Frjáls verslun - 01.11.1981, Blaðsíða 11
V
Smiðjuvegur
E 30-44
„Villigötur“
í Kópavogi
Nafngiftarmenn í Kópavogi
virðast heldur ófrjóir því þeir
brugðu á það ráð aö skýra
allar göturnar í iðnaðar- og
verslunarhverfinu austast í
bænum aðeins tveim nöfn-
um, Skemmuvegur og
Smiðjuvegur. Síðan koma
hinar flóknustu merkingar út
frá tveim aðalæðunum og
um þverbak keyrir þegar
tvær götur með sama nafni
og númerum liggja að sama
húsinu, allt eftir því hvort þú
ætlar á efri eða neðri hæð-
ina. Mikil umferð er um
hverfið á virkum dögum en
eigendur fyrirtækja þar telja
aö helmingur hennar séu
rammvilltir aðkomumenn að
ráfa um hverfið í von um að
heillastjarna vísi þeim á rétt
hús. Annað raunhæfara sé
ekki fyrir hendi. Mikið er um
að þessir ..villingar'' gefist
upp á hringsólinu og leiti
aðstoðar í næsta fyrirtæki í
von um tilsögn og koma þar
nokkrir slíkir í hvert fyrirtæki
daglega. Kveður svo rammt
að þessum vandræðum að
iðn- og verslunarrekendur á
svæðinu eru að hugleiða að
bindast samtökum og knýja
á um að bæjaryfirvöld merki
hverfið á skynsamari hátt og
vilja þeir þá bjóðast til að
leggja fram gatnanöfn, ef
skortur þeirra er undirrót
vandræðanna.
Dagblaðið
hverfur
Þegar samningur var gerður
um samruna Dagblaðsins
og Vísis á dögunum kom
nafngift hins nýja blaðs m.a.
til álita. Til að freista þess að
styggja hvorki kaupendur
Vísis né Dagblaösins var
gripið til þess ráðs að skýra
barnið -Dagblaðið og Vísir'.
Voru flnenn samt sammála
um að það væri heldur
óþjálft og var því samþykkt
að eftir sex mánaða útgáfu
skyldi nafninu breytt í kyrr-
þey yfir í dagblaðið Vísir,
eins og Vísir hét raunar fyrir
samrunann. Meö því lýkur
kapítula Dagblaðsins sem
slíks og um leiö og þessi
breyting verður gerð kann
svo að fara að ekki verði
heldur pláss fyrir ..frjálst og
óháð," svona útlitsins
vegna, eins og það verður
væntanlega orðaö.
verið var farið að bjóða
þessum farþegum uppá að
samþykkja vixla til Flugleiða
fyrir heimferðinni til að
komast heim aftur, og síðan
verður það þeirra höfuð-
verkur að innheimta þá fjár-
hæð hjá Iscargo. En þegar
þar að kemur þýðir ekki fyrir
þá að leita til söluskrifstofu
Iscargo í Austurstræti, þar
sem þeir keyptu miðana, þvi
henni hefur verið lokað.
Heldur verða þeir að leita til
höfuðstöðva Iscargo í
skúrnum við Reykjavíkur-
flugvöll.
Hnígandi sól
Jónasar Kris-
tjánssonar
Ýmsum þykir sem sól Jón-
asar Kristjánssonar, Dag-
blaðsritstjóra, hafi heldur
betur hnigið við sameiningu
síðdegisblaðanna. Þegar
Dagblaðið fæddist gerðu
þeir Sveinn R. Eyjólfsson og
Jónas með sér þann sam-
starfssamning að Jónas yrði
einráður um stefnumótun
og öll málefni ritstjórnarinn-
ar. Hélt Jónas dyggilega um
þau völd og gætti þess að
Sveinn ræki ekki puttana í
hans mál. En nú hefur Jónas
glatað hvorki meira né
minna en 75% útgáfuráðs
því með tilkomu útgáfuráðs
hins nýja blaðs, eiga fjórir
menn jafn sterkan at-
kvæðisrétt: Sveinn, Jónas,
Ellert og Hörður. Engin mál
ritstjórnar má nú afgreiða
nema með samþykki meiri-
hluta útgáfuráðsins og velta
menn nú fyrir sér hvað hafi
orðið til þess að Jónas féllst
á að afhenda Herði, Heklu,
Ford og öllum hinum Ijótu
köllunum völd sín á silfur-
fati. —
11