Frjáls verslun - 01.06.1970, Side 37

FRJÁLS VERZLUNÍ
35
ICELAND IN A HURRY
Frjálst Framtak h.f. hefur
nú nýlega gefið út í stóru upp-
lagi á okkar mælikvarða bækl-
ing fyrir erlenda ferðamenn
hér á landi, Iceland in a hurry.
og er honum dreift ókeypis
fyrst um sinn. í bæklingi þess-
um eru ýmsar samandregnar
og handhægar upplýsingar. Á-
skrifendur Frjálsrar Verzlunar
eiga þess kost að fá bæklinginn
fyrir erlenda vini sína og gesti,
og má vitja hans á skrifstofu
blaðsins að Suðurlandsbraut 12.
4,2 MILLJARÐAR
Heildarumsetning Sambands
íslenzkra samvinnufélaga á ár-
inu 1969 var 4.281.3 milljónir
króna, eða 1.209.3 millj. meiri
en árið 1968. Tekjuafgangur án
afskrifta og endurgreiðslna var
112.5 millj., en að frádregnum
afskriftum og endurgreiðslum
21.9 millj. Starfsfólk sambands-
ins var í árslok 1969 1.078
manns, 45 færra en í árslok
1968. Starfsfólkinu hefur fækk-
að um 247 manns á síðustu
þrem árum, bæði vegna þess
að sumar smærri starfsgreinar
hafa verið lagðar niður og hins
að unnið hefur verið að vinnu-
hagræðingu með góðum ár-
angri.
FÆREYINGAR í HEIMSÓKN
Á næstunni er væntanlegur
hingað til lands hópur kaup-
sýslumanna og iðnrekanda frá
Færeyjum í kynnisferð, að því
er Ulfur Sigurmundsson for-
stöðumaður Útflutningsskrif-
stofu FÍI tjáði blaðinu. Koma
Færeyingarnir væntanlega um
líkt leyti og næsta fatakaup-
stefna verður haldin í haust.
íslendingar hafa átt talsverð
og vaxandi viðskipti við Fær-
eyinga um árabil, og hefur ver-
ið unnið að Því af hálfu íslend-
inga, að auka þau enn frekar
nú undanfarið.
2 MILLJARÐAR
Heildarvelta Loftleiða h.f. á
árinu 1969 var rúmlega 2.000
milljónir kr., eða tæplega 602
millj. hærri en árið 1968. Tekju-
afgangur var 68.7 millj., en
afskriftir námu 404.9 millj. í
árslok 1969 voru starfsmenn
Loftleiða h.f. 1138 talsins, 33
fleiri en í árslok 1968.
573 HEILDVERZLANIR
Skv. bráðabirgðaathugun á
vegum Félags íslenzkra stór-
kaupmanna, eru 573 heildverzl-
anir starfandi hér á landi. Þar
af eru 546 einkafyrirtæki. í
FÍS eru 183 félagar. Verulegur
hluti þessara mörgu heildverzl-
ana, getur naumast talizt til
heildverzlana í eiginlegri merk-
ingu. Þar er um mjög smáan
rekstur að ræða í mörgum til-
fellum, og öðrum aðeins um
hliðarrekstur að ræða. Álagn-
ingarreglur þær, sem í gildi
eru, ýta mjög undir fjölgun inn-
flytjenda, og má rekja heild-
verzlun, sem hliðarrekstur, til
þess að stórum hluta.
25 ÁRA AFMÆLI
Þann 11. júlí s.l. var aldar-
fjórðungur liðinn frá fyrsta
flugi fslendinga með farþega og
póst milli landa. Þá fór Kata-
lína—flugbátur Flugfélags ís-
lands h.f., sem kallaður var
Pétur gamli, frá Reykjavik til
Glascow. Það var 11. júlí 1945.
Farþegar í þessu fyrsta milli-
landaflugi okkar voru 4, en
þetta fyrsta ár millilandaflugs-
ins alls 56.
Fiskibátar í höfn.
5 MILLJARÐAR
Vöruútflutningur okkar ís-
lendinga fyrstu 5 mánuði þessa
árs var fyrir 5.018.838 milljón-
ir króna, en á sama tíma árið
áður fyrir 2.759.246 milljónir.
Vöruinnflutningurinn fyrstu 5
mánuðina í ár var hins vegar
fyrir 4.734.589 milljónir króna,
en á sama tírna árið áður fyrir
3.848.040 milljónir. — Aukning
vöruútflutnings hefur orðið
í öllum helztu greinum, þó lang
mest í útflutningi sjávarafurða,
en einnig geysileg í útflutningi
iðnaðarvara, og munar þar
mest um álið, en útflutningur
á því hófst ekki fyrr en seinni
helming ársins í fyrra.