Dagblaðið Vísir - DV - 18.02.1995, Blaðsíða 35

LAUGARDAGUR 18. FEBRÚAR 1995
43
Hjón sem eru á leið í skilnað hrósa sjaldan hvort öðru eða tala hlýlega saman.
Eruð þið á leið-
inni í skilnað?
Margir hafa á liðnum árum kom-
ið að máli við Nökkva lækni og
spurt hann áhts á hjónabandi sínu.
„Heldur þú að við ættum kannski
að skilja?" „Ætli þetta geti gengið
hjá okkur?“ hafa menn spurt með
misbjartan glampa í augum.
Nökkvi er fyrir löngu hættur að
gefa fólki ráð enda er það til lítils.
Á hinn bóginn hefur hann stundum
látið viðmælendum sínum í té
handhægan lista yfir helstu ein-
kenni yfirvofandi skilnaðar.
1. Hjón sem eru á leið í skilnað
lenda oft í endalausum rifrildum
þar sem eitt leiðir af öðru. Dæmi
um slíkt rifrildi: Hann: „Þú getur
ekki ímyndað þér hversu þreyttur
ég er á kvöldin eftir vinnu!“ Hún:
„Heldurðu að ég sé ekki líka þreytt.
Ég verð að annast um heimilið,
bömin og matinn.“ Hann: „Ég veit
það!“ Hún: „Afhveijuhjálparþú
mér þá ekki við heimilið?" Hann:
„Þú ert alveg eins og hún mamma
þín, stöðugt kvartandi. Engin furða
aö pabbi þinn fór...“ Hún: „Þetta
er alltaf sama sagan hjá þér. Nú
ertu enn einu sinni farinn að hóta
mér með skilnaði! Farðu bara. Það
saknar þín enginn. Börnin þekkja
þig naumast!" Hann: „Hvað er eig-
inlega að þér? Þarftu að flækja
börnunum inn í þetta? Ég sagðist
bara vera þreyttur þegar ég kæmi
heim. En hafðu það eins og þú vilt.“
Hann fer og skellir hurðum. í
þessu tilviki hefur hjónum tekist
að fara að rífast um börn, tengda-
fólk, skilnað, heimih, vinnu, pen-
inga og verkaskiptingu á heimili
af litlu tilefni. Mikil spenna brýst
fram við minnsta áreiti. Þriðja
heimsstyrjöldin hangir í loftinu
eins og sverð Damóklesar yfir höfð-
umfólks.
2. Hjón sem eru á leið í skilnað
hafa sjaldnast mikinn áhuga hvort
á öðru. Þau sjá til þess að nóg sé
af truflunum þegar reynt er að tala
saman. Margir grípa til þess ráðs
að svara annaðhvort seint eða alls
ekki; þegja og halda spilum fast að
brjósti sér. Umræðuefnum fækkar
stööugt enda er tilveran full af jarð-
sprengjusvæðum sem ekki má
nálgast. Annar hvor aðihnn flettir
dagblaði áhugalaust eða skoðar
sjónvarpsrásirnar þreytulega með-
an hinn reynir að ræða einhver
mál. Stundum er starað út um
glugga á umferð og veðurlag. Lát-
bragð og svipbrigði bera takmarka-
lausu áhugaleysi óbrigðult vitni.
„Ég nenni ekki að tala við þig.
Á laelmávaktinni
Óttar
Guðmundsson
læknir
Marglesinn Moggi og sænskur
fræðsluþáttur um fæðuval varp-
fugla í heimskautalöndum eru
skemmtilegri en þú.“
3. Hjón sem eru á leið í skilnað
tjarlægjast hvort annað. Þau hætta
að koma við hvort annað; kossar,
snerting og faðmlög heyra fortíð-
inni til eins og hver annar útdauð-
ur geirfugl á eyðiskeri. Kynlífið
veröur æ daufara og líkist fremur
þreyttum húðarklár en eldfjörug-
um lífsglöðum fola. Hvort um sig
kennir hinu um og kynlíf/kynlífs-
leysi er notað sem sverð í endalaus-
um skylmingum og átökum. Hann:
„Þú ert kyndauf eins og freðin
ýsa!“ Hún: „Þú ert sjálfur jafn
óspennandi kynferðislega og Hofs-
ós í rigningarsudda!"
4. Hjón sem eru áleið í skilnað
einbeita sér að því sem hinn aðilinn
þarf að gera eða haga á annan veg
en leiða aldrei huga í eiginn barm.
Þau bíða endalaust eftir því að hinn
breyti sér og skilyrða allar úrbæt-
ur. Meðan beðið er eftir breyting-
um sekkur hjónabandsfleyið hægt
og tignarlega í úthaf vandamála og
brostinnavona.
5. Hjón sem eru á leið í skilnað
hrósa sjaldan hvort öðru eða tala
hlýlega saman. Þau vita ekki hvað
hinn aðilinn sér jákvætt í þeirra
fari en kunna glögg skil á ókostum
og skavönkum sem viðraðir hafa
verið í ótal rifrildúm liðinna ára.
Hvað ertil úrbóta?
Nökkvi hefur aldrei neinar
skyndilausnir á hjónabandsvanda
viðmælenda sinna á takteinum.
Það skiptir þó miklu máli að gera
sér grein fyrir þeim einkennum
sem segja fyrir um yfirvofandi
skilnað. Oft er hægt að snúa við
og forða skipinu frá strandi en til
þess þurfa báðir aðilar að breyta
sér. Hjónavandi er aldrei sök ann-
ars aðilans heldur samleikur
tveggja þar sem eitt leiðir af öðru.
Oft er gott að leita sér aðstoðar hjá
þriðja manni sem sér stundum
hvaða vandamál eru á ferð og
bendir á leiðir til úrbóta. En vilji
beggja þarf að vera fyrir hendi til
að vel takist. Jafnvel færustu
hjónabandsráðgjöfum reynist
ómögulegt að blása lífi í samband
þar sem hvorugur aðilinn vill
breytaneinu.
RAEliA
ZANUSSI Uppþvottavél
með þurk. ZW-826
ZANUSSI Þvottavél
ZF-8000 800 snVmin.
ZANUSSI Kæli og
Frystiskápur
ZFC-20/8 200/80 L
ZANUSSI Kæliskápur
ZFC-140 frá 120-160 L
hæð 180 sm.
ZANUSSI
Þurrkari, TD-220
ZANUSSI Kæli og
Frystiskápur ZFC-19/4,
190 L kælir, 40 L frystir
Ulll UL.U-UIAVV, lllt
blæstri og klukku
Kupperbusch Eldavél
EH-540-WN
| GUFUSTRAUJÁRN Kr. 2.990 MÍNUTUGRILL Kr. 6.990
'g DJÚPSTEIKINGARP. Kr. 6.490 HÁR6LÁSARI Kr. 990
TOKUM
GÖMLU
LDAVÉLINA
UPP í NÝJA
ELDAVÉL
Eldhús- og baðinnréttingar
Láttu okkur gera þér tilboð í bæði innréttinguna
og tækin og við komum þér þægilega á óvart.
SCHMIDT
SJKE
^DESIGN
Fáið tilboð tímanlega fyrir Páska
OPIÐ LAUGARDAG 10-16
SUÐURLANDSBRAUT 16 - SIMI 880500