Árbók Landsbókasafns Íslands - Nýr flokkur - 01.01.1979, Qupperneq 22

22
BJARNI VILHJÁLMSSON
skipa Alþingisbækur allt til loka virðulegan sess meðal heimildarrita
um sögu Islands.
Engin stofnun á jafnmikið safn af handritum Alþingisbóka og Þjóð-
skjalasafn Islands, enda hefur útgáfa Alþingisbóka Islands, allt frá því
að Sögufélagið hófprentun þeirra 1912, verið í meiri eða minni tengsl-
um við Þjóðskjalasafnið, og einn af skjalavörðum þess, Gunnar Sveins-
son, vinnur nú að útgáfu þeirra. Það er því Þjóðskjalasafninu mikið
fagnaðarefni, hvenær sem því bætist nýtt Alþingisbókarhandrit, jafn-
vel í ljósriti eða á filmu, hvað þá þegar því er færð slík stórgjöf sem
þessi.
Eg vil svo að lokum þakka Vilhjálmi Bjarnar innilega fyrir þessa
veglegu handritagjöf og bið hann færa forráðamönnum bókasafns
Cornell-háskóla, sem lýstu samþykki sínu við þessa gjöf, innilegustu
þakkir Þjóðskjalasafns Islands. Fiske-safn hefur bæði fyrr og síðar
unnið stórvirki í þágu íslenzkrar bókfræði, bókmenntasögu og sagn-
fræði. Megi starfsemi þess enn blómgast.
Vilhjálmur Bjarnar, haíðu kæra þökk fyrir komu þína hingað.