Dagblaðið Vísir - DV - 04.07.1992, Side 23

LAUGARDAGUR 4. JÚLÍ 1992.
23
Vísnaþáttur
Ef tek ég
glasið
titra fingur
Því hefur verið haldið fram að á
móti hveijum einum sem deyi úr
þorsta komi þúsundir sem drekki
sig í hel. Líklega er það ekki fjarri
lagi. Og þeir sem ganga undir ok
Bakkusar hafa flestir lent í
ógöngum líkum þeim sem banda-
ríski rithöfundurinn og teiknarinn
James Thurber lýsir svo: „Einn
sjúss er í lagi, tveir of mikið, þrír
ekki nærri nóg.“ Þetta vita að sjálf-
sögðu flestir þeirra sem neytt hafa
áfengis að ráði og þekkja eflaust
gamla máltækið: „Hóflega drukkið
vín gleður mannsins hjarta.“ En
hve margir gæta hófs?
Árni Pálsson prófessor, sem orti
undir áhrifum skoska ljóöskálds-
ins Robert Burns um „hin gömlu
kynni (sem) gleymast ei, enn glóir
vín á skál“, kvað einnig svo:
Oft um marga ögurstund
á andann fellur héla,
en hitt er rart, hve hýrnar lund,
er heyrist gutla á pela.
Það er eins og leysist lönd
úr læðing margra ára,
þegar hnígur heim að strönd
höfug vínsins bára.
Þessu svaraði Theódóra Thor-
oddsen þannig:
Bakkus kóngur kann það lag,
ef köld og myrk er lundin,
aö breyta nótt í bjartan dag
og brúa dýpstu sundin.
Bjart er skúraskinið þá,
skjólin mjúk og fogur,
en skelfing vill hann skella á,
þá skroppinn er uppi lögur.
Augun gerast vot og veik,
vitinu sumir farga.
Svona eftir sælan leik
svíkur hann Bakkus marga.
Jón (Kristófer) Sigurðsson „kad-
ett“ orti svo um einn kunningja
sinn:
Aldrei sést hann einn á ferð,
er það mjög að vonum,
því að timburmannamergð
mikil fylgir honum.
Ingunn Hallgrímsdóttir, móðir
Baldvins Skagfirðingaskálds og
amma Baldwins Baldwinssonar,
sem var ráðherra í Manitoba, var
vel hagmælt engu síður en sonur
hennar sem þó er kunnari. Hún
skildi við mann sinn, sem ekki var
venjulegt á þeim tíma, en líklegt
að til þess hafi verið nokkrar
ástæður. Þegar hann dó orti hún
um hann þessi eftirmæli:
Lengur sá ei mæðast má
af mótgangs þráviðrinu.
Hann er dáinn héðan frá
heimsins gjálífinu.
Sjálf mun hún ekki hafa verið
hamingjusöm eftir skilnaðinn, eins
og þessi vísa ber vitni um:
Blundi hrindir hugraun hver
- harmar lyndisgrónir -.
Stundir yndis eru mér
orðnar skyndisjónir.
Vísnaþáttur
Hún orti svo um brennivínið sem
hefur sennilega átt drjúgan þátt í
erfiðleikum hennar:
Vínið hrindir mennskri mynd,
magnar lyndi skitið,
gerir yndi allt að synd
og steinblindar vitið.
Baldvin sonur hennar orti og
þessa visu um vínið (fékk að laun-
um þriggja pela flösku af brenni-
víni):
Heiður týnist, heilsa dvín,
hugarpína bítur.
Þegar svínin sötra vín
sest á trýnin skítur.
Ókunnir höfundar:
Bakkus geyst fær bruggað tál,
bugað hreysti sanna;
hann úr neista býr til bál
böls og freistinganna.
Drekka illa áfengt vín
öllum spillir friði.
Það er villa mesta mín
að missa hylli og veröa svín.
Haraldur Hjálmarsson frá Kambi
gerir upp við sjálfan sig drykkju-
skap liðinna ára:
Nú velkist ég á vonarbárum,
vínið hlær í opnum sárum,
nú rita ég mað rauðum tárum
raunasögu drykkjumanns.
Hrapaðu lengra, hikaðu meira,
hljóma í minu dofna eyra.
En það eru árar andskotans.
Ég er að verða vesalingur,
vínhneigð skepna, umrenn-
ingur,
á sjoppuborði glasaglingur
glepur mína innri sýn.
Þetta eru örlög þín og mín.
Ef tek ég glasið titra fingur,
í taugaslitrum nárödd syngur.
Það heföi enginn íslendingur
átt að drekka brennivín.
Og undir þaö ætti hver sá sem
þekkir afleiðingar ofdrykkjunnar
að taka.
Torfi Jónsson
ERT ÞU ORUGGLEGA
ÁSKRIFANDI?
EINN BÍLL Á MÁNUDI í ÁSKRIFTARGETRAUN

pnny
...stóri smábíllinn sem hœfir öllum
3 og 5 dyra hlaðbakur • 4 dyra stallbakur • 72 og 84
hestafla vél • 5 gíra beinskipting eða
4 þrepa tölvustýrð sjálfskipting • Hvarfakútur
Verð frá: 694.000,- kr. •
Aukabúnaður (t.d.): Topplúga: 38.000,- kr.
og álfelgur: 29.000,- kr.
SSSSÍ sSss sSÍ
■■■'■■■ : • . . •
. . ■ 1 ■ ■ ’ .
W íSs síS x-ssiíSíi-W >m sss jms&ffiP ssss Æ íSs
...til framtíðar
BIFREIÐAR &
LANDBÚNAÐARVÉLAR HF.
Armúla 13 • Símí: 68 12 00
Bein lína: 3 12 36
. . . OG SÍMINN ER 63 27 OO