Dagblaðið Vísir - DV - 27.04.1991, Síða 10

10
LAUGARDAGUR 27. APRÍL 1991.
„Ég vann,“ segir Bart. Þaö er víst ekki nokkur vafi hver Bart Simpson er alltaf saklaus - eða það segir hann
er alltaf bestur að eigin áliti. sjálfur að minnsta kosti.
Það leikur enginn vafi á að Bart Simpson er villingur og þar að auki of-
beldishneigður. Varla getur hann talist fyrirmynd annarra barna.
Villingurinn Bart
— í augum tíu ára nemenda Hlíðaskóla
Villingurinn Bart Simpson hefur
brætt margan íslendinginn og víst
er hann í uppáhaldi hjá mörgum
jafnt smáum sem stórum. Kannski
einhverjir sjái sjálfan sig í Bart en
höfundur hans Matt Groening hefur
sagt að hugmyndin af Bart Simpson
sé hann sjálfur. Vesalings Matt var
mikið óargadýr í skóla. Hann á fóður
sem heitir Hómer og systur sem heit-
ir Lísa og má segja að eini munurinn
á Matt og Bart sé að sá fyrrnefndi
er lifandi en hinn teiknimyndaper-
sóna.
Matt fleygði skólabókunum sínum
út um gluggann á kennslustofunni
og annað í þeim dúr sem varla er
hafandi eftir. Enda segir fyrrverandi
kennari Matts að það hafi verið mik-
ill Bart Simpson í Matt Groening.
Hins vegar var það Matt sem hafði
athygli bekkjarfélaganna en ekki
kennarinn.
Sjálfsagt eru til einhverjir Bart
Simpsonar í íslenskum kennslustof-
um enda hafa sálfræðingar reynt að
sálgreina óþekktarangann, jafnvel í
útvarpi. Bart Simpson er nefnilega
Tíu ára nemendur í Hlíðaskóla fengu það skemmtilega verkefni í einum myndmenntatíma að teikna Bart Simpson
fyrir DV. DV-mynd Hanna
ekki bara í uppáhaldi hjá börnum.
Auk þess hafa hárskerar þessa lands
nóg að gera við burstaklippingar eða
heitir það kannski Bart Simpson-
klippingin núna?
Helgarblaðið fékk tíu ára krakka í
Hlíðaskóla til að teikna Bart Simpson
og gefa honum orðið. Þannig getur
maöur best séð hvemig krakkarnir
upplifa gemlinginn. Það var Hrafn-
hildur Bernharðsdóttir mynd-
menntakennari sem fékk krökkun-
um verkefnið fyrir DV en þau fengu
ekkert að vita um að blaðið stæði á
bak við gamanið fyrr en verkefninu
var lokið. Hér á síðunni sjáum við
síðan afraksturinn og er ekki annað
að sjá en þetta séu hinar bestu teikn-
ingar. Matt Groening má sennilega
fara að vara sig ef tíu ára krakkar
eru svona efnilegir teiknarar. Von-
andi leyndist þó enginn Bart Simp-
son í hópnum. Helgarblaðið þakkar
krökkunum í Hlíðaskóla og kennara
þeirra fyrir hjálpina.
Aðrir geta síðan skoðað myndirnar
og fundið út hvaö krökkunum finnst
um Bart Simpson. -ELA