Ársrit Ræktunarfélags Norðurlands - 01.01.1980, Blaðsíða 68

byggja á, þeim sem hyggjast starfa við landbúnað. Hvernig til
tekst er fyrst og fremmst háð því hvernig samstarf tekst milli
skólans og bændastéttarinnar. Þar er tilraunin með að flytja
hluta verknámsins til starfandi bænda veigamesta atriðið,
sem verður að takast, eigi þessi nýja tilhögun að bera til-
ætlaðan árangur.
Endurmenntun.
Sá þáttur í starfi búnaðarskólans sem allt of lítið hefur verið
sinnt, er endurmenntun þeirra sem þegar eru i starfi og nám-
skeiðahald bæði fyrir bændur og starfsmenn landbúnaðarins.
I nýju búfræðslulögunum er gert ráð fyrir að skólarnir
standi fyrir námskeiðum í samráði við aðrar stofnanir og
samtök bænda. Þessum þætti hefur að undanförnu örlítið
verið sinnt af bændaskólunum með bændafundum og stöku
námskeiðum.
Þannig hafa verið haldin á Hvanneyri námskeið fyrir
ráðunauta um heyverkun og námskeið um kartöflur fyrir
bændur og fræðimenn. Þá voru haldin á Hólum tvö almenn
búfræðinámskeið síðastliðinn vetur. Nú er í bígerð í samvinnu
við stéttarsamband bænda að koma á sumarnámskeiðum á
Hvanneyri þar sem bæði yrði um að ræða fræðslu- og
sumarleyfisdvöl.
Nauðsynlegt er að skólarnir geti haldið þessari starfsemi
sinni áfram því augljóst virðist, af undirtektum, að þörfin er
fyrir hendi. Þá má minna á að fleiri og fleiri verk eru nú
bundin sérstökum leyfum og þarf gjarnan námskeið til þess að
öðlast réttindi til þess að vinna þessi verk. Bændaskólarnir
ættu skilyrðislaust að gefa nemendum kost á að afla sér rétt-
inda til slíkra starfa ef þau tengjast landbúnaði. Nefna má í
því sambandi eiturefnanámskeið, þungavinnuvélapróf, með-
ferð skotvopna o.fl. Þessi atriði þyrftu annað hvort að vera í
námskrá skólanna eða skólarnir héldu sérstök námskeið fyrir
þá sem óskuðu að afla sér nefndra réttinda. Þau nýmæli í
lögunum frá 1978 að heimilt er að koma á sérnámi að loknu
búfræðiprófi er nefnist bútæknanám. Nám af þessu tagi er
mjög að ryðja sér til rúms í nágrannalöndunum. Hér er um að
70