Dagblaðið Vísir - DV - 03.11.1990, Blaðsíða 21

LAUGARDAGUR 3. NÓVEMBER 1990.
21
Cooper og Truman virða fyrir sér lík Lauru Palmer.
Tvídrangar:
Það er fiskur í
kaffikönnunni
/
Finnst þér skrýtiö að þaö skuli
vera fiskur í kafíikönnunni? Finnst
þér einkennilegt aö kona, sem missti
mann sinn í skógareldi, skuli æ síðan
ganga með trjádrumb í fanginu og
ræða við hann ef henni leiöist?
Þetta er meöal þess sem er að finna
í þáttaröðinni um Tvídranga, Twin
Peaks, sem heíja göngu sína á Stöð 2
í kvöld. Þættirnir gerast eins og nafn-
ið bendir til í smábænum Tvídröng-
um rétt við kanadísku landamærin.
Laura Palmer finnst myrt og illa leik-
in í stöðuvatni og lögreglan í Tví-
dröngum stendur ráðþrota. Þegar
önnur stúlka finnst nær dauða en
lífi sendir alríkislögregl.an Dale Coo-
per fulltrúa á staöinn til að rannsaka
málið ásamt Harry Truman lög-
reglustjóra. Cooper er reyndar eng-
inn venjulegur lögreglumaöur held-
ur ólæknandi bökuæta (pie) og vill
helst leysa málin með því að láta
lausnina birtast sér í draumi.
Það er fallegt í Tvídröngum þegar
sólin skín en undir lygnu yfirborðinu
leynast ill öfl og hræðileg leyndar-
mál. Þess vegna er fiskur í kafSkönn-
unni.
Amerískir sjónvarpsgláparar féllu
kylliflatir fyrir Tvídröngum og talið
að um 30 milljónir fylgist meö hveij-
um þætti. En hvað er svona
skemmtilegt viö þættina. Söguþráð-
urinn er óheyrilega flókinn og fyrir
aðdáendur morðgátna hreinasta
martröð því hann er á kafi í folskum
vísbendingum. Flestar ef ekki allar
persónurnar eru smáskrýtnar og
samtölin oft á tíðum afar einkenni-
leg.
Potturinn og pannan bakvið allt
saman, Davið Lynch, sem bæði leik-
stýrir pg skrifar handritið ypptir öxl-
um. „Ég skil þaö ekki,“ segir hann.
„í mínum augum eru þetta ósköp
venulegir sjónvarpsþættir."
„Þetta er eins og Sögur úr Sámsbæ
(Peyton Place), segir John Waters
leikstjóri sem er mikill aðdáandi
þáttanna. „Eini munurinn er sá að í
þessum bæ eru allir geggjaðir.“
„Hryllileg og kæfandi miðju-
mennska Cosby kynslóðarinnar var
að ganga af amerísku sjónvarpi
dauðu. Loksins kom eitthvað fyrir
fólk sem finnst skrýtið eðlilegt," seg-
ir annar aðdáandi.
„Þættirnir eru eins konar menn-
ingarlegur safnhaugur," segir Mark
Frost sem skrifar handritið ásamt
Lynch. „Þarna eru tákn, persónur
og fyrirbæri úr öllum þeim sjón-
varpsþáttum sem viö ólumst upp
við.“
Hver er David Lynch?
Lynch þessi fæddist í smábænum
Missoula í Montana, 20. janúar árið
1946 og stendur því á 45. aldursári,
sonur húsmóður og vísindamanns.
Hann fór eftir hefðbundna skóla-
göngu til náms í listaháskóla í Boston
þar sem hann lagði stund á málara-
list en eftir stutta dvöl þar fór hann
til Evrópu. Þar tolldi hann stutt því
hann gat ekki hugsað sér aö vera
meira en 7.000 mílur frá MacDonalds.
Lynch slæptist í margs konar
vinnu eftir heimkomuna en settist
fljótt aftur á skólabekk við listahá-
skólann í Philadelphiu. Þar dró hann
saman hráefniö í hina hræðilegu fjöl-
skyldumynd Eraserhead eða Strok-
leöurhaus sem fljótt öðlaðist mikla
hylli neðanjarðar þrátt fyrir að hún
væri af vanefnum gerð. Framleiö-
andinn Mel Brooks valdi þess vegna
Lynch til þess að leikstýra Fílamann-
inum sem hlaut miklar vinsældir
með John Hurt í aðalhlutverki. Þar
á eftir ofreyndi Lynch sig þegar hann
leikstýrði Dune sem gagnrýnendur
rifu í sig og þótti mistakast gjörsam-
lega.
Lynch var ekki af baki dottinn
heldur bjó til kvikmyndina Blue Vel-
vet sem, eins og Tvídrangar, fjallar
um smábæjarlíf og sérstaklega er
skyggnst undir yfirborðið. Myndin
sló í gegn og þótti geggjað ímyndun-
arafl Lynch og súrrealísk og hrotta-
leg sýn hans á lífið fá að njóta sín til
fullnustu. Pauline Kael, sem er
þekktur bandarískur kvikmynda-
gagnrýnandi, sagði eftir að hafa séð
myndina: „Kannski er ég úrkynjuð
en þetta vil ég sjá aftur."
Á grundvelh þessarar velgengni
fékk Lynch tækifæri til þess að gera
Tvídranga og vinsældir þeirra hafa
komið framleiðendum gjörsamlega í
opna skjöldu. Hann lætur sér sjálfur
fátt um finnast en heldur áfram að
mæta á hverjum degi klukkan hálf-
þrjú á hamborgarastaðinn Bob’s Big
Boy í Hollywood þar sem hann fær
sér sinn reglulega mjólkurhristing
og punktar hugmyndir hjá sér á
servíettu. Hann hefur ekki misst dag
eða mjólkurhriSting úr síðustu sjö
ár. Lynch er tvígiftur og á tvö börn
úr fyrri hjónaböndum. Hann hefur
verið orðaður við leikkonuna Isa-
bellu Rossehni.
Láta sér fátt um finnast
íbúarnir í Snoqualmie í Washing-
ton fylki láta sér fátt um þættina
finnast. Bærinn og umhverfi hans
mynda umgerð þáttanna um Tví-
dranga. í Snoqualmie búa 1.500
manns og þar hefur ekki verið fram-
inn glæpur svo orð sé á gerandi í
manna minnum. Flestir íbúanna
fylgjast með þáttunum til þess að sjá
kunnuglegt landslag líða hjá en
finnst fátt um söguþráðinn. Fæstir
þeirra hafa reynt að verða ríkir á
Tvídrangaæðinu sem gengur yfir
Bandaríkin utan eigandi eins veit-
ingastaðar sem auglýsir sérstaka
Tvídrangahamborgara.
Flestir túristanna og fréttamann-
anna sem koma til Snoqualmie líta
innð í Mar-T kaffihúsinu og fá sér
böku (pie) að hætti Coopers lögreglu-
manns. „Ég hef verið að baka allt
mitt líf en nú er ég hræddur um að
gera eitthvað vitlaust," segir bakar-
inn Garnet Cross sem er 72 ára.
-Pá
Hver drap Lauru Palmer? Hópur ibúa Tvidranga við útför hennar. Er morðinginn þar á meðal?
Trjádrumbakonan sem er ein sérstakasta persóna Tvidranga.
Travel
Ratvís - ferðaskrifstofa
Hamraborg 1-3, sími: 91-641522
FERÐASMELLUR
Upplýsingar og farpantanir í símum 652266 og 641522
Trier - helgarferð
Brottför 22. nóvember. Fararsyóri: Arthur Björgvin Bollason. Verð frá Kr. 32.800.*
’lnnifalið flug til Lux, akstur til Trier, gisting í 3 nætur og alvöru fararstjórn.
Ferðasmellir boðnir af ferðaskrifstofunum.
Ratvís og Alís tryggja gæði og öryggi.
■HHFARKORT
•Verð á mann, 2 i herbergi.
flugvallarskattur ekki innifalinn.
IATA
ferðaskrifstofur
FERÐASKRIFSTOFA
Sími 652266
Ratvís - ferðaskrifstofa
Hamraborg 1-3, sími: 91-641522