Frjáls verslun - 01.08.1972, Síða 38

IV BLAÐAUKI
FV 8 1972
það gifurlega fjármagn, sem
bundið er í nauðsynlegustu
tækjum til flughafnarreksturs.
NÝ FLUGSTÖÐ EFTIR 5 ÁR?
Áform um byggingu nýrrar
flugstöðvar á Keflavíkurflug-
velli hafa margoft verið til
umræðu. Það mál er nú í
undirbúningi með aðstoð
franskra sérfræðinga. Telur
Grétar Kristjánsson að vonir
hinna bjartsýnustu standi til
þess, að ný flugstöð verði tek-
in í notkun eftir fimm ár.
Gamla byggingin, sem nú er
í notkun, getur rúmað 1500
farþega samtímis sem algjört
hámark. Mikil aukning er fyr-
irsjáanleg í flugi um Kefla-
víkurflugvöll og þá sérstak-
lega í áætlunarflugi til íslands
og frá því. Grétar sagði, að
gera mætti ráð fyrir því, að
hingað kæmu á næstu árum
fullhlaðnar risaþotur með_ far-
þega til ráðstefnuhalds á ís-
landi og myndi sú þróun sem
og hin almenna aukna ferða-
mennska á íslandi krefjast
mjög bættrar aðstöðu til mót-
töku farþega á Keflavíkur-
flugvelli. Þá væri ekki síður
ástæða til að huga að öryggis-
málum, en nú væri Kefla-
víkurflugvöllur á góðri leið
með að ná því marki að verða
fullkominn alþjóðlegur ^ flug-
völlur og myndi það tvímæla-
laust margefla gildi hans sem
varaflugvallar fyrir flug yfir
Norður-Atlantshaf. Hann yrði
því ofar á blaði sem vara-
völlur hjá erlendum flugfélög-
um en nú er og myndi það
vafalaust leiða til meiri um-
ferðar.
GÓÐ SAMVINNA
FLUGFÉLAGANNA.
Nýlega var endurnýjaður til
fimm ára samningur milli
Loftleiða og ríkisstjórnarinnar
um rekstur flugstöðvarinnar á
Keflavíkurflugvelli. í þessum
samningi eru endurskoðunar-
ákvæði, ef Flugfélag íslands
óskar að taka þátt í rekstrin-
um og eins er erlendum flug-
félögum heimilt að afgreiða
vélar sínar sjálf, ef þau vilja.
Grétar tók fram, að samvinna
við flugfélögin, sem Keflavík-
urflugvöll nota auk Loftleiða
væri mjög góð og sérstaklega
við Flugfélag íslands.
2000 MÁLTÍÐIR Á DAG.
Á Keflavíkurflugvelli annast
Loftleiðir alla almenna af-
greiðslu flugvéla, þjónustu við
farþega og áhafnir, viðgerðir
flugvéla og flugumsjón, auk
matargerðar. Við þetta starfa
rúmlega 240 manns, þegar
mest ex að gera, en talan fer
niður í 160 yfir veturinn.
Starfsliðið er fyrst og fremst
ráðið með tilliti til áætlunar-
flugsins, en völlurinn verður
alltaf að vera opinn og viss
þjónusta á boðstólum. Þess
vegna er reksturinn dýr. Það
verður að vera hægt að af-
greiða 5 flugvélar í einu og
afgreiðslutíminn á hverja vél
má ekki vera meira en 45 mín-
útur til klukkutími. Svo koma
dauðir kaflar inn á milli. Nú
er hins vegar í ráði að tak-
marka þjónustu að næturlagi
yfir vetrarmánuðina.
Launagreiðslur til starfs-
manna Loftleiða á vellinum
eru áætlaðar 86.146.000 og eru
það um 60% heildargjalda.
í haust mun væntanlega
liggja fyrir ákvörðun um stað-
setningu nýju flugstöðvarinr.ar
á Keflavíkurflugvelli. Þá munu
Loftleiðir hefja undirbúning
að smíði nýs eldhúss, því að
of þröngt er orðið í því eld-
húsi, sem nú er notað til að
útbúa mat fyrir flugfarþega.
Að meðaltali eru á sumrin
lagaðar máltíðir daglega handa
2000 manns í flugeldhúsinu. Er
það fyrst og fremst fyrir Loft-
leiðafarþega, en British Europ-
ean Airways, sem heldur uppi
tveim ferðum í viku til íslands
er líka kostgangari hjá Loft-
leiðaeldhúsinu, ef svo mætti
segja, og danska flugfélagið
Sterling hefur keypt þar mat
sömuleiðis fyrir Ameríkuflug
sitt. Félagið hefur haft við-
komu í 60 ferðum í sumar á
leið irjilli Danmerkur og
Bandaríkjanna. Lausleg athug-
un hefur verið gerð á rekstri
sameiginlegs eldhúss fyrir
Loftleiðir og Flugfélagið og
eru umræður um það mál enn
á byrjunarstigi.
LÁG AFGREIÐSLUGJÖLD.
Hvað kostar það svo að fá
flugvél afgreidda hjá Loftleið-
um á Keflavíkurflugvelli?
Fram á þetta ár höfðu verið
óbreytt afgreiðslugjöld miðað
við Bandaríkjadollar frá ár-
inu 1968. Loftleiðir vildu
hætta rekstrinum á Keflavík-
urflugvelli en fengu þá við-
unandi hækkun. Fyrir 250
manna vél er afgreiðslugjald-
ið kr. 22.242.00 og er það langt
undir því, sem gerist annars
staðar, að sögn Grétar Krist-
jánssonar. Ekki er fjarri lagi
að áætla að heildareyðsla er-
lends flugfélags og farþega
nemi hálfri milljón króna í
hvert sinn vegna viðkomu á
fslandi.
Næsta haust er ráðgert að
Ijúka lengingu þverbrautarinn-
ar á Keflavíkurflugvelli. Frá
og með þeim tíma verður hann
með fullkomnari alþjóðlegum
flugvöllum, og sagði Grétar að
lokum, að enginn vafi væri
á því að hann ætti mikla
framtíð fyrir sér sem aðal-
millilandaflugvöllur íslendinga
og ákjósanlegur lendingarstað-
ur þeirra fjölmörgu flugvéla,
sem þurfa að koma við í
stuttri áningu á ferðum sínum.
Þota Loftleiða kemur til Keflavíkurflugvallar með 250 farþega
Afgreiða má fimm slíkar vélar í einu á flugvellinum.