Ársrit Ræktunarfélags Norðurlands - 01.01.1970, Side 90

Ræðumaður sagði, að tvöfalda þyrfti það fjármagn, sem
veitt væri til rannsókna í landbúnaði og þeirri aukningu í
starfseminni ætti fyrst og fremst að beina að lausn brýnna
búskaparvandamála, og þær rannsóknir og tilraunir, sem
gerðar yrðu, færu að verulegu leyti fram úti um sveitir hjá
einstökum bændum.
Tvöföldun á núverandi fjármagni til rannsókna er ekki
meiri aukning á kostnaði en svo, að eins árs útflutningsupp-
bætur nægðu til að greiða aukninguna næstu 10 árin. Það
virðist því ekkert glæfrafyrirtæki að leggja út í slíka aukn-
ingu, ef minnsta von er til þess, að landbúnaðurinn gæti
orðið samkeppnisfær um verð á erlendum mörkuðum, sem
afleiðing af auknum rannsóknum.
Að erindi Stefáns loknu, tóku þessir til máls: Bjarni Jóns-
son, Þorsteinn Davíðsson og Jóhannes Sigvaldason. Gerðu
þeir nokkrar fyrirspurnir, er dr. Stefán svaraði.
Að lokum þakkaði fundarstjóri dr. Stefáni Aðalsteinssyni
fyrir komuna hingað og Jiann fróðleik, er liann flutti.
Tekin voru nú fyrir álit nefnda. Egill Bjarnason lagði
fram fyrir hönd fjárhagsnefndar fjárhagsáætlanir fyrir Rækt-
unarfélag Norðurlands og Rannsóknastofu Norðurlands. —
Nokkrar umræður urðu um fjárhagsáætlanirnar. Að þeim
loknum voru fjárhagsáætlanirnar samþykktar þannig:
FJÁRHAGSÁÆTLUN
Fyrir Ræktunarfélag Norðurlands 1971.
G j ö 1 d :
Kostnaður við Ársritið................. kr. 180.000,00
Framlag til Rannsóknastofu Norðurlands . . — 125.000,00
Fundakostnaður .......................... — 30.000,00
Kostnaður við bókasafn................... — 25.000,00
Ýmis kostnaður........................... — 5.000,00
Samtals kr. 365.000,00
93