Frjáls verslun - 01.01.1985, Blaðsíða 45
aðalforstjóra þess eftir tvö ár,
þegar núverandi forstjori hættir
fyrir aldurssakir, hvort verið væri
að ala hann upp í stöðu for-
stjóra?
Nei, það er ekkert samband
þarna á milli. Það eru engin
tengsl á milli ráðningar minnar og
væntanlegra forstjoraskipta hjá
SIS, svaraði Axel.
Dagleg yfirstjórn
Hver er staða þín og hlutverk
þitt sem aðstoöarforstjóri.
Hlutverk aðstoðarforstjóra er
dagleg yfirstjórn Sambandsins
ásamt forstjóra þess. Vegna
þess hversu fjölþættur atvinnu-
rekstur Sambandsins er, hefur
starfseminni veriö skipt á nokkr-
ar aðal deildir eftir verkefnum og
mörkuðum og er hver deild undir
stjórn sérstaks framkvæmda-
stjóra.
Það er m.a. hlutverk aðstoðar-
forstjóra að samræma starfsemi
hinna ýmsu deilda, að hafa áhrif á
markmið og leiðir með það fyrir
augum aö heildarárangur
starfseminnarveröi sem mestur.
Við leggjum þannig áherslu á
sjálfstæða starfsemi aðaldeilda
Sambandsins, starfsemi sem er
samræmd heildarhagsmunum
fyrirtækisins og megin markmið-
um Samvinnuhreyfingarinnar.
Afkoman 1984 lakari en
1983
Hvernig gekk rekstur Sam-
bandsins s.l. ár, hver var afkoma
þess og hverjar eru horfur á
þessu ári?
Endanlegt uppgjör ársins 1984
liggur enn ekki fyrir en Ijóst er aö
afkoman er nokkuð lakari en árið
1983 en þá var hún góð. Tekju-
afgangur áriö 1983 nam 46.8
millj. kr. eftir að afskrifaðar höfðu
verið 109 millj. kr. af fastafjár-
munum.
Heildarvelta Sambandsins árið
1984 nam rúmlega 8 milljörðum
króna og vegur þar þyngst um-
boðssala Sjávarafurða- og Bú-
vörudeildar, samtals um 4,6
milljarðar þannig að önnur sala
nam um 3,4 milljörðum.
Aukning varð á árinu í fram-
leiðslu og útflutningi sjávarafurða
og náðist þar mjög góður árangur
i erlendri markaðsöflun. Rekstr-
arafkoma iðnaöarins var hins
vegar afar erfið framan af árinu en
lagaðist nokkuð við gengisbreyt-
inguna undirárslok.
Varðandi afkomu og horfur á
þessu ári þá gerum við ráð fyrir
þokkalegri afkomu fyrirtækisins i
heild. Sambandið fer þó ekki
varhluta af þeirri þróun efna-
hagsmála sem hér hefur átt sér
stað og að sjálfsögðu hefur t.d.
samdráttur i framleiðslu og sölu
landbúnaðarafurða og minni
kaupmáttur ráðstöfunartekna,
haft veruleg áhrif á hefðbundna
starfsemi á siöasta ári.
Þessu hyggjumst við mæta
með aðlögun starfseminnar að
breyttum aðstæðum, samdrætti i
kostnaöi og sókn á nýja markaði.
Sömu rekstrarskilyrði og
önnur íslensk fyrirtæki
Hvernig telur þú rekstrarskil-
yrði fyrirtækja á íslandi vera og
nýtur Sambandiö einhverra sér-
stakra ivilnana á því sviði?
Islenskum fyrirtækjum er að
sjálfsögðu nauðsynlegt að búa
við jafn góö skilyrði og sam-
keppnisaöilar þeirra erlendis, ef
þau eiga að geta náð verulega
auknum árangri innanlands sem
utan.
Skattlagning, fjármögnunar-
möguleikar og menntun starfs-
fólks meö tilliti til þarfa atvinnu-
lifsins eru dæmi um atriði sem hið
opinbera getur og þarf að færa til
betri vegar ef islenskum fyrir-
tækjum á að takast að bæta
stöðu sina og sækja i auknum
mæli inn á nýja markaði með
samkeppnisfærar vörur og þjón-
ustu.
Hástemmdar umræður stjórn-
málamanna um uppbyggingu
nýrra atvinnugreina verða ekki
að raunveruleika nema fullur
skilningur sé á nauðsyn sam-
keppnishæfni og eðlilegs hagn-
aðar af rekstri.
Hvað Sambandinu viðvíkur þá
býr það við sömu rekstrarskilyrði
og önnur íslensk fyrirtæki, greiðir
sömu gjöld til hins opinbera af
rekstrar- og fjárfestingarvörum,
er háð sömu reglum um t.d. er-
lendar lántökur o.s.frv. enda er
það sameiginlegt hagsmunamál
einkafyrirtækja og samvinnufyrir-
tækja að skapa hér nauðsynleg
skilyrði til eflingar atvinnulífinu.
Getur þú bent á einhver atriði
sem bætt gætu rekstrarskilyrði
íslenskra fyrirtækja.
Hvaö fjármögnunarmöguleik-
ana varðar þá ernauðsynlegt að
afnema óeðlilegar takmarkanir
fyrirtækja á að afla sérfjármagns.
Það á t.d. að heimila fyrirtækjum
45