Ársrit Ræktunarfélags Norðurlands - 01.01.1970, Side 13

hefir sýnt okkur sína verstu hlið, en ekki hefir hún megnað
að skaða okkur verulega. Skoðun mín er sú, að stöðin sé
komin yfir örðugasta hjallan, og að reynslan hafi þegar sýnt,
að a. m. k. hér í Eyjafirði er hægt að reka sæðingastöð allt
árið um kring, rétt eins og í nágrannalöndum okkur.
Það er trú mín, að vilji eyfirzkir bændur halda áfram að
bæta kúakyn sitt, og þar með afkornu sína, þá eigi þeir að
styðja sæðingastöðina af fremsta megni, en það gera þeir
einmitt bezt með því að láta sæða sem flestar kýr sínar, og
með því að halda sem dyggilegastar skýrslur um afurðir
þeirra nú og eftirleiðis.“ —
Síðan skrifa blaðamennirnir:
,,Þannig er þá í stuttu máli sagan um sæðingastöðina á
Grísabóli og starf hennar. Og nú er ekki tími til að spjalla
lengur um þessa hluti. Síminn hringir, og eftir að hafa hlýtt
á þau boð, sem hann flytur, grípa þeir Hjörtur og Jónmund-
ur, aðstoðarmaður hans, töskur sínar, spenna skíðin á jepp-
ana og eru vonbráðar horfnir út í buskann".
I þessu blaðaviðtali, sem gestirnir áttu við Hjört Þórar-
insson í inarz 1947, kemur fram glögg lýsing á aðdraganda
að stofnun sæðingastöðvar S. N. E., viðhorfi eyfirzkra bænda
til þeirrar nýjungar, sem þarna var verið að koma af stað,
og átti eftir að verða mikilvægur þáttur í því að kynbæta
nautgripastofninn, ekki einungis í Eyjafirði heldur og víðar
á landinu.
Telja má, að samstaða eyfirzkra bænda hafi verið mjiiggóð
um notkun og rekstur sæðingastöðvarinnar, en á fyrstu starfs-
árunum þó ekki nægilega mikil til þess að bera uppi vaxandi
tilkostnað við rekstur hennar.
Nautgriparæktarfélögin í ýmsum hreppum héraðsins
héldu áfram með nautahald sitt lieima fyrir, og einstakir
bændur ólu sjálfir naut handa kúm sínum. Hins vegar var
svæðið, sem sæðingamennirnir þurftu að þjóna, all víð-
áttumikið og mjög stækkandi. Þurfti því að ráða til starfa
tvo sæðingamenn, auk forstjórans, svo hægt væri að verða við
óskum bænda um þessa þjónustu. Bifreiðakostnaðurinn var
þegar nijögmikill, en tekjurnar nægðu ekki fyrir útgjöldum,
15