Frjáls verslun - 01.11.1981, Blaðsíða 37

innlen^
World Carpet stærsti teppa-
framleiðandi í heiminum
— Heatset aðferðin mesta bylting í teppaframleiðslu í mörg ár
„Hingaðtil hef ég aðeins átt
stutta viðdvöl á íslandi, en ég
þekki menn, sem hafa stundað
laxveiðar hér og líkað vel svo ég
get vel hugsað mér að gefa mér
betri tíma hér og skoða mig um“,
sagði Shaheen Shaheen, forstjóri
og aðaleigandi World Carpet, sem
er stærsta teppaframleiðslufyrir-
tæki í heimi, er FV rabbaði stutt-
lega við hann á Reykjavíkurflug-
velli er hann kom hér við á einka-
þotu sinni á leið sinni á teppasýn-
ingu í Evrópu fyrir nokkru.
Saga Shaheen er ævintýri líkust.
Hann er af arabískum ættum, en
fæddur í Bandaríkjunum þar sem
faðir hans og föðurbróðir unnu við
teppaframleiðslu. Fyrir allmörgum
árum var fyrirtækinu skipt upp og
tók Shaheen þá við rekstri hluta
föður síns og gerði hann að stór-
veldi. Þess má geta að föðurbróð-
urnum vegnaði ekki eins vel og
hefur nýverið hætt sinni fram-
leiðslu. Shaheen kom hér við á
fjögurra hreyfla Lockheed einka-
þotu sinni ásamt eiginkonu, syni,
tengdadóttur og barnabarni.
Á flugvellinum tók Ómar
Kristjánsson, forstjóri Þýsk-ís-
lenska hf. á móti honum, enda
hefur fyrirtæki hans verið um-
boðsaðili fyrir World Carpet á ís-
landi í fimm ár með geysigóðum
árangri. Reyndar ,,flæða‘' World
Carpet teppi um alla Evrópu þessa
dagana og hafa skapað mikið
umrót í framleiðslu heimamanna.
World Carpet er fyrsta bandaríska
teppaframleiðslufyrirtækið sem
snýr sér í alvöru aö Evrópumark-
aðnum og hefur náð mikilli út-
breiðslu.
Leyndardómurinn á bak við vin-
sældirnar er m.a. fólginn í svo-
nefndri Heatset aðferð, sem gufu-
sýður þráðinn annarsvegar og
efnið hinsvegar eftir að þau hafa
farið í gegnum vefstólinn þannig
að efnið öðlast m.a. þá eiginleika
að bælast ekki og hrindir vel frá
sér óhreinindum auk þess sem
það brennur ekki og er í háum
gæðaflokki. Þetta er dýr vinnsla
því hver Heatset vél, sem bætt er
við venjulega framleiðslulínu kost-
ar 7 milljónir dollara.
Alls rekur Shaheen fimm verk-
smiðjur í Bandaríkjunum með
aðalstöðvar í Dalton í Georgíu þar
sem stærsta verksmiðjan er. Hún
er undir einu þaki og er nálega 20
sinnum stærri en Álverið í
Straumsvík. í grennd verksmiðj-
unnar hafa starfsmenn 50 hektara
lands til afnota og eru þar golf-
vellir, sundlaugar, veitingastaðir
o.fl. Vegna mikillar sjálfvirkni í
verksmiðjunum eru starfsmenn þó
ekki nema þrjú til fjögur þúsund.
Lágmarkslager í verksmiðjunum
er 50 þúsund rúllur og er hver
þeirra um 100 fermetrar.
,,Það var á teppasýningu er-
lendis að glöggur vinur minn frá
Sauðárkróki benti mér á þessa
vöru og hafði mikla trú á henni en
ég hafði í fyrstu heldur minni trú á
viðskiptunum af fyrri reynslu af
stórfyrirtækjum, sem afgreiða
helst ekki nema stórar pantanir frá
sér. Það þurfti því nokkuð áræði til
að panta fyrstu 50 til 60 rúllurnar,
en nú fæ ég ámóta skammt með
nánast hverju skipi, sem hingað
kemur frá Bandaríkjunum", segir
Ómar. Líkir hann Heatset aðferð-
inni vió kvartz byltinguna í úra-
framleiðslunni, og sér nú ekki eftir
áhættunni við fyrstu sendinguna.
Þess má að lokum geta að Sha-
heen virðist hafa tekið ástfóstri við
ísland þvi þrátt fyrir að Ómar sé
fulltrúi eins minnsta markaðarins
hefur Shaheen mikil bein sam-
skipti við Ómar, af öllum sínum
stóru umboðsmönnum og hittir
hann alltaf þegar leiðir þeirra
liggja um sömu slóðir.
Shaheen Shaheen og Ómar Kristjánsson við einkaþotu Shaheens á Reykja-
vfkurflugvelli.
37