Dagblaðið Vísir - DV - 17.12.1994, Blaðsíða 18

18
LAUGARDAGUR 17. DESEMBER 1994
Dagur í lífi Miriam Óskarsdóttur, foringja Hjálpræðishersins á Akureyri:
Með pottinn í
jólaumferðina
Ég vaknaöi við vekjaraklukkuna
rúmlega sjö á mánudagsmorgun-
inn og sá strax eftir því aö hafa
ekki farið að sofa fyrr um kvöldið.
Ég dreif mig á fætur og náði því
að borða hálfan disk af morgun-
korni áður en systir mín kom. Hún
ætlaði að keyra mig í gagnfræða-
skólann, þar sem ég kenni norsku,
um leið og hún fór í sína vinnu á
sjúkrahúsinu. Ég náði því Jíka að
vekja hjúkrunarfræðinemana tvo,
Ingibjörgu og Önnu Margréti, sem
hafa gist hér hjá Hjálpræðishern-
um til að fá ró og næði á meðan
þær eru í próflestri. Ég hafði lofað
að vekja þær áður en ég færi af
stað.
Þegar ég var komin upp í skóla
fór ég að undirbúa fyrir próf. Ég lét
taka frá stofur fyrir hina ýmsu ár-
ganga. Um hádegisbil hafði ég lokið
undirbúningnum í skólanum. Ég
gekk frá skólanum niður að -húsi
Hjálpræðishersins. Það var mjög
kalt, 7 stiga frost, og ég var fegin
að hafa fengið far um morguninn.
Ég kom við í verslun á leiðinni til
að fá mér gammosíur eða leggings
eins og þær kallast núna. Þær voru
á tilboði og ég fékk mér þykkar til
að vera í í kuldanum. Ég freistaðist
til að fara inn á pitsustað en pen-
ingabuddan leyfði ekki nema ham-
borgara.
Með pottinn
niður í bæ
Klukkan tvö átti ég von á því að
Níels Jakob, hermannaleiðtogi hér
á Akureyri og safnaðarmeðlimur,
kæmi að sækja mig. Við ætluðum
út með pottinn niður í bæ og ég
þurfti að dúða mig. Síminn stopp-
aði ekki og ég komst í eina og eina
flík á milli samtala. Þegar Níels
Jakob kom var ég enn að reyna að
klæða mig í. Það er mikið hringt
og beðið um aðstoð á þessum árs-
tíma.
Það hafði hlýnað aðeins þegar við
fórum út. Það komu ýmsir sem ég
þekki að spjalla þar sem ég stóð við
pottinn og ég gat selt nokkur Heróp
um leið og fólk gaf í pottinn.
Rúmlega þrjú ætlaði svo Níels
Jakob að'taka við af mér við pott-
inn því ég þurfti að stjórna kvenna-
fundi heimilasambandsins klukk-
an fjögur. Ég ætlaði að hjálpa til
við aö leggja á borð fyrir fundinn.
Ég náði því þó ekki þar sem ég
þurfti að svara í símann. Á fundin-
um var hugvekja, söngur, lestur,
spjall og kaflidrykkja.
Að loknum fundi hljóp ég á fullu
niður í bæ til að fá að koma pottin-
um inn í Amaro þar sem viö fáum
að geyma hann.
Sofnaði út
frá sjónvarpinu
Ég labbaði rólega heim og fór aö
setja í uppþvottavélina. Um sjöleyt-
ið var ég komin inn í íbúðina til
mín og hitaði upp matinn sem
hjúkrunarfræðinemarnir höfðu
eldað. Við spjölluðum aðeins um
lífið og tilveruna. Til að lofa þeim
að lesa í friði í stofunni fór ég inn
í herbergi til mín og horfði á ferða-
sjónvarp sem faðir minn lánaði
mér. Ég lagðist á rúmið og horfði
á fréttirnar. Ég sofnaði út frá sjón-
varpinu því ég man bara eftir frétt-
um af flóðunum í Glasgow og stríð-
inu milli Bónuss og bókabúða.
Klukkan var um tíu þegar ég vakn-
aði. Ég hafði ætlað að hringja hing-
að og þangað í sambandi við breyt-
ingar á jóladagskránni og hafði
samband við nokkra staði þar sem
ég veit að fólk fer ekki snemma að
sofa.
Ég hringdi líka í nokkra vini og
mömmu mína sem hafði dvalið hér
meðan ég var fyrir sunnan vegna
útgáfu geislaplötu. Mamma var
búin að gera mjög fínt hér og taka
fram jóladúka og mig langaði að
þakka henni fyrir.
Um hálfeittleytið fór ég í rúmið
og tók með mér „mannakorn" sem
eru litlir miðar með biblíuversum
á. Ef ég er syfjuð og veit ég að ég
held ekki út að lesa samfleytt er
gott að glugga í svona mannakorn.
Það hafði verið talsvert að gera
þennan dag og ég sofnaði því fljót-
lega.
Miriam Óskarsdóttir, foringi Hjálpræöishersins á Akureyri.
DV-mynd Gylfi Kristjánsson
Finnur þú fimm breytingar? 288

■V
\v
cg ■ j / m
<2 5500 ©PIB ii%
Nei, nei, nei. Ekki strax.
Nafn:
Heimili:...................................................
Vinningshafar fyrir tvö hundruð áttugustu og sjöttu
getraun reyndust vera:
1. Anna Björg Daníelsdóttir, 2. Erla Sigurðardóttir,
Lækjarhvammi 13, Bústaðavegi 51,
220 Hafnarfirði. 108 Reykjavík.
Myndirnar tvær virðast við fyrstu sýn
eins en þegar betur er að gáð kemur í ljós
að á myndinni til hægri hefur fimm atrið-
um veriö breytt. Finnir þú þessi fimm at-
riði skaltu merkja við þau með krossi á
myndinni til hægri og senda okkur hana
ásamt nafni þínu og heimilisfangi. Að
tveimur vikum Uðnum birtum við nöfn
sigurvegaranna.
1. verðlaun:
Grundig útvarpsklukka að verðmæti 4.860
krónur frá Sjónvarpsmiðstöðinni lif.
2. verðlaun:
Fimm Úrvalsbækur. Bækurnar sem eru í
yerðlaun heita: Þú ert spæjarinn, Síminn,
Á ystu nöf, I helgreipum haturs og Lygi
þagnarinnar. Bækurnar eru gefnar út af
Frjálsri fjölmiölun.
Merkið umsiagið með lausninm:
Finnur þú finim breytingar? 288
c/o DV, pósthólf 5380
125 Reykjavík