Ársrit Ræktunarfélags Norðurlands - 01.01.1980, Blaðsíða 110

Fundir, ferðalög o.fl.
Sótti Ráðunautafund B.f. og Rala í Reykjavík í febrúar s.l.
vetur. Flutti þar ásamt Gunnari Sigurðssyni fóðurfræðingi
hjá Rala erindi um gildi grasköggla í fóðri búfjár.
Síðla vetrar mættum við Jóhannes Sigvaldason á þrem
fundum í Lýtingsstaðahreppi í Skagafirði þar sem í minn hlut
kom að ræða um fóðrun. Voru þetta einu fræðslufundirnir
sem ég sótti meðal bænda þetta árið. Hefur þessi þáttur
starfsins farið heldur þverrandi með árunum, hvað sem
veldur.
Mætt var á aðalfundum búnaðarsambandanna í S.-Þing.
og Eyjafirði.
Haustið 1979 réð ég mig í heysýnatökuferðir til Suður-
Þingeyinga og Vestur-Húnvetninga og tók hátt á annað
hundrað sýni. Þá skilaði ég öllum heyssýnunum í V.-Hún. og
veitti aðstoð við fóðuráætlanagerð. Var farið heim til hvers og
eins, svo sem við var komið, en einnig var rætt við allt upp í 10
bændur í einu og var ekki annað að finna en sú aðferð hafi
gefið góða raun.
Lítillega var farið á einstaka bæi, sumpart vegna
selenrannsókna.
Til Reykjavíkur var farið á þrjá fundi í graskögglanefnd, en
á þeim síðasta var ákveðið hvernig lagt skyldi til að orkugildi
grasköggla yrði metið í náinni framtíð a.m.k. Var niðurstaða
tilraunarinnar á Mörðuvöllum og áður er nefnd, einkum lögð
til grundvallar. í tengslum við þann fund var mætt á fundi
með forsvarsmönnum graskögglaverksmiðjanna sem Fóður-
eftirlitið boðaði til og þeim gerð grein fyrir ákvörðun
nefndarinnar.
Tók þátt í umræðum um fóðurtilraunir mjólkurkúa ásamt
nokkrum mönnum í faginu á Hvanneyri í júní s.l.
Rætt var um heyefnagreiningarþjónustuna á ráðunauta-
fundi, sem Rf. Nl. boðaði til á Galtalæk við Akureyri 7. júlí s.l.
Tók að mér þriggja tíma kennslu í viku í búfræði við M.A.
s.l. vetur. Má geta þess að nemendur tóku m.a. að sér þá
verklegu æfingu að vinna að uppgjöri á rannsókn okkar
112