Frjáls verslun - 01.11.1981, Blaðsíða 25

2. Forval:
Vegna slæmrar reynslu alger-
lega óheftrar samkeppni veröur
forval tekið upp, sem regla og mun
það jafna markaðinn og ýta undir
nauðsynlega þróun og tæknivæð-
ingu.
3. Lóðamál:
Ýmis atriði eins og t.d. aðbún-
aðarmál og tæknivæðing munu
neyða stjórnmálamenn til að láta
af löngu úreltri heimilisiðnaðar-
stefnu í lóðaúthlutunum og gera
íbúðabyggingar hluta iðnaðarins.
4. Verkamannabústaðir:
Þessar svokölluðu félagslegu
byggingar svo vafasamqr, sem
þær nú eru að mínu mati til farsæls
mannlífs, munu sjálfsagt enn auk-
ast um skeið. Stjórnir verka-
mannabústaða verða þó væntan-
lega knúðar til þess að fara að
lögum og bjóða út allar fram-
kvæmdir í stað þess að starfa sem
aðalverktaki með alla samræm-
ingu og heildarstjórn eöa annast
alfarið sjálfar framkvæmdirnar, en
hvoru tveggju er gróft brot á lögum
um þessar framkvæmdir, þær
ættu því að bætast við verktaka-
markaðinn.
5. Virkjanir:
Mjög sennilegt er, að enn meiri
hraði verði á virkjanaframkvæmd-
um en spáð er og ekki ástæða til
annars en að gera ráö fyrir aö þær
haldi áfram að vera íslenskar
framkvæmdir.
6. Samgöngumannvirki:
Með því að fólk geri sér grein
fyrir að það fær meira fyrir pen-
ingana með frjálsum verktakaiðn-
aði þá munu þessar framkvæmdir
færast þangað og má ætla að það
verði alfarið komið í höfn í lok
þessa áratugar.
7. Menntunarmál:
Menntun starfsmanna í verk-
takaiðnaði hefur enn ekki tekið
miö af nútímanum aö fullu og t.d.
eru þeir sem stjórna hinum gífur-
lega afkastamiklu tækjum verk-
takaiðnaðar, enn hornrekur í ís-
lenska menntakerfinu. Þegar er
hafið átak í breytingum og mun
það komast í höfn á þessum ára-
tug, en á síöasta áratug má segja,
að öll æðri tæknileg menntun iðn-
aðarins hafi komist í höfn (þ.e.
flust til landsins).
8. Rannsóknir:
,,Brennt barn forðast eldinn."
Hinar geysilegu alkaliskemmdir
munu ásamt fleiri þáttum marg-
falda fjármagn til rannsókna.
9. Útflutningur:
Sú dýrmæta reynsla sem ís-
lendingar hafa nú orðið af jarð-
varmaveitum ásamt eðlislægum
dugnaði ætti aö geta gert íslensk-
um verktakaiðnaði kleift að verða
verulegur útflutningsatvinnuveg-
ur.
10. Tollamál:
M.a. vegna samkeppni innfluttra
íbúðarhúsa, sem nú njóta veru-
legra tollaívilnana miðað við
íbúðarhús framleidd á íslandi,
ásamt þeirri nauðsyn að gera
orkuframkvæmdir sem ódýrastar
verður að ætla að ríkisvaldið láti af
hinni fráleitu gjaldtöku af tækjum
og efni til mannvirkjagerðar, en
það er einnig nauðsynleg for-
senda útflutnings (þ.e. hreyfan-
leiki tækja) og að iðnaðinum veröi
mögulegt að endurnýja tæki eðli-
lega.
Það skal játað að þessi fram-
tíðarspá byggir á bjartsýni og ósk-
hyggju. Bæði er að miklar líkur
verða að teljast á kollsteypu í
heiminum almennt, heimsstyrjöld
eða öörum ,,katastrófum" og svo
eru þess fá merki að sívaxandi
ríkisafskipti á öllum sviðum mann-
lífsins nái ekki að koma þjóðinni í
algjört öngþveiti. Spá þessi byggir
því á nokkuö hæpnum grunni en
mun þó verða stefnt að því að hún
rætist af góðum mönnum.
Þá er komið að umsögn um
„Álitsgerð um stöðu og horfur í
byggingariðnaði" sem unninn var
að tilstuðlan Rannsóknaráðs rík-
isins.
Tilgangur starfsins mun hafa
verið að móta stefnu um rann-
sókna- og þróunarstarfsemi í iðn-
aðinum.
í því skyni átti starfshópurinn að
greina þróunarmöguleika, gera
spá um þróun næstu 10 ár og
meta hvaða rannsóknastarfsemi
verði nauðsynleg
í „álitsgerðinni" eru margar
ágætar setningar en einnig nokk-
uð af mjög hæpnum staðhæfing-
um. Það er þó aðalatriði að vart
verður lesið út úr skýrslunni neitt
það, sem gott er að byggja áætlun
um rannsóknastarf á, nema með
markvissara mati og greiningu.
Nauðsynlegt er að mat og
greining séu sem vönduðust og
verkefnum síðan raðað í for-
gangsröð. Ég vil að lokum geta
nokkurra æskilegra rannsóknar-
sviða án forgangsröðunar:
1. Hvað kostar gjaldtaka ríkisins
af tækjum þjóðina, í lélegum
afköstum og dýrara viöhaldi?
2. Hver er framleiðni opinberra
fyrirtækja í vega-, brúa- og haf-
nagerð m.v. einkafyrirtæki
og almennt?
3. Hverjir eru kostir og gallar
hlutaútboða byggingafram-
kvæmda hins opinbera?
4. Hvaða efni og tæki eiga íslend-
ingar aö framleiða sjálfir og
hvað á að flytja inn?
5. Hvernig verður best bættur að-
búnaður og hvernig má fyrir-
byggja vinnuslys?
6. Hvaða opinberar stofnanir sem
snerta iðnaðinn er hagkvæmt
að sameina eða leggja niður?
7. Hvernig geta íslendingar best
staðið að útflutningi verktaka-
iðnaðar?
8. Hver er mismunur í gjaldtöku
hérbyggðra íbúðarhúsa og
innfluttra?
iönaöarblaötó
kemur út annan
hvern mánuð
Áskrifarsími
82300