Frjáls verslun - 01.05.1969, Page 82

frá
ritstjórn
EFLA ÞARF LANDKYNNINGU
OG FJÖLGA GISTIHÚSUM
Það eru ekki ýkja mörg ár, síðan komur kaupskipa að utan þóttu umtals-
verðar á íslandi fyrir það eitt, að yfir siglingum til fjarlægra landa hvíldi
einhver ævintýraljómi. Fyrir 20 árum birtist jafnaðarlega listi í dagblöðum
yfir þá, sem tóku sér far til útlanda með flugvélum. Þess háttar ferðalag
þótti stórviðburður. Útlendingar, sem til íslands komu í einhverjum erinda-
gjörðum, gáfu líka tilefni til umtals vegna stórmannlags, framandi litar-
háttar eða tungu.
Viðhorf íslendinga til þessara hluta hafa gjörbreytzt á mjög skömmum tíma.
Mikill hluti landsmanna hefur átt þess kost að gista önnur lönd og útlendum
gestum á íslandi hefur fjölgað stórlega á hinum síðustu árum. Þessi þróun
hefur orðið undirstaða að nokkrum atvinnurekstri hérlendis á sviði ferða-
mannamóttöku og þjónustu við íslendinga, sem utan fara. Til skamms tíma
naut Ferðaskrifstofa ríkisins einokunaraðstöðu í ferðamálum á íslandi, en
fyrir nokkrum árum var reglugerð um ferðaskrifstofurekstur breytt, þannig
að einkaaðilum var gert kleift að heyja eðlilega samkeppni við ríkisstofnun-
ina og veita henni nokkurt aðhald. Að vísu má segja, að í þessu efni, sem
svo mörgu öðru, hafi ekki verið gætt nægilegrar forsjár, enda sýna dæmi, að
ferðaskrifstofurekstur er áhættusamt fyrirtæki og getur aldrei gengið, nema
aðgát sé höfð á jafnþröngum markaði og hér á íslandi.
Samkvæmt reglugerðarákvæðum átti Ferðaskrifstofa ríkisins að annast land-
kynningu erlendis fyrir hönd hins opinbera. Nú hefur komið í ljós, að for-
ráðamönnum þeirrar stofnunar hefur ekki verið treyst til að gegna landkynn-
ingarhlutverki sínu og sérstök fjárframlög T-íkissjóðs til þeirrar starfsemi verið
felld niður á fjárlögum. Engin endurskoðun á starfsháttum Ferðaskrifstofu
ríkisins hefur þó farið fram og ekki er ljóst, hvert stefnt er eða hver ræður
ferðum. Ferðaskrifstofan heyrir undir menntamálaráðherra.
Ferðamálaráð er önnur stofnun, sem um ferðamál fjallar á vegum hins opin-
bera. Ráðið heyrir undir samgöngumálaráðherra og sitja í því fulltrúar sam-
göngufyrirtælcja, gistihúsaeigenda og ferðaskrifstofa, þar á meðal forstjóri
Ferðaskrifstofu ríkisins. Á vegum ferðamálaráðs starfar einn maður. Ferða-
málaráð hefur átt að stuðla að eflingu ferðamálanna og þó verið máttlaust
og litlu fengið á orkað. Má þar eflaust kenna ýmsu um, en ríkisvaldið hefur
óneitanlega gert því illfært að starfa, eins og til var ætlazt, því ferðamála-
sjóður hins opinbera, sem ráðinu hefur átt að veita fé úr, er nú tómur.
Framhald á bls. 72.