Dagblaðið Vísir - DV - 19.04.1997, Side 18

LAUGARDAGUR 19. APRÍL 1997 jLlV
gur í lífí
' ik
Dagur í lífi Þórarins Jóns Magnússonar, ritstjóra og framkvæmdastjóra Gamla útgáfufálagsins:
Gaflarar, pólitík, útgáfa og fegurstu stúlkumar...
Spennandi viðfangsefni, eins og
stofnun tímaritaútgáfu, rekur
mann auðveldlega á fætur fyrir all-
ar aldir. Síðastliðinn mánudags-
morgun var þar engin undantekn-
ing; ég glaðvaknaði klukkan rétt
rúmlega sex og settist við tölvuna
til að hamra þar inn nokkrar hug-
myndir sem fram höfðu komið á
Café Romance kvöldið áður, en þar
höfðum við sem starfa munum
saman í fúllu starfi hjá Gamla út-
gáfufélaginu komið saman í teiti
ásamt mökum. Ég veit vel að stað-
góður morgunverður er nánast
skylda en það er bara þannig með
mig að ég hef í mesta lagi lyst á
kaffi fyrri hluta dagsins. Kaffiboll-
ann þennan daginn fékk ég mér á
Kænunni við smábátahöfnina í
Hafnarfirði. Milli klukkan átta og
níu á morgnana er hægt að ganga
þar að nokkrum sprækum Göflur-
um vísum við stórt hringborð.
Steini Guðjóns, Jónsi og Viddi
HaUdórs, Benni Steingríms, HaUi
Óla, Siggi Þorvarðar og PaUi Páls
eru á meðal þeirra sem þar fara
létt með aö kryfja dægurmálin -
með óhjákvæmilegum hlátursrok-
um.
Tímaritaútgáfa undir-
búin
Þessu næst var að koma sér til
höfuðborgarinnar í vinnu. Þeir
urðu mér samferða, sonur minn,
sem er að læra matreiðslu á Grand
Hótel, og Guðmundur Ragnar út-
litshönnuður, sem hefur verið
einn nánasti samstarfsmaður
minn og félagi undanfarin ár, en
saman erum við að koma mynd á
tímaritin þrjú sem Gamla útgáfúfé-
lagiö er með í undirbúningi. Við
Guðmundur Ragnar vorum komn-
ir á skrifstofúna kortér fyrir tíu og
þar biðu okkar þeir Pétur Rafns-
son og Jóhannes Bachmann, sem i
sameiningu stýra auglýsingasölu í
Þórarinn Jón og Guðmundur Ragnar leggja á ráðin um tölvuvinnslu tímaritanna.
tímaritin þrjú. Með þeim var fund-
að góða stund. Síðan tóku við
miklar pælingar með tækniliði ísa-
foldarprentsmiðju og Frjálsrar fjöl-
miðlunar í tilboðum frá tölvufyrir-
tækjum varðandi tækjakost til um-
brots blaðanna. Meðan á þessu
stóð var vinur minn og samstarfs-
maður fyrr og síðar, Þorsteinn Er-
lingsson, að tengja og starta upp
tölvu á borði Ólafar Rúnar. Fyrr
en varði var klukkan orðin tólf. Ég
ók niður í miðbæ til fúndar við vin
minn, Jóhann Guðna Reynisson,
sem starfaði lengi með mér sem
blaðamaður og aðstoðarritstjóri en
stakk sér loks norður í Þing-
eyjarsýslu til að hefja kennslu aö
Laugum þar sem annar vinur
minn og fyrrverandi samstarfs-
maður, Hjalti Jón Sveinsson, er
skólameistari. Okkur fannst tilval-
ið að hann færi með mér á hádeg-
isverðarfund á Hótel Borg hjá Rot-
ary Miöborg sem ég er félagi í. Þar
áttum við fjörlegar umræður við
góða félaga yfir ljúffengum mat.
Símasamband við um-
heiminn
Áður en Jóhann Guðni hélt til
fundar gafst honum tími til að
skoða ritstjórnarskrifstofurnar í
Þverholti 9. (Vonandi að það hafi
gripið hann löngim til að flytja aft-
ur suður og hefja á ný störf með
gömlu félögunum.) Klukkan er
orðin tvö og Sigursteinn Másson
mættur á staðinn. Með honum
leggst ég yfir áætlanir um vinnslu
Heimsmyndar. Næst er að taka á
móti mönnum frá Símvirkjanum
og fyrirtækinu Beyki til að leggja á
ráðin um tengingu síma annars
vegar og fjölgun skilveggja hins
vegar. Fyrr en varir er Gamla út-
gfáfufélagið ehf. komið í símsam-
band við umheiminn og hugmynd-
ir um smíði skilveggja komnar af
teikniborðinu á framleiðslustig.
Við Guðmundur Ragnar áttum
loks samræður um útlitshönnun
áður en við héldum saman heim til
Hafnarfjarðar. Báðir erum við
gegnheilir Gaflarar. Ég á stefnu-
mót við bráðskemmtilega konu í
kaffiteríu Hafnarborgar. Hún heit-
ir Oddfríður og er eiginkona mín.
Einn, tveir, þrír bollar og aftur á
fund. Formennska í fulltrúaráði
Sjáifstæðisfélaganna í Hafnarfirði
hefur i för með sér allmargar fund-
arsetur. Aðalumræðuefhið var
sjóðheitt; undirbúningur næstu
bæjarstjómarkosninga. Uppstill-
ing, opið eða lokað prófkjör eða
eitthvað enn annað? Klukkan var
orðin átta og enn á ný hélt ég til
höfuðborgarinnar.
Stúlkur á bikiníi
Ákvörðunarstaðurinn var Hótel
ísland þar sem annars konar for-
mennska beið mín. Formennska í
dómnefnd Fegurðarsamkeppni
Reykjavíkur. Fyrsta klukkatímann
fylgdist dómnefndin með stúlkun-
um æfa í bikiníi á sviði en síðan
tók við fýrri hluti viðtala við stúlk-
umar í keppninni eina cif annarri.
Dómnefndin var skipuð fimm dóm-
urum. Því hagaði þannig til að við
karlamir tveir í nefndinni höfúm
átt annað sameiginlegt áhugamál
til viðbótar við fallegt kvenfólk,
nefnilega bæjarpólitíkina i Hafnar-
firði. Við Þorgiís Óttar Mathiesen
höfðum því talsvert skipst á skoð-
unum okkar á miili um málefni
flokksins miili þess sem við kynnt-
umst fegurð og mannkostum kepp-
endanna um titilinn Ungfrú
Reykjavík 1997. Klukkan ellefu var
loks haldið af stað til Hafnarfjarð-
Eir. Eiginkonan kom heim um leið
og við feðgamir og saman fengum
við okkur „ábót“ á kaffið og rædd-
um lauslega það sem drifið hafði á
dag okkar. Við og við hripaði ég á
minnismiða það sem ég hugðist
koma í verk daginn eftir. Og von-
aðist til að koma þá enn meiru í
verk en þennan mánudag ...
Finnur þú fimm breytingar? 407
Nafn: _
Heimili:

Vinningshafar fyrir fjögur hundruðustu og fimmtu
getraun reyndust vera:
Hrönn Hlynsdóttir
Frostafold 21
112 Reykjavík
Soffía G. Karlsdóttir
Breiðvangi 53
220 Hafnarfjörður
Myndimar tvær virðast við fyrstu
sýn eins en þegar betur er að gáð kem-
ur í ljós að á myndinni til hægri hefur
fimm atriðum verið breytt. Finnir þú
þessi fimm atriði skaltu merkja við
þau með krossi á myndinni til hægri
og senda okkur hana ásamt nafni þínu
og heimilisfangi. Að tveimur vikum
liðnum birtiun við nöfn sigurvegar-
anna.
1. verðlaun:
Kalimar-Spirit AF, 35 mm myndavél
frá Radíóbæ, Ármúla 38, að verðmæti
3.995 kr.
2. verðlaun:
Tvær Úrvalsbækur að verðmæti kr.
1570, Sekur eftir Scott Turow og Kóli-
brisúpan eftir David Parry og Patrick
Withrow.
Vinningamir verða sendir heim.
Merkíð umslagið með lausninni:
Finnur þú fimm breytingar? 407
c/o DV, pósthólf 5380
125 Reykjavík