Ársrit Ræktunarfélags Norðurlands - 01.01.1970, Qupperneq 52

einkenni á kartöflunum árið 1968. Það voru margar smáar
undir hverju grasi og margar með brúnum blettum. í til-
raununum 1969 kom það greinilega í ljós, að kartöflur
undan þeim grösum, sem fengið höfðu bóráburð voru lausar
við þennan ágalla, en kartöflur úr reitum án bórs báru enn
sömu einkennin og mest voru áberandi árið áður.
1 bókum má lesa nokkuð um nauðsyn þess, að lítillega sé
af bór í næringu jurta. Er getið um margháttuð störf, sem
bór er talið vinna í plöntunni og má þar til nefna sykur-
llutning í plöntunni og stjórnun á vatnsmagni frumanna.
Þá er álitið, að bór hafi áhrif á efnabreytingar köfnunar-
efnissambanda í plöntunni. Það er ljóst, að allir þessir þættir
geta baft úrslita þýðingu um uppskerumagn. Aftur á móti
verður tæplega nokkuð af þeim ráðið um útlitseinkenni
þau, sem voru á kartöflunum í garðinum á Teigi. Hins
vegar er ekki úr vegi að ætla, að bórskortur geti orðið meira
áberandi í þurrum árum en voturn, ef marka má hugmyndir
um það, að bór stjórni vatnsmagni frumanna.
I því sambandi er rétt að geta þess, að tíðarfar var mun
betra til sprettu sumarið 1969 en 1968. Er því til sönnunar
færðar í töflu 4 niðurstöður veðurathugana frá þessum sumr-
um úr Gróðrarstöðinni við Akureyri og veðurathugunarstöð-
inni á Akureyri (8). Teigur í Hrafnagilshreppi er aðeins um
7 km innan við Akureyri og veðurfar þar því að líkindum
mjög svipað.
Á tiilum í töflu 4 sézt, að sumarið 1969 er hagstæðara fyrir
vöxt kartaflna en 1968. Má benda á, að mun rakara er 1969,
bæði meiri tirkoma í júlí og ágúst, lielztu vaxtarmánuðina,
og rakastig nokkru hærra alla sumarmánuðina það ár. —
Einnig eru færri frostnætur 1969 en 1968. Hitamagn fyrir
júní—sept. er svipað bæði árin, en 1969 er ágúst sérstaklega
hagstæður fyrir kartöflusprettu, en tíðarfar í þeim mánuði
hefur e. t. v. afgerandi áhrif á það, hvort viðunandi uppskera
fæst. Vegna bins tiltölulega hagstæða tíðarfars 1969 var
sprettan á bórlausu reitunum þó ekki verri en raun bar
vitni, en hún var áberandi betri en 1968.
Gerðar voru nokkrar efnagreiningar á steinefnamagni