Dagblaðið Vísir - DV - 02.09.1991, Qupperneq 22

38
MÁNUDAGUR 2. SEPTEMBER 1991.
LífsstOl
Aðild að EES bætir hag neytenda
- segir Jón Sigurósson viöskiptaráðherra
„Mín skoðun er sú að við sem neyt-
endur munum tvímælalaust hafa
hag af aðildinni að EES. Við íslend-
ingar höfum verið frekar aftarlega á
merinni á þessu sviði og það var fyrst
fyrir fáum árum sem við fórum að
gefa neytendavernd gaum,“ sagði
Jón Sigurðsson í samtali við Neyt-
endablaðið fyrir skömmu. Neytenda-
málaráðherrar EFTA-ríkjanna og
embættismenn, sem fara meö neyt-
endamál í ríkjunum, sátu fundi í
boði Jóns Sigurðssonar viðskipta-
ráöherra dagana 29.-30. ágúst þar
sem rædd voru neytendamál iand-
anna.
Þátttakendur voru 3 frá Austur-
ríki, 4 frá Finnlandi, Noregi og Sví-
þjóð, 2 frá Sviss og 1 frá Liechten-
stein, auk tveggja starfsmanna frá
skrifstofum EFTA-ríkjanna. Frá ís-
landi sátu 7 fulltrúar fundinn en Jón
Sigurðsson viðskiptaráöherra var
fundarstjóri. Neytendamál heyra
undir viðskiptaráðuneytið.
Á fundinum var meðal annars fjall-
að um fyrirhugað samkomulag um
evrópskt efnahagssvæði og lögðu
ráðherrarnir áherslu á að slíkt sam-
komulag myndi koma neytendum til
góöa með aukinni samkeppni er leiða
myndi til lægra vöruverðs og meiri
fjölbreytni í vöruúrvali. Þeir lýstu
þeim ásetningi sínum að vinna að
framgangi hagsmunamála neytenda
og að tryggja sem fullkomnasta neyt-
endavemd.
Þátttakendur töldu að í framan-
greindu skyni yrði að styrkja sam-
starf EFTA-ríkjanna og að það væri
sér í lagi mikilvægt á þeim tíma sem
líða mun fram að gildistöku EES-
samkomulagsins. Var ákveðið að
semja áætlun um nauðsynlegt sam-
starf EFTA-ríkjanna hvaö þetta
varðar. Ráðherrarnir ítrekuðu þá
afstöðu sína að EFTA-ríkin yrðu,
ásamt Evrópubandalaginu, í samein-
ingu að móta evrópska neytenda-
löggjöf framtíðarinnar.
Aukin milliríkjaviðskipti og notk-
un nýrrar tækni kallar á samræmda
löggjöf um neytendavernd í Evrópu.
Mikilvægur þáttur slíkrar löggjafar
Neytendur
er að viðhalda ströngum kröfum til
vemdar heilbrigði, öryggi og um-
hverfi. Aukin áhrif neytenda á sam-
ræmingu evrópskra staðla hafa hér
miklu hlutverki að gegna og á fund-
inum var fjallað um fleiri atriði sem
miða að því að tryggja neytenda-
vemd á hinu evrópska efnahags-
svæði.
Ráðherrarnir staðfestu stuöning
sinn við aðgerðir ríkja í Mið- og Aust-
ur-Evrópu er miöa að gjörbreytingu
á efnahagskerfl þeirra. Þeir bentu á
að neytendavernd er nauðsynlegur
þáttur í markaðshagkerfl. Þátttak-
endurnir ræddu um aðgeröir til þess
að auövelda þessa breytingu, þar á
meöal að halda námsstefnur um
neytendavernd, skiptast á upplýsing-
um og bjóða fram þjálfun starfs-
manna. Áformað er að halda fyrstu
námsstefnuna í þessu skyni í Prag í
janúar næstkomandi.
Á fundinum komu fram áhyggjur
ráðherranna um að lélegar fram-
leiðsluvörur frá Vesturlöndum, sem
ekki uppfylla vestræna öryggis- og
heilbrigðisstaðla, verði settar á
markað í Austur-Evrópu. Töldu þeir
nauðsynlegt að koma í veg fyrir slík-
an útflutning.
„Þegar ég kom fyrst hér í viöskipta-
ráöuneytið ákvað ég að setja upp sér-
staka deild neytendamála. Með því
að við lögum okkur að sameiginlegri
stefnu Norðurlanda, EFTA og EB
munum við ná ávinningi sem senni-
lega hefði verið miklu seinteknari ef
við hefðum verið einir á ferð.
Ég held reyndar að íslendingar
hafi oft og tíðum fullmikið sjálfsálit
í þessum efnum og haldi að hér sé
allt í svo góðu lagi að það geti ekki
verið betra. Því miður er það ekki
svo hér á íslandi. íslensk löggjöf, sem
getur talist til neytendaverndar, er
vægast sagt bágborin eins og Neyt-
endasamtökin hafa gagnrýnt hvað
eftir annað. En aðild íslands aö
samningi um evrópskt efnahags-
svæði knýr stjórnvöld til að gera
mun betur,“ sagði Jón Sigurðsson í
samtali við Neytendablaðið.
Þátttakendur á námskeiðinu með leiöbeinendum fyrir framan borö, hlaðið fiskréttum.
DV-mynd JAK
Þátttakendur frá öllum Norðurlöndunum:
Námskeið í fiskréttum
„í fyrra vorum við með gesti á veg-
um Norðurlandaráðs og það voru
gestir frá menntamálaráðuneytum
Norðurlandanna. Þegar þeir borð-
uöu hér 7' rétta hádegisverð, þar af 3
fiskrétti, voru þeir svo hrifnir af
matnum að þeir spurðu hvort við
værum ekki til í að halda námskeið
fyrir þá í fiskréttum," sagði Friðrik
Gíslason, skólastjóri Hótel- og veit-
ingaskólans, í samtali við DV.
„Svo var þessi hugmynd rædd og
nú í vor kom upp sú spurning hvort
ekki ætti að gera eitthvað í þessu.
Menntamálaráðuneytið tók þessu
vel og við hjá skólanum rukum upp
til handa og fóta og efndum til 5 daga
námskeiðs. Það hefur tekist mjög vel
hjá okkur og við höfum sýnt þá þekk-
ingu sem við búum yfir.
Þátttakendur eru 13 talsins, 3 frá
Danmörku, 6 frá Finnlandi, 2 frá
Noregi og einn frá Svíþjóð. Þar að
auki er einn íslendingur meðal þátt-
takenda. Því miður virðist svo sem
námskeiðiö hafi ekki verið nægilega
auglýst hér á landi, alla vega bendir
fiöldi íslenskra þátttakenda til þess.
Við gerðum okkur vonir um 24 þátt-
takendur, eða um það bil, en þrátt
fyrir að þeir séu aðeins 13 hefur nám-
skeiðið gengið mjög vel og þátttak-
endurnir eru mjög ánægðir.
Stundaskráin er samsett af fyrir-
lestrum um næringargildi, mat-
reiðsluaöferðir og hollustu fisks.
Einnig er rætt um uppruna margra
íslenskra fiskrétta og matarvenja
okkar íslendinga. Farið er í gegnum
ákveðna fiskrétti og þeir svo mat-
reiddir á viðeigandi hátt. Við höfum
einnig fariö í vettvangsferðir, í fisk-
búðir og framleiöslufyrirtæki og
einnig farið í eina sjóveiðiferð. Eftir
hádegi síðasta dag námskeiðsins,
föstudag, verður síðan lítils háttar
landkynning," sagði Friðrik. -ÍS
Tvær fiskréttauppskriftir:
Heiteða köld laxakæfa, bökuð í leirskál
Innihald:
ca 300 g flakaöur lax
I kg fiskur
olía
hvítvin
koniak
sítrónusafi
salt
söxuð steinselja
tímían
pipar
lárviðarlauf
múskat
4-6 eggjahvítur
II þeyttur ijómi
eða stífur sýrður rjómi
jarðsveppir
pistasíur
Laxinn er skorinn í 1,5 cm þykka
strimla sem eru hafðir jafnlangir
og formið sem þeir eru bakaðir í.
Síðan er hann marineraöur í oliu,
hvítvini, koníaki, sitronusafa, salti,
saxaðri steinselju, tímíani, pipar
og lárviðarlaufi í um það bil 1 klst.
Eitt kg af hvítum fiski, til dæmis
smálúðu, skarkola eða steinbit, er
hakkað og hrært með salti, pipari,
múskati ogörlitlum cayenne-pipar.
Þar út í eru settar 4-6 þeyttar eggja-
hvítur og blandað með hálfþeyttum
rjómanum eða sýrða rjómanum,
jarðsveppum og pistasíum. Form-
ið er smurt að innan meö smjöri,
þar næst kemur eitt lag af farsi,
síðan laxastrimlar, aftur eitt far-
slag, síðan laxastrimlar og loks eitt
lag af farsi, penslað með mariner-
ingunni og lok látið á formið eða
lokað raeð álpappir.
Bakað í vatnsbaði í um það bil
eina klst. Borið fram heitt eða kalt,
til dæmis með hvitu smjöri eða
humarsósu.
Pönnusteiktur hörpudiskur
- uppskriftfyrir4:
Innihald:
675 g hörpudiskur
225 g rabarbari
Vt dl sykursíróp
!4 dl salatolía
125 g smjör
nýmulið salt
nýmulinn pipar
Ðsksoð
nýr kerffil sem meðlæti
64 rabarbárabitar eru skornir í 5
mm x 4 cm strimla, soðnir í síróp-
inu, kældir og geymdir. Sírópinu
er hellt af og afgangurinn af rabar-
baranum soðinn og marinn í gegn-
um sigti. Hörpudiskurinn er
sneiddur, létthitaður i salatolíu og
15 g af smjöri í 1 'A mín. og kryddað-
ur með salti og pipar. Þá er hann
tekinn af pönnunni og haldið heit-
um. élíunni er hellt af, fisksoðið
soðið í kjarna, sírópinu bætt í, suð-
an látin koma upp og þeytt með lin-
uðu smjöri.
Hörpudiskurinn og rabarbara-
strimlarnir eru hitaðir í 200° C í
eina mínútu á diski og sósunni
hellt á milli hörpudisksins og
skreytt með kerfli. Athugið að
ofeldaður hörpudiskur verður
aldrei góður.
VERKSMIÐJUUTSAiA
frá 3. september í húsi Sjóklæðagerðarinnar Skúlagötu 51,1. hæð.
Útlitsgallað og eldri gerðir af sport- og vinnufatnaði.
REGNFATNAÐUR
harna, kvenna, karla
SJOFATNAÐUR
NYLONFATNAÐUR
KAPP-FATNAÐUR
barna, kvenna, kui'Iu
VINNUFATNAÐUR
samfestingar, buxur, jakkar, sloppar
VINNUVETTLINGAR
Opið virka daga kl. 13-18 og laugardaga kl. 10-14.
STIGVEL

SEXTIU OG SEX NORÐUR
SJÓKLÆÐAGERÐIN HF • SKÚLAGÖTU 51