Dagblaðið Vísir - DV - 18.05.1996, Blaðsíða 14

Dagblaðið Vísir - DV - 18.05.1996, Blaðsíða 14
LAUGARDAGUR 18. MAI1996 Utgáfufélag: FRJALS FJÓLMIÐLUN HF. Stjórnarformaður og útgáfustjóri: SVEINN R. EYJÓLFSSON Framkvæmdastjóri og útgáfustjóri: EYJÓLFUR SVEINSSON Ritstjóri: JÓNAS KRISTJÁNSSON Aðstoðarritstjóri: ELÍAS SNÆLAND JÓNSSON Fréttastjóri: JÓNAS HARALDSSON Auglýsingastjóri: PÁLL STEFÁNSSON Ritstjórn, skrifstofur, auglýsingar, smáauglýsingar: ÞVERHOLT111, blaðaafgreiðsla, áskrift: ÞVERHOLT114,105 RVÍK, SÍMI: 550 5000 FAX: Auglýsingar: 550 5727 - RITSTJÓRN: 550 5020 - Aðrar deildir: 550 5999 GRÆN númer: Auglýsingar: 800 6272. Áskrifl: 800 6270 Stafræn útgáfa: Heimasíða: http://www.skyrr.is/dv/ Ritstjórn: dvritst@centrum.is - Auglýsingar: dvaugl@centrum.is. - Dreifing: dvdreif@centrum.is AKUREYRI: Strandgata 25, sími: 462 5013, blaðam.: 462 6613, fax: 461 1605 Setning og umbrot: FRJÁLS FJÖLMIÐLUN HF Filmu- og plötugerð: ÍSAFOLDARPRENTSMIÐJA HF. - Prentun: ÁRVAKUR HF. Áskriftarverð á mánuði 1700 kr. m. vsk. Lausasöluverð 150 kr. m. vsk., helgarblað 200 kr. m. vsk. DV áskilur sér rétt til að birta aðsent efni blaðsins í stafrænu formi og í gagnabönkum án endurgjalds. Lærum af ísfirðingum Stjórnmálamenn gömlu flokkanna og nýrra samfylk- inga gömlu flokkanna á sameinuðum ísafiröi eru ekki verri en aðrir stjórnmálamenn í landsmálum eða sveit- arfélagamálum þjóðarinnar. Samt eiga þeir skilið rass- skellingu fönklistans í kosningunum um síðustu helgi. Eins og aðrir hefðbundnir stjórnmálamenn í landinu eiga þeir gömlu ekkert erindi í valdastóla. Þeir eru hug- myndafræðilega innantómir framagosar eins og aðrir hefðbundnir stjórnmálamenn í landinu. Þeir eru gamal- kunna tegundin, sem hefur gert þjóðina fátækari. Við hressumst við að sjá ungt framhaldsskólafólk skáka hinum hefðbundnu stjórnmálafiokkum og nýjum samfylkingum þeirra. Við spyrjum, hvað sé hægt að gera á landsvísu, úr því að hægt er að ná mörg hundruð manna stuðningi og tveimur bæjarfulltrúum á ísafirði. íslenzkir kjósendur hafa hagað sér aumlega á undan- förnum áratugum. Þeir hafa vísvitandi kosið yfir sig öm- urlega gasprara og vilja gera einn slíkan að forseta lýð- veldisins. Sigur fönklistans á ísafirði er ljós í þessu sam- einaða svartnætti kjósenda og stjórnmálamanna. Oftast hefur ástandið verið svo slæmt, að menn and- varpa og segja ekkert geta bjargað þjóðinni, nema skipt verði um kjósendur fyrst. Raunar er ótrúlegt, hvað ís- lenzkir kjósendur hafa leyft stjórnmálafiokkum og póli- tíkusum að komast upp með áratugum saman. Við erum að dragast aftur úr nágrannaþjóðunum og stéttaskipting er um leið að aukast innanlands. Fólk hef- ur í vaxandi mæli verið að flýja til útlanda frá lágtekjun- um og stéttaskiptingunni, sem hér á landi stafa eingöngu af mannavöldum, en ekki af slökum gæðum landsins. Eymdarbotn landsins er í sölum Alþingis, þar sem leikarar fara hamförum í ræðustóli, láta eins og þorps- fífi, semja ferskeytlur og haga sér eins og þeir séu ger- samlega úr sambandi við umhverfið. Þeir blaðra klukku- stundum saman án þess að finna kjarna neins máls. Á Alþingi og í ríkisstjórn er talað um allt milli himins og jarðar og samdar um það ferskeytlur, en hvergi minnst orði á neitt sem máli skiptir, svo sem viðbrögð íslendinga við óðfiuga efnahagssamruna Evrópu og um stöðu landsins í breyttri heimsmynd 21. aldar. Þegar tölvur og simi eru að búa til nýja tegund af upp- lýsingaþjóðfélagi og framleiða óendanlega athafnamögu- leika á nýjum sviðum, efna stjórnmálamennirnir til hverrar nefndarinnar á fætur annarri til að skoða málið og framleiða um það doðrant á doðrant ofan. Ekkert skortir á umfjöllun um upplýsingahraðbraut- ina, nema að ráðherrar yrki um hana fleiri ferskeytlur. Hins vegar er ekki gert það, sem gera þarf. Ekki er séð um, að bandvídd þessarar brautar sé á hverjum tíma mun rýmri en sem svarar notkun líðandi stundar. Núverandi stjórnmálamenn eru upp til hópa ófærir um að búa þjóðina undir 21. öldina. Hingað til hefur ver- ið talið, að þetta væri tröllheimskum kjósendum að kenna, umbjóðendum stjórnmálamanna. En glætan frá ísafirði sýnir, að kjósendum er ekki alls varnað. íslenzkir kjósendur þurfa að læra af ísfirðingum. Þeir þurfa að muna eftir pólitískum afglöpum umboðsmanna sinna og byrja að rjúfa sauðtryggð sina við hina hefð- bundnu stjórnmálaflokka og forustumenn þeirra. Þeir þurfa að fara að gera tilraunir í stjórnmálum. Þegar búið er að skipta út stjórnmálaflokkunum og pólitíkusunum er loksins komin forsenda þess, að unnt verði að lifa vel í landinu á 21. öldinni. Jónas Kristjánsson Aðþrengt forsetaefni grípur til örþrifaráðs Fyrir rúmri viku birti skoðana- könnunarstofnun Louis Harris niöurstöðu af könnun á stöðu væntanlegra frambjóðenda stóru flokkanna í Bandaríkjunum í for- setakosningunum í nóvember. Hún var á þá leið að fylgi Bills Clintons forseta, fyrirsjáanlegs merkisbera demókrata, væri næstum tvöfalt á við það sem skipar sér um Bob Dole, sem sam- kvæmt forkosningum á vísa tiln- efningu repúblikana til forseta- framboðs. Af þeim sem afstöðu tóku voru 64 af hundraði hlynntir Clinton en aðeins 31 af hundraði stóð með Dole. Þessi úrslit í skoðanakönnun eru rækilegasta staðfestingin til þessa á því stjórnmálaástandi í Bandaríkjunum sem birst hefur í margs konar myndum síðustu mánuði. Clinton forseti hefur rifið sig upp úr fylgislægð undanfar- inna missera en Repúblikana- flokkurinn er í fylgiskreppu með- al þess kjósendahóps sem úrslit- um ræður í kosningum. Eins og endranær þegar á móti blæs í stjórnmálum hafa komið upp erjur innbyrðis hjá repúblikönum út af því hverjum helst sé urn að kenna mótgangur- inn í almenningsálitinu. Sér í lagi hefur Dole sætt ákúrum fyrir að reka slæglega baráttu, hafa óljós stefnumið og kunna ekki að ná til almennings með málflutning sinn. Einkum hefur Dole verið legið á hálsi fyrir að helga sig allt of mik- ið starfi leiðtoga meirihluta repúblikana í Öldungadeild þings- ins. Bragðvísi við meðferð mála og útsjónarsemi við óhjákvæmi- legar málamiðlanir á þeim vett- vangi séu ekki þeir eiginleikar sem mest þörf sé á til að afla vænt- anlegu forsetaefni alþýðuhylli. Margir frammámenn repúblik- ana hafa þvi um skeið lagt að Dole að afsala sér leiðtogahlutverkinu fyrir þingflokkinn til að geta beitt sér betur í undirbúningi raun- verulegrar kosningabaráttu. Nú hefur Dole brugðist við þessum óskum með þvi að lýsa yfir að hann hafi ákveðið að segjá af sér þingsetu að fullu og öllu og ein- beita sér þaðan í frá að því að koma málstað sínum á framfæri við bandarísku þjóðina. En þá á eftir að greina frá því í einstökum atriðum hver sá mál- staður á að vera. Almenn óánægja með Repúblikanaflokkinn stafar einmitt af því að honum hefur með málatilbúnaði á þingi og mál- flutningi forsetaefna í nýafstað- inni forkosningabaráttu tekist að koma sér út úr húsi hjá veruleg- um hluta þeirra kjósenda sem ómissandi eru, eigi flokkurinn að geta gert sér vonir um sigur í for- setakjörinu í nóvember. Dæmigerðir fyrir þá frammá- Erlend tíðindi Magnús Torfi Ólafsson menn sem komið hafa óorði á Repúblikanaflokkinn eru Newt Gingrich á þingi og Pat Buchanan meðal keppinauta Dole um til- nefningu í forsetaframboð. Eftir þingkosningar 1994, þegar repúblikanar urðu í meirihluta í báðum þingdeildum í fyrsta skipti í næstum hálfa öld, taldi Gingrich, leiðtogi flokksins í Fulltrúadeild- inni, sér alla vegi færa og boðaði byltingu í bandariskum þjóðfé- lagsháttum. Nú telst hann óvin- sælastur bandarískra stjórnmála- manna. Skrá um löggjafarmálefni, sem Gingrich skírði „Sáttmála við Bandaríkin", hefur ýmist runnið út í sandinn eða reynst illa þokk- uð af almenningi, einkum niður- skurður á fé til skólamála og um- hverfismála. Itrekuð lokun ríkis- stofhana vegna fjársveltis af völd- um þingmeirihlutans hefur komið repúblikönum í koll. Á síðastu vikum hefur vart ann- ar stjórnmálaviðburður verið rúmfrekari í bandarískum fjöl- miðlum en hvernig Alfonse D'Amato, öldungadeildarmaður frá New York, tók í hnakkadramb- ið á Gingrich og Buchanan. D'Amatao er einhver áhrifamesti stuðningsmaður Dole á þingi og átti mestan þátt í að tryggja hon- um yfirburðasigur í forkosning- um í New York. Að dómi D'Amatos eru repúblikanar vísir til að bíða af- hroð í nóvember, fái mann eins og Gingrich og Buchanan að móta mynd flokksins í almenningsálit- inu. Kallar hann þá og þeirra nóta „heimspekilega erkiklerka" vegna hugmyndafræðilegrar mótunar á málflutningi hópsins. Árásir Buchanans á konur, svertingja og samkynhneigða séu óþolandi fyrir flokkinn og hann ætti sem minnst að fá að koma fram á flokksþing- inu í ágúst. Bob Dole á þvi verk fyrir höndum ef hann á að sýna sigurstranglegan flokk í sjónvarpi frá því þingi. Dole hefur sætt ákúrum fyrir að reka slælega baráttu, hafa óljós stefnumið og kunna ekki að ná til almennings með málflutning sinn. •k skoðanir annarra Jafnvægi nauðsynlegt „Það er nauðsynlegt að finna jafnvægi á milli þess að gæta efnahagslegra hagsmuna Bandaríkj- anria og beita viðskiptaþvingunum tO þess að hafa áhrif á hegðun Kína. Bandarísk fyrirtæki hagnast á viðskiptum við Kína og viðskiptin skapa atvinnu. En þau styrkja einnig stjórnvöld sem brjóta mann- réttindi á þegnum sínum, kúga nágranna sína og grafa undan stefnu Bandaríkjanna í vopnaeftirlits- málum með því að selja parta í kjamavopn til ann- arra ríkja." Úr forysrugrein New York Times 13. maí. Aukið bil milli ríkra og fátækra „Munurinn milli ríkra og fátækra í Noregi vex aug- ljóslega. Áður óbirtar tölur frá Hagstofu sýna að frá því að Gro tók við völdum 1986 hefur munurinn mUli ríkra og fátækra aukist á hverju ári. Tölurnar sýna að árið 1986 voru nettótekjur 10 prósent þeirra heimila sem fátækust voru 4,1 prósent af heildar- tekjunum. Árið 1994 voru nettótekjurnar 2,9 pró- sent." Úr grein í Dagbladet 14. maí. Ahyggjur vegna flugslysa „Hið hræðilega flugslys í Everglades í Flórída hef- ur gefið tilefni til nýrra, alvarlegra áhyggjuefna. Eftir að hafa rannsakað ValuJet flugfélagið í nokkra mánuði skrifaði blaðamaðurinn Elizabeth Marchak í Cleveland að óhöpp hjá flugfélaginu væru aö minnsta kosti fjórum sinnum fleiri en hjá þremur stærstu félögunum, United, American og Delta. Hefði það ekki átt að vera tilefni til aðgerða?" Úr forystugrein Washington Post 15. maí.
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.