Ársrit Ræktunarfélags Norðurlands - 01.01.1980, Blaðsíða 59
og hafrar á 1200 ha. Verð fræsins út úr verslun má áætla 75
milljónir. Eftir leiðbeiningum er ekki fjarri lagi að áætla
áburðarnotkun á hektara 1000 kg af Græði 5 (17—17—17).
Varlega áætlað kostar þetta magn 120.000 kr. Áburður á
hafra- og kálakra getur því kostað um 385 milljónir. Er þá
ótalinn kostnaður við jarðvinnslu, girðingar, framræslu,
vinnulaun o. fl. Ef allt er með reiknað er varlegt að áætla
útlagðan ræktunarkostnað á um 650 milljónir. Hér eru því
miklir hagsmunir í húfi, og mikils um vert að öryggið sé sem
mest og árangur sem bestur. Vakandi og virk tilrauna- og
leiðbeiningastarfsemi er besta trygging þess að svo megi
verða.
Útdráttur.
I ritgerð þessari eru dregnar saman niðurstöður 32 stofnatil-
rauna með fóðurkál í víðasta skilningi, 23 stofnatilrauna með
sumarhafra og 21 tilraun með vetrarhafra. I hverri tilraun eru
stofnarnir bornir við sama afbrigði, í fóðurkálstilraununum
Silona, sumarhafratilraunum Sól II og vetrarhafratilraunun-
um Maris Quest. Niðurstöður hvað varðar uppskerumagn og
huglægt gæða- og þroskamat eru settar fram í töflum 4—14.
Stofnarnir eru allmisjafnir i uppskerumagni. Ensku risa-
repjustofnarnir Sharpes Extra Tall, Hurst Giant Reselected
Winter Rape og Emerald voru uppskerumestir fóðurkáls-
stofnanna, en stofnar undir samheitinu Rape Kale gáfu mjög
mismunandi útkomu, en voru að öllum jafnaði lakari en
Silona. Af reyndum stofnum var Silona hættast við blómgun.
Talsverður breytileiki fannst milli hafraafbrigða. Af
sumarhöfrum eru Selma og Flamo uppskerumeiri og fyrri til
þroska en Sól II, en Pentland er seinþroskaðri og uppskeru-
meiri en Sól II.
Af vetrarhöfrum gaf Maris Osprey mesta uppskeru, og er til
muna fyrri til í þroska en Maris Quest. Peniarth er einnig
uppskerumeiri en líkari Maris Quest í þroska.
Fjallað eru um skipulagningu stofnatilrauna í grænfóðri og
leiðbeiningar á grundvelli þeirra.
61