
3
PV ___________________________
Viðskipti Islands og Sovétríkjanna:
Fréttir
Utanríkisráðherra áhyggjufullur
- vegna vanefnda Sovétmanna á viðskiptasamningum landanna
Jón Baldvin Hannibalsson utan-
ríkisráðherra hefur látið afhenda
Konstantín F. Katushev, utanríkis-
viðskiptaráðherra Sovétríkjanna,
bréf varðandi vandamáhn í viðskipt-
um þjóðanna.
í bréfmu lætur Jón Baldvin í ljós
alvarlegar áhyggjur vegna þess að
greiðslur hafa ekki komið fyrir sjáv-
arafurðir sem fluttar hafa verið frá
íslandi til Sovétríkjanna samkvæmt
viðskiptasamningi þjóðanna.
Þá eykur það enn á áhyggjur Jóns
Baldvins að sovéski viðskiptaaðilinn
Sovryflöt, segist ekki ætla að halda
gerða samninga og hætta að taka við
vörum frá íslandi.
Jón Baldvin rekur í bréflnu hvaða
afleiðingar þetta hefur fyrir afkomu
íslenskra sjómanna og fiskvinnslu-
fólks.
Hann vísar á bug fullyrðingum
Sovétmanna um gjaldeyrisskort og
minriir á kaup íslendinga á vörum
frá Sovétríkjunum sem færir þeim
mikinn gjaldeyri.
Þá lýsir Jón Baldvin einnig yfir
áhyggjum vegna þess að Sovétmenn
hafa ekki staðið við samninga um
greiðslur fyrir ullarvörur sem fluttar
hafa verið frá íslandi til Sovétríkj-
anna.
-S.dór
Laugarvatn:
Ætla að
spila bridge
í 60 tíma
Fjórði bekkur Menntaskólans á
Laugarvatni stendur þessa dagana
fyrir fjársöfnun, en ætlunin er að
fara í útskriftarreisu næsta vor. Lið-
ur í söfnuninni er bridgekeppni þar
sem 4 nemendur ætla að spila bridge
í 60 klukkutíma og reyna þar með
að slá íslandsmetið. Metið er 52
klukkutímar og það voru nemendur
fjórða bekkjar sem útskrifuðust fyrir
fjórum árum, sem settu það met.
Sigrún Theódórsdóttir, formaður
nemendaráðs, segir að til að geta
slegið íslandsmetið þurfa nemend-
urnir að sitja fram á sunnudagskvöld
við spOamennskuna, en þeir byrjuðu
í gærmorgun. Þeir fá 5 mínútna hlé
á hverjum klukkutíma, en verða
annars að sitja við. „Við höfum verið
að safna áheitum og það hefur geng-
ið ágætlega. Það ríður því á að þeim
takist þetta. í dag verðum við svo í
Kolaportinu þar sem við ætlum að
selja brodd og hverabakað brauð sem
við bökum sjálf.“
Kristinn Kristmundsson, skóla-
meistari ML segir að sér lítist ekki
vel á þetta uppátæki nemendanna.
„Mér líst illa á þetta. Þetta er alltof
mikO áreynsla, en þeir verða að fá
að reka sig á það sjálfir."
-ns
Ný þingmál
Jón Sæmundur Siguijónsson, Al-
þýðuflokki, hefur lagt fram á Alþingi
þingsályktunartillögu þess efnis að
aftur verði teknir upp hinir gömlu
einkennisbókstafir skráningar-
svæða við skráningu bifreiða. Jón
vill að kostir hins nýja skráningar-
kerfis verði þó látnir halda sér.
Hann leggur til að fyrir framan
fastanúmer bifreiða komi bókstafur
þess svæðis sem bifreiðin er frá. Sá
stafur verði límdur á plötuna. Ef bif-
reiðin er seld milh svæða má rífa
þennan staf af og setja bókstaf nýja
svæðisins í staðinn.
Ölafur Þ. Þórðarson, Framsóknar-
flokki, hefur lagt fram fyrirspurn tO
landbúnaðarráðherra. Spurningar
Ólafs eru: Hvernig ástand girðinga
Landgræðslunnar á Vestfjörðum sé,
hvað uppgræðslu innan þeirra miði,
hvenær talið sé að uppgræðslunni
verði lokið og hvenær megi í síðasta
lagi búast við að landi innan girðing-
arinnar verði skilað til eigenda.
Geir H. Haarde, Sjálfstæðisflokki,
hefur lagt fram frumvarp til laga um
leiðréttingu á afturvirkum ákvæðum
um útreikning húsnæðisbóta, vaxta-
bóta og vaxtaafsláttar í lögum nr.
79/1989 og lögum nr. 117/1989, um
breytingar á lögum nr. 75/1981, um
tekjuskatt og eignaskatt.
Þá hafa þau Guðrún Helgadóttir,
Alþýðubandalagi, Jón Helgason,
Framsóknarflokki, og Árni Gunn-
arsson, Alþýðuflokki, lagt fram
breytingartúlögu við fjárlagafrum-
varpið og leggja til að Hið íslenska
þjóðvinafélag fái 500 þúsund krónur
á fjárlögum næsta árs.
VERTU MEÐ - ÞAÐ ER GALDURINN ,
UPPLÝSINGAR: SÍMSVARI: 681511 LUKKULlNA: 991000
-S.dór .