Ársrit Ræktunarfélags Norðurlands - 01.01.1980, Blaðsíða 24

um, stundum of skörpum. Það er ekki hættulaust að vera
ljóngáfaður og víðlesinn. Síðastur gengur ritari stjórnar Rala,
Jóhannes Sigvaldason, svolítið álútur og getur í hvorugan
fótinn stigið af þessu sem ég ekki nefni og af því að vera
kominn út yfir pollinn og af tilhlökkun að sjá og heyra út-
lending segja frá.
Á flugvellinum tók á móti okkur tilraunastjóri á Tilrauna-
stöðinni Holt, Odd Ostgaard. Raunar er e.t.v. ofrausn að tala
um tilraunastjóra, því samkvæmt nýjum reglum þeirra
Norðmanna Um stjórn tilraunastöðva, þá fer þar með dagleg
völd þriggja manna framkvæmdastjórn, kosin úr hópi starfs-
manna til fjögurra ára í senn. Odd Östgaard er nú formaður
þessarar framkvæmdastjórnar og fullvissaði okkur um það að
hann tæki ekki endurkjöri þegar kjörtímabil hans hefur
runnið sitt skeið. Það er vissulega umhugsunarefni hvort þetta
stjórnunarform gæti ekki hentað á voru landi bæði í stofnun-
um landbúnaðarins og víðar. Tilraunastöðin Holt er nánast
inni í Tromsöbæ og þessa stöð var ætlunin að fá að skoða. Fyrr
en af því yrði var okkur ekið heim til Odds og þegnar veitingar
hjá Þorbjörgu konu hans. Var okkur raðað kringum borð úti
fyrir dyrum í húsagarði með blómaskrúði og blómaangan,
flugnasuði og flugnabiti, nokkuð sem við áttum eftir að berj-
ast við löngum á þeim dýrðardögum sem nú fóru í hönd. Frú
Þorbjörg bar okkur hið besta kaffi með smurðu brauði og
fleira góðgæti. En hversu gott sem það nú var að sleikja
sólskinið og sötra kaffi þar í garði tilraunastjórans þá var eigi
til setu boðið og ætlunin var sú að skoða Tilraunastöðina
Holt! Voru því þakkaðar góðar veitingar og haldið á
vettvangsgöngu um hús og lendur tilraunastöðvarinnar.
Tilraunastöðin Holt er orðin allgömul í hettunni og mátti
af ýmsu ráða að þar hafði margt verið í kyrrstöðu um nokkurt
skeið, skeiði sem þó virtist runnið og nú alveg á síðustu árum
hafði verið byggð þar myndarlega upp ýmiskonar aðstaða
m.a. gróðurhús og rannsóknarstofur. Háskólinn í Tromsö,
sem stofnaður var þar fyrir fáum árum, hefur fengið aðstöðu
til kennsluæfinga í þessu nýja húsnæði. Var okkur tjáð að sú
samvinna við háskólann gengi ágætlega. Þá vorum við leiddir
26