Dagblaðið - 27.11.1978, Blaðsíða 40

Forsíðufrétt í New York Times:
„Islendingar óttast
óbætanlegt tjón af
völdum verðbólgunnar"
„íslendingar berjast við
verðbólguna og óttast að bíða
óbætanlegt tjón,” segir í forsíðufyrir-
sögn i bandaríska blaðinu New York
Times síðastliðinn föstudag.
Blaðið segir að íslendingar greiði nú
fyrir „einn ís” með tékka og þeir geti
selt tveggja ára ryðgaða bíla sina á
tvöföldu þvi verði sem þeir keyptu þá
á.
Landlægt kvalræði þjóðarinnar,
kuldi, stormur og eldgos, virðist
viðráðanlegt í samanburði við
verðbólguna. Haft er eftir Jóni
Sigurðssyni, forstöðumanni Þjóðhags-
stofnunar, að menn eyði alltof miklum
tíma i að „hlaupa á sama stað”.
Margir óttist, segir blaðið, að íslenzkt
þjóðfélag hafi orðið fyrir óbætanlegu
tjóni og unga kynslóðin hafi misst alla
trú á sparnað og áætlanagerð.
Blaðið bendir á, að fiskverð sé
óstöðugt. Islendingar hafi almanna-
tryggingakerfi byggt eftir norrænum
fyrirmyndum, sem verði sífellt dýrara.
Tillögur um að draga úr því mæti
almennri andspyrnu. Mikil eftirspurn
sé síðan eftir neyzluvörum og séu
menn kannski að bæta sér upp erfiða
veðráttu á þann hátt. Við bætist
verðbótakerfi á kaup. Atvinnuleysi
hafi verið innan við eitt prósent.
Í fréttinni eru viðtöl við nokkra
lslendinga. Meðal annars er haft eftir
Bjarna Braga Jónssyni, hagfræðingi
Seðlabankans, að engin stór þjóð gæti
lifað við slíka verðbólgu og Íslendingar
glíma nú við.
HH.
Með kveðju frá Jótlandi og
Þing-
völlum
— fyrstu jólatrén að
koma til borgarinnar
Þessa dagana eru jólatré að byrja að
berast til borgarinnar og að venju
koma stóru torgtrén, eins og þau eru
nefnd, fyrst. Hjá Landgræðslusjóði
fréttum við í morgun að stóru trén og
önnur innflutt tré koma frá Jótlandi,
en islenzku trén aðallega úr Skorradal
og Þjórsárdal. Þó rakst Sveinn
Þormóðsson á hlaðinn bíl jólatrjáa frá
Þingvöllum, en þar er verið að grisja
lítillega. Aðalsendingin erlendis frá
kemurámorgun. -G.S.
Hlaðinn bill jólatrjáa frá Þingvöllum.
DB-mynd Sv. Þorm.
sem mun prýða eitthvert torgið um
þessi jól. DB-mynd: Sv. Þorm.
„HALUERINGAR” MEÐ HEITTIGLASI
Hrói höttur heldur áfram að birtast á Hallærisplaninu I Reykjavík og bjóða „Haliæringum” upp á heitt kakó eða súpu. Það hefur gert lukku þar I nepjunni að
undanförnu og er eitt glas af heitum drykk á við þriggja tíma endurnýjun og upphitun.
Hallæringar eru íðallega frískir krakkar og blácdrú og þ.vkir gott að fá heitan drykk — sérlagað kakóTóta munks. DB-mynd: Sv. Þorm.
frjálst, nháð dagblað
MÁNUDAGUR 27. NÓV. 1978.
Stal 15
f löskum af
sterku víni
— oggekk síðaní
faðm lögreglunnar
Rúmlega tvitugur maður var hand-
tekinn aðfaranótt laugardagsins eftir
að hann hafði stolið 15 flöskum af
sterku vini í Klúbbnum. Maðurinn
leyndist í veitingahúsinu þá er lokað
var klukkan eitt, en húsið ér venjulega
mannlaust orðið fyrir klukkan tvö á
slikum dögum.
Maðurinn braut upp skápa á
tveimur börum i húsinu og fyllti tvo
plastpoka, áður en hann hélt á braut
um klukkan hálffimm um morguninn.
Hann gekk síðan fram á lögreglubil á
Sundlaugavegi og varð þá hræddur,
faldi hvíta pokana í snjónum og tók til
fótanna. Þótti lögreglumönnum
hegðan mannsins undarleg og leiddi
það til handtöku hans. Vitni gaf sig
siðar fram sem hafði séð felustað plast-
pokanna með innihaldinu sterka og
játaði maðurinn verknað sinn og
skýrði alla söguna eftir næturlangt
gæzluvarðhald.
•ASt.
Mikið
tjón
af eldi i
Skipasundi
Rétt fyrir klukkan eitt í gær kom
upp eldur í bilskúr að Skipasundi 21.
Magnaðist eldurinn mjög fljótt og
varð ekki við ráðið fyrr en brunnið
hafði bifreið af Cortinagerð árgerð
1971 ásamt tjaldvagni. Er tjónið af
brunanum því verulegt, því auk áður
nefndra dýrra hluta urðu talsverðar
skemmdir á bílskúrnum. 1 næsta
bilskúr var vörulager geymdur og
urðu þar einnig skemmdir af vatni og
reyk.
-ASt.
Verkamanna-
sambandið
fagnar
aðgerðunum
Samþykkt var einróma á skyndi-
fundi stjórnar Verkamannasambands-
ins á laugardaginn að fagna aðgerðum
vinstri stjórnarinnar bæði nú fyrir 1.
desember og í síðastliðnum september.
Stjórnin lýsir einkum ánægju sinni
með fyrirhugaðar félagslegar
umbætur, sem rikisstjórnin hefur
boðað.
HH.
/y Kaupið\,
,2 TÖLVUR
QG TÖLVUUR
BANKASTRÆTI8