Ársrit Ræktunarfélags Norðurlands - 01.01.1980, Blaðsíða 88

tvennt að lokum. Annað er það að spjaldskrá yfir niðurstöður
heysýna einstakra bænda var gerð s.l. vetur og vor, þar sem
fram kemur fjöldi sýna ár hvert og meðaltöl úr þeim frá og
með árinu 1973. Undanskilin eru sýni, sem auðsjáanlega eru
tekin af sérstöku tilefni, en úr óverulegum hluta af heyfeng
bóndans. Slík spjaldskrá eykur tvímælalaust gildi þessara
upplýsinga í framtíðinni, bæði er varðar leiðbeiningar hjá
viðkomandi bónda og almennt séð og auðveldar yfirsýn yfir
ástand heyja hvarvetna úr fjórðungnum og getur hæglega
haft rannsóknargildi síðar meir.
Hitt atriðið varðar nýjung í aðferðinni sem notuð er við að
ákvarða fóðurgildi heys. í stað vambarvökva úr lifandi sauð-
um er nú notaður sérstakur lífhvati „sellulasi“, sem nú er farið
að framleiða í stórum stíl erlendis, til þess að blanda saman
við hvert heysýni. Þessi breyting hefur gefið jafngóða eða betri
raun við ákvörðunina. Þar með er ekki þörf á frekara hús-
dýrahaldi hjá Ræktunarfélaginu í þessum tilgangi, enda á
það fátt skylt með hefðbundnum búskap og því öllum til ama,
bæði mönnum og skepnum.
Rannsóknarverkefni.
Veigamesta áfanga tilrauna með selenköggla handa sauðfé
lýkur á þessu hausti og ætti heildaruppgjör gemlings- og
tvævetluánna að liggja fyrir á næsta ári.
Vísindasjóður veitti kr. 1,1 milljón í þessa rannsókn árið
1979.
Oðrum rannsóknum, sem í gangi hafa verið er lokið og er
unnið að uppgjöri þeirra, en þar má einkum nefna rannsókn á
heilsufari og fóðrun mjólkurkúa og samanburð á grasköggl-
um, gerðum úr snemmslegnu og síðslegnu grasi, handa
mjólkurkúm. Síðarnefnda verkefnið tók undirritaður raunar
að sér að framkvæma ásamt Guðmundi Helga Gunnarssyni
ráðunaut hjá B.S.E. fyrir Rala á Tilraunastöðinni á
Möðruvöllum.
Þá er enn ólokið uppgjöri á langtímaáhrifum selengjafar í
Fjósatungu, auk smærri verkefna.
Vonandi víkur það rúm sem í þessari starfsskýrslu fer í að
90