Dagblaðið Vísir - DV - 30.03.1996, Side 40

48
LAUGARDAGUR 30. MARS 1996
Grínhátíð verður haldin í Hafnarfirði dagana 1.-8. júní:
Keppt í kringlukasti,
tertukasti og æðiskasti
- óvíst um Mister Bean en danski grínistinn Eddie Skoller kemur
Undirbúningur vegna skophátíð-
arinnar í Hafnarfirði í byrjun júní
er á lokastigi og fer bráðum að skýr-
ast hvernig dagskráin verður og
hverjir verða með skemmtiatriði á
hinum ýmsu stöðum í bænum. Ljóst
er að hátíðin mun standa dagana
1.-8. júní og að helstu spéfuglar
Hafnarfjarðar sjá fyrir spauginu,
meðal annars með grínplötu og
brandarabók sem koma út í lok maí,
ásamt fleiri landsþekktum skemmti-
kröftum og sjálfboðaliðum úr hópi
gesta þegar og þar sem það á við.
Það er feröamálanefndin í Hafn-
arfirði sem hefur veg og vanda af
grínhátíðinni en hún hefur fengið
Hafnfirðingana Hall Helgason og
Ingvar Þórðarson til að annast
framkvæmdina og skipuleggja dag-
skrána og hafa þeir verið að semja
við íslenska og erlenda spéfugla.
Löngu er komið á hreint að það eru
fjöllistamennirnir Sigurður Sigur-
jónsson, Laddi, Radíusbræður og
Magnús Ólafsson sem standa fyrir
mesta fjörinu.
Þeir félagarnir eru nú á lokastigi
að semja efni á hljómplötuna eftir
tveggja mánaða törn og hittust af
því tilefni í Hafnarfirði nú í vikunni
en platan verður tekin upp um
páskana. Platan þeirra er í rauninni
fyrsta grínplatan sem kemur út hér
á landi um langt skeið, eða trúlega
frá því Kaffibrúsakallarnir voru
upp á sitt besta, eftir því sem Ingv-
ar Þórðarson segir. Það er kannski
lýsandi dæmi um húmorinn hjá að-
standendum hátíðarinnar að fyrsta
daginn verður platan aðeins til sölu
á Fiskmarkaði Hafnarfjarðar.
Gaflararnir ofannefndu semja
líka brandara í brandarabókina en
það er Hallur Helgason sem hefur
umsjón með útgáfu hennar og verð-
ur bókin líka seld á Fiskmarkaðin-
um áður en hún fer í dreifingu út
um allt land.
Dave Allen eða Mister Bean?
Verið er að semja við erlenda
háðfugla um að koma og skemmta á
grínhátíðinni en fullsnemmt er að
segja hverjir koma. Samkvæmt
áreiðanlegum heimildum DV hefur
verið rætt við skopleikarann Jim
Carrey, sá hinn sama og lék í kvik-
myndinni Mask, en hann vildi fá
litla 4,5 milljarða króna fyrir að
koma. Einnig hefur verið rætt við
leikstjórann Woody Allen. DV hefur
heyrt að samningar við danska
skopfuglinn Eddie Skoller séu langt
komnir og nokkuð öruggt að hann
komi en hann hefur þegar komið
nokkrum sinnum hingað til lands.
Þá eru viðræður í gangi við
breskan sjónvarpsmann og hafa
ýmis nöfn heyrst i því sambandi.
Ingvar Þórðarson vill ekki gefa upp
hver það er en DV hlerar að rætt
hafi verið við Mister Bean og Dave
Allen sem báöir hafa verið með
sjónvarpsþætti í Bretlandi. Skal
ósagt látið hvort annar hvor þeirra
er breski sjónvarpsmaðurinn sem
um ræðir eða hvort það er einhver
allt annar. Það skýrist víst ekki fyrr
en líður á vorið.
Furðufatadagur
og grínnámskeið
Það er ýmislegt á dagskránni í
Hafnarfirði dagana sem skophátíðin
verður haldin. Þannig verður hátíð-
in sett með skrúðgöngu sem endar á
einhverju góðu útivistarsvæði í
bænum. Þar verður keppt í
tertukasti, æðiskasti og kringlu-
kasti og þarf varla að taka fram að
notaðar verða alvörukringlur og al-
vörutertur beint úr bakaríinu og al-
vöru-æði-súkkulaðistykki. Gaflar-
arnir fimm kynna plötuna sina og
bókina og hláturkeppni verður
haldin.
Dagana 1.-8. júní verður ýmislegt
á dagskránni. Á sjómannadaginn 2.
júní verður dagskráin í samráði við
Sjómannadagsráð, mánudaginn þar
á eftir verður furðufatadagur og
grínnámskeiö í Suðurbæjarlaug. í
þessari viku verða nemendur úr
Flensborg með revíusýningar undir
leikstjórn Davíðs Þórs Jónssonar
radíusbróður, en ekki hefur verið
ákveðið hvaða stykki verður fyrir
valinu. Þá keppa meirihluti og
minnihluti bæjarstjórnar í brand-
arakeppni og svo endar vikan á
risastórri fjölskylduskemmtun í
Kaplakrika. Þar verða til dæmis
veitt verðlaun fyrir besta búning-
inn.
Spéspeglar um allan bæ
Á grínhátíðinni í Hafnarfirði
verður kappkostaö að hafa eitthvað
fyrir alla. Þar verða sýningar á
gömlum og nýlegum grínmyndum í
eigu Kvikmyndasafns íslands, til
dæmis Nýtt líf-myndunum og göml-
um og sígildum Charlie Chaplin-
myndum, svo nokkrar séu nefndar.
Kvæðamannafélagið, sá hafnfirski
félagsskapur, verður með gaman-
vísnakvöld og er verið að ræða við
Ómar Ragnarsson og Flosa Ólafsson
um þátttöku. Haldin verða brandar-
anámskeið og komiö verður fyrir
spéspeglum út um allan bæ þar sem
menn geta séð spaugilegar hliðar á
sjálfum sér.
Viðræður hafa verið í gangi við
eigendur öldur- og kaffihúsa í bæn-
um og má búast við að þar verði
sitthvað skemmtdegt á dagskránni.
Þannig mun einhver þeirra vera
með þá hugmynd að endurvekja til
dæmis Halla og Ladda.
Þegar DV ræddi við Ingvar Þórð-
arson í vikunni vildi hann ekki
segja hvað öll þessi hátíðahöld kost-
uðu Hafnfirðinga. Hann sagði að
selt yrði inn á einhver skemmtiat-
riði en það færi eftir aðstæðum, til
dæmis væri stefnt að því að hafa
ókeypis inn í Suðurbæjarlaug þegar
furðufatadagurinn færi fram.
-GHS
Smásagnakeppni um
Tígra í umferðinni
Tígri er um þessar mundir að læra umferðarreglurnar. Hvernig ætli honum gangi að fara yfir
göturnar, ætli hann kunni á umferðarljósin? Skyldi hann eiga reiðhjól og endurskinsmerki?
Það er margt sem getur komið íyrir Tígra í umferðinni ef hann fer ekki varlega.
Ef þú ert 12 ára eða yngri getur þú tekið þátt í því að skrifa smásögu um
Tígra í umferðinni.
Allir sem senda inn sögur fá að gjöf teinaglit á reiðhjólið.
50 sögur verða valdar og gefnar út í einni
bók, Tígrabókinni. Þeir sem eiga sögur í
bókinni eiga möguleika á að vinna vegleg
verðlaun.
Komið verður upp Tígrahorni í
Kringlunni dagana 9.-14. apríl
" ar sem þú getur fengið öll
átttökugögn.
Þú getur einnig haft samband við
Krakkaklúbb DV, Þverholti 11,105
Reykjavík, eða Umferðarráð, Borgartúni
33, 105 Reykjavík, og við sendum
þér gögnin. Skilafrestur er til
6. maí.
Það er leikur að skrifa um
Tígra í umferðinni.
I

í samstarfi við
Spéfuglarnir landsfrægu, Laddi, Davíð Þór Jónsson, Magnús Ólafsson og
Steinn Ármann Magnússon eru að verða búnir að semja efni á grínplötu og
í brandarabók sem koma út í tengslum við skophátíðina í Hafnarfirði í byrj-
un júní. Byrjað verður að taka plötuna upp um páskana. DV-mynd GS