Árbók Landsbókasafns Íslands - Nýr flokkur - 01.01.1979, Síða 19

VILHJÁLMUR BJARNAR
✓
Avarp
Flutt við ajhendingu Alþingisbókahandrita í Þjóðskjalasafni íslands
6. janúar 1978
Mér er sönn ánægja að því að vera staddur hér í dag í Þjóðskjalasafni
Islands. Aður en ég vík fáum orðum að erindi mínu hingað í safnið,
vildi ég mega færa Menntamálaráðuneytinu alúðarþakkir fyrir þann
heiður, sem það hefur auðsýnt mér með því að bjóða mér hingað til
lands í sambandi við aldarafmæli Halldórs heitins Hermannssonar -
og þó einkum og sér í lagi fyrir þá viðurkenningu, sem í heimboðinu
felst, í garð þeirrar stofnunar, sem ég starfa við, fyrir þau fræðistörf og
kynningu íslenzkrar menningar, sem þar hafa verið innt af höndum á
liðnum árum.
Anægja mín í dag er að því skapi meiri sem ég hafði aðstöðu til þess
að koma hingað færandi hendi. Vil ég geta þess í því sambandi, að
Halldór segir frá því í grein um Willard Fiske, að eitt sinn, er honum
barst tilboð um að festa kaup á handritum, hafl hann beðið sig að skila
því til bjóðandans, að honum - Fiske - fyndist réttast, að handritasöfn
fengju að vera kyrr í því landi, þar sem handritin voru upprunnin og
mundu koma að mestum notum.
Það er því í anda stofnanda Fiske-safnsins í Iþöku, að ég afhendi
þjóðskjalaverði í dag 37 handskrifaðar Alþingisbækur frá tímabilinu
1667 til 1762. Af hálfu forráðamanna Cornell-háskólabókasafnsins á
gjöfin að vera vottur þess vináttusambands, sem ríkir milli Banda-
ríkjanna og Cornell-háskólans annars vegar og Islands hins vegar- og
þá sérstaklega milli hins íslenzka Fiske-safns og safna á Islandi. Jafn-
framt vil ég taka það fram, að háskólabókasafnsstjórnin metur mikils
þann stuðning og margvíslega fyrirgreiðslu, sem ýmsir aðilar hér á
landi hafa veitt safninu, svo sem Menntamálaráðuneytið með árlegum
styrk til bókakaupa hér síðan 1958, meðlimir Bókaútgefendafélagsins
með ríflegum afslætti frá bókaverði og ýmsar stofnanir og félög með því
að senda safninu rit sín.