Frjáls verslun - 01.05.1978, Síða 61

HVAÐ A AÐ GERA VIÐ
,,ÓMÖGULEGA“
STARFSMENN?
í öllum fyrirtækjum er einn eða
fleiri starfsmenn til meiri eða
minni vandræða. Gildir þar það
fornkveðna að sjaldan þarf nema
einn gikk í hverja veiðistöð.
Stjórnendur fyrirtækja eiga oft í
verulegum brösum við þetta
starfsfólk og ósjaldan er gripið til
þess að reka það úr starfi með til-
heyrandi leiðindum og argaþrasi.
En færri vita að til eru aðferðir
sem girða fyrir slík leiðindamál.
Þær aðferðir gera meira en að
forða frá brottrekstri, þær geta
jafnvel stuðlað að því að gera við-
komandi starfskraft aö betri
starfsmanni fyrirtækinu til gagns
og honum sjálfum til ánægjuauka.
Hvernig liði þér ef þú þyrftir einn
daginn að kalla til þín einn af
starfsmönnum þínum til þess að
ræða við hann eftirfarandi atriði?:
— Hranalega framkomu hans
við fólk
— Óviöeigandi kjaftforsku við
samstarfsfólk og viðskipta-
aðila
— Skapofsa og stirðbusahátt
hans í stjórnunarstarfi eða
verkstjórn
— Vanhæfni hans til að vinna
með öðrum
— Áhugaleysi hans og skort á
einbeitni í starfi
— Rangar ákvarðanir hans
vegna vanmats á aöstæðum
— Hversvegna hann hefur ekki
verið valinn til að gegna hærri
stöðu
— Hversvegna hann hefur verið
leystur undan ákveðnum
verkefnum
— Hversvegna hann hefur verið
látinn þoka fyrir öörum
starfsmönnum
Flestum framkvæmdastjórum
liði ekki vel ef þeir þyrftu að ræöa
öll þessi atriði eða einhver þeirra
við ákveðinn starfsmann. Ástæð-
an er auövitað sú að þessi atriði
eru mjög óþægileg fyrir starfs-
manninn sem í hlut á auk þess sem
þau eru að sjálfsögðu mjög við-
kvæm. Sú regla er þó altæk í
þessum tilvikum, að því lengur
sem dregst að taka þau fyrir, því
erfiöara verður að koma sér að því.
í hvert skipti sem starfsmanni er
sagt að honum sé nauðsynlegt aö
tempra skap sitt eða orðaval, — í
hvert skipti sem honum er sýnt
fram á að hann hafi tekið ranga
ákvörðun, — í hvert skipti sem út-
skýra þarf hvers vegna hann hafi
ekki fengiö umbeðna stöðu — eöa
launahækkun, — í hvert skipti er
viðkvæm taug snert. Það krefst ó-
tvíræöna stjórnunarhæfileika að
fást við þessi málefni þannig að
hámarksárangur náist með sem
allra minnstum sársauka.
Skilgreining og flokkun vandans
Það fyrirtæki sem ekki á við
vandamál að glíma af þeim toga
sem hér er til umfjöllunar er vand-
fundið. Vandinn getur á hinn bóg-
inn verið ákaflega misjafn vegna
þeirrar stigsmögnunar sem ræðst
af því hve lengi vandamálið hefur
verið afskiptalaust. Áður en hafist
er handa er nauösynlegt að skoða
hinar ýmsu orsakir með tilliti tii
þess hve persónubundnar þær
geta verið.
Flokka má vandann í þrjá aöal-
flokka eftir því hve viðkvæmt mál-
efnið er fyrir þann sem í hlut á:
1. Hegðun. Sem dæmi um
þennan flokk málefna má taka
fyrstu 3 atriðin í upptalningu í kafl-
anum hér á undan. Um er aö ræða
framkomu, sem þú álítur að sé til
þess fallin að spilla starfsandanum
í fyrirtækinu.
2. Dugnaður. Næstu þrjú atriöi
eru dæmi um þennan flokk, —
atriði sem þú telur draga úr fram-
sókn fyrirtækisins og vera veikan
hlekk í framkvæmdakeðju þess.
3. Ákvarðanataka. Síðustu þrjú
61