Dagblaðið Vísir - DV - 02.09.1991, Blaðsíða 36

52
MÁNUDAGUR 2. SEPTEMBER 1991.
Menning______________
Tónlist
fyrir sælkera
Góðir gestir glöddu hjörtu tónlistarunnenda nú um
helgina. Það voru þeir Andreas Schmidt, barítón-
söngvari frá Þýskalandi, og Rudolf Jansen, píanóleik-
ari frá Hollandi. Þeir félagar héldu tvenna tónleika í
íslensku óperunni á laugardag og sunnudag við góða
aðsókn og frábærar undirtektir. Á efnisskrá þeirra var
eingöngu tónlist eftir Robert Schumann. Á fyrri tón-
leikunum voru sönglög við ljóð ýmissa höfunda. Á
þeim síðari voru lög við ljóð Heinrichs Heine, þar sem
meðal annars voru flokkarnir Liederkreis og Dichter-
liebe. Tónlistargagnrýnandi DV hlýddi á síðari tónleik-
ana og sá að þeim loknum mest eftir því að hafa ekki
farið á þá fyrri líka.
Því er stundum haldið fram að frá sjónarhóli tón-
skáldsins sé heppilegra að ljóðið, sem það velur til að
semja lag við, sé ekki of áhrifaríkt, það geti dregið úr
áhrifum lagsins. Áreiðanlega má til sanns vegar færa
að auðugt og snjallt ljóð gerir sumpart auknar kröfur
og getur fækkað þeim leiðum sem færar eru tónskáldi
sem hefur einsett sér að halda fullan trúnað við ljóðið
og leyfa því að njóta sín til fulls í verki sínu og helst
að skína enn bjartar. En þegar þetta tekst verður ár-
angurinn oft óviðjafnanlegur. Meðal þess sem ein-
kenndi þau ljóð Heines sem þarna voru flutt er blátt
áfram framsetning á frekar einfoldu efni. „Es ist eine
alte Geschichte, doch bleibt sie immer neu, und wem
sie just passieret, dem bricht das Herz entzwei", eins
og segir í ljóðinu um unglinginn og stúlkuna sem tek-
ur fyrsta manninum sem fyrir veröur. Það fer lítið
fyrir skrúömælginni hér og viðfangsefnið er hvers-
dagslegt. Skáldlegt innsæi og skýrleiki hugsunarinnar
er það sem hrífur dýpst tilfmningar áheyrandans og
mega þau í fyrstu virðast ólíkleg einkenni á kveðskap
hins mikla rómantíska ástarskálds en við nánari at-
hugun er ljóst að þannig hlýtur það einmitt að vera.
Schumann virðist í tónlistinni yfirleitt velja þá leið
að hafa laglínur frekar einfaldar en leggja hina tónhst-
arlegu áherslu á undirleikinn þar sem efni ljóðanna
er oft fallega htað. Þetta er skynsamleg leið og heppn-
ast fullkomlega hjá Schumann enda verður þess hvergi
vart að þessi takmörk hái honum hugmyndalega. Ljóð-
ið fær með þessu að ráða lagferlinu að mestu og nýtur
sín til fulls, jafnframt því sem það fær aukna dýpt við
undirleikinn. Mega báðir mjög vel viö útkomuna una,
bæði skáldið og tónskáldið.
Tónlist
Finnur Torfi Stefánsson
Flutningur þeirra félaga, Andreas Schmidt og Ru-
dolfs Jansen, var svo góður að unun var á að hlýða
og bar þar fáa skugga á. Söngur Schmidts var mjög
fallegur, blæbrigðaríkur og listrænn, og má áreiðán-
lega vænta mikils af þessum unga söngvara í framtíð-
inni. Svipað má segja un píanóleik Jansens sem var
sérlega litfagur og skýr. Það truflaði nokkuð tónleik-
ana að stólsetur í óperuhúsinu skullu nokkrum sinn-
um niður með brauki og bramli og auðvitaö einmitt á
viðkvæmustu stöðum svo að sálir gagnrýnanda og
annarra fíngerðari tónleikagesta hrukku í kút og tóku
margir andköf og voru nokkra hríð aö jafna sig. Þessu
mun ekki ráða stráksskapur eins og einhvern tíma
var haldið fram í pistlum þessum heldur hönnunar-
galli í stólsetunum og er hér meö skorað á forráða-
menn hússins að bjóða ekki gestum þess upp á einn
veturinn enn með slíkum hrellingum heldur að leysa
setumálið sem fyrst.
Andlát
Hannibal Valdimarsson, fyrrv. ráð-
herra, lést þann 1. september.
Hannibal var fæddur í Fremri-Arn-
ardal í Eyrarhreppi 13. janúar 1903.
Hann varð gagnfræðingur 1922.
Stundaði nám við Hohnstrup Stats-
seminarium í Danmörku og lauk
þaðan prófi 1927. Hannibal kenndi á
Isafirði, Súðavík og Akranesi og var
skólastjóri Gagnfræðaskólans á
ísafirði frá 1938-1954. Á árunum
1952-1956 var hann ritstjóri í Reykja-
l’ vík. Hannibal var forseti Alþýðu-
sambands íslands frá 1954 til 1971.
Hann var formaður Alþýðufiokksins
1952-1954, Alþýðubandalagsins
1956-1968 og Samtaka fijálslyndra og
vinstri manna frá stofnun þeirra
1969-1974 og var jafnframt formaður
þingflokks samtakanna.
Hannibal var fyrst kjörinn á þing
áriö 1946 og sat á þingi til ársins 1974.
Hann var skipaður félags- og heil-
brigðisráðherra áriö 1956 en gegndi
störfum til 1958. Áriö 1971 var hann
skipaður samgöngu- og félagsmála-
ráðherra og fékk lausn 1973.
Hannibal sat í mörgum ráðum og
nefndum fyrir verkalýðshreyfing-
una og sem alþingismaður.
Frú Þórdís Eggertsdóttir, Kópavogs-
braut 64, andaðist í Borgarspítalan-
um 30. ágúst.
Valur Kristinn Jónsson, Ásvallagötu
61, andaðist á heimili sínu 29. ágúst.
Jóhannes Hjaltason er látinn.
Björn Karlsson, Aðalgötu 8, Blöndu-
ósi, lést í Héraðssjúkrahúsinu á
Blönduósi fóstudaginn 30. ágúst.
Jarðarfarir
Valgerður Jónsdóttir, Háaleitisbraut
37, andaðist í Landspítalanum 15.
ágúst. Útfórin hefur farið fram í
kyrrþey að ósk hinnar látnu.
Margrét Karlsdóttir frá Bjargi, Mið-
firði, verður jarðsungin þriðjudag-
inn 3. september kl. 13.30 frá Foss-
vogskirkju.
Sigríður Einarsdóttir frá Stóru-Þúfu
verður jarðsungin frá Akraneskirkju
í dag, 2. september, kl. 14.
Guðlaug Erla Sigurðardóttir, Stór-
holti 24, vistmanneskja á Skálatúni,
Mosfellssveit, verður jarðsungin frá
Háteigskirkju í dag, 2. september, kl.
13.30.
Pétur Teitsson, fyrrverandi bóndi á
Bergsstöðum, verður jarðsunginn
frá Hvammstangakirkju miðviku-
daginn 4. september kl. 14.
Ebba Jónsdóttir, sem lést 25. ágúst,
verður jarðsungin frá Dómkirkjunni
í Reykjavík þriðjudaginn 3. septemb-
er kl. 13.30.
Safnaðarstarf
Hallgrímskirkja: Fyrirbænaguösþjón-
usta þriöjudag kl. 10.30. Beðiö fyrir sjúk-
um.
Tilkyimingar
Centaurá Berlín
Hljómsveitin Centaur leikur í Berlín
mánudags- og þriðjudagskvöld.
Tónleikar í Lista-
safni Sigurjóns
Á síðustu þriðjudagstónleikum sumars-
ins í Listasafni Sigurjóns þann 3. sept-
ember flytja Björn Th. Árnason fagott-
leikari og Hrefna Eggertsdóttir píanóleik-
ari verk eftir F. Devienne, L. Spohr, G.
Pierné, A. Tansmann og H. Neumann,
hið síðastnefnda tileinkaö Birni. Tónleik-
arnir hefjast að venju kl. 20.30 og verður
kafíistofa safnsins opin að þeim loknum.
Félagsstarf aldraðra,
Gerðubergi
Vegna vinnu við húsnæði breytist dag-
skrá tímabundið. í dag, 2. september:
hárgreiðsla, spilaö og spjallaö. Kaffi kl.
15. Nánari upplýsingar í síma 79020.
Kvöldnámskeið í myndlist
Teikning, módel, umhverfi. Málun, olía,
akrýl. Upplýsingar í símum 22454 og
621718.
Kvikmyndagreining
fyrir almenning
Kvikmyntiasjóður og Endurmenntunar-
nefnd Háskóla íslands efna til námskeiðs
í kvikmyndagreiningu fyrir almenning
3.-12. september. Kvikmyndagreiningin
er einkum ætluð kvikmyndaáhugafólki,
gagnrýnendum, blaðamönnum, rithöf-
undum, kennurum og öðrum sem vilja
kynnast myndmáli og byggingarlögmál-
um kvikmynda. Sýndar verða og greind-
ar tvær myndir, „Amadeus" og „Closely
Watched Trains". Greiningin fer fram á
Nauðungaruppboð
vegna vanefnda uppboðskaupanda verður fasteignin Hjallabrekka 2, 2-C,
þingl. eign Ómars Ólafssonar, boðin upp að nýju og seld á nauðungarupp-
boði sem fram fer á eigninni sjálfri þriðjudaginn 3. september 1991 kl.
15.00. Uppboðsbeiðendur eru Sigurður G. Guðjónsson hrl. og Gestur
Jónsson.
Bæjarfógetinn í Kopavogi
LEGSTEINAR
§6®8csig©
Helluhrauni 14 220, sími 652707
_____Opið 9-18. Laugardaga 10-15.
Myndgáta
ensku. Handrit að myndunum veröur
mögulegt að eignast. Myndimar verða
sýndar á þriðjudagskvöldum og greining-
in fer fram á fimmtudagskvöldum. Leið-
beinandinn, Martin Daniel, er þekktur
handritshöfundur frá Bandaríkjunum og
hefur kennt handritaskrift frá 1982. Þátt-
takendur eru beðnir um að skrá sig hjá
Endurmenntunarnefnd Háskóla íslands
í síma 694923 eða 694924. Verð kr. 2500
fyrir 4 kvöld og 1500 fyrir 2 kvöld.
Tapað fundið
Fjallahjól tapaðist
úr Norðurmýri
18 gíra grænblátt Trek jazz voltage fjalla-
hjól hvarf úr Norðurmýri fyrir rúmri
viku. Ef einhver veit hvar hjólið er niður-
komið er sá vinsamlega beðinn að hafa
samband í síma 13373.
Tombóla Guðmundsdóttir, tombólu til styrktar
Nýlega héldu þessar tvær stúlkur, sem Hjálparsjóði Rauða kross íslands. Alls
heita Linda Dögg Jóhannsdóttir og Rósa söfnuðu þær 269 kr.
Ferðamálaskóli á íslandi
Félag íslenskra ferðaskrifstofa hefur í
samstarfi við Tölvuskóla íslands ákveðið
að koma á hagnýtu námi fyrir verðandi
og starfandi starfsfólk ferðaþjónustu,
fyrst um sinn með námi til starfs á ferða-
skrifstofu eða söluskrifstofu. Námskrá
hefur verið í smíðum síðan í júní og ligg-
ur nú fyrir, alls 600 kennslustundir þar
sem tekið er á öllum helstu þáttum í
starfi ferðaskrifstofu. Haustönn stendur
frá 1. október til 13. desember, en vorönn
frá 6. janúar til 27. mars og lýkur með
prófi. Kennt er hálfan daginn kl. 13-17.
Skólinn mun starfa í húsnæði Tölvuskól-
ans, Höfðabakka 9, Reykjavík. Skólagjald
fyrir báðar annir er 225.000, og eingöngu
er teknir nemendur sem hafa gott vald á
ensku. Nánari upplýsingar eru gefnar hjá
Tölvuskóla íslands í síma 671466.