Frjáls verslun - 01.01.1989, Blaðsíða 29

Þessi ágreiningur er að mörgu leyti
eðlilegur, en vandi skapast vegna þess að
ekki er skorið úr um hann. Þetta Ieiðir til
togstreitu sem veldur verulegum erfið-
leikum í starfseminni. Þannig geta t.d.
yfirlæknir og hjúkrunarforstjóri tekið
ákvarðanir sem leiða til útgjaldaauka, án
þess að framkvæmdastjórinn hafi þar
nokkra umsögn.
Ríkisendurskoðun hrósar stjórn sjúkra-
hússins fyrir að vera vel upplýst og með-
vituð um vandamál í rekstrinum. Hins
vegar skortir á að tekið sé af skarið í
málum á borð við þau sem hér voru rakin.
EIGNARAÐILD — RÍKIOG
SVEITARFÉLÖG
Sjúkrahús Suðurlands er að 85 hundr-
aðshlutum í eigu ríkisins, en nærliggjandi
sveitarfélög og sýslur eiga 15%. Eins og
að ofan greinir á ríkisvaldið þó engan full-
trúa í stjórn stofnunarinnar, en sveitar-
félögin þrjá og starfsmenn tvo.
Um þessa skiptingu er kveðið á í lögum
Unnið að rannsókn á Selfossi.
anum án þess að fjárveitingavaldinu væri
skýrt frá kostnaðarauka vegna þess.
Úrskurði Ríkisendurskoðunar vegna
ársins 1985 hefur ekki verið fullnægt.
Athugasemdum vegna ársins 1986 hefur
ekki verið svarað, þrátt fyrir ítrekanir.
Háskóli íslands: í skýrslu um ríkis-
reikning 1987 segir að styrkja þurfi fjár-
málalega yfirstjórn Háskólans og eftir-
litsþáttum í starfsemi hans sé víða áfátt.
Af 250 milljóna tekjum Happdrættis Há-
skólans var 195 milljónum varið til fram-
kvæmda, en afgangi ráðstafað vegna
annarra gjalda. Þetta samrýmist ekki
lagaákvæðum.
Landakotsspítali: í sérstakri skýrslu
um St. Jósefsspítala við Landakot eru
alvarlegar athugasemdir gerðar við
rekstur sjúkrahússins. Rekstrarhalla má
rekja til of hárra launagreiðslna, þenslu í
öðrum útgjöldum og kostnaðarsamra
fjárfestinga án heimilda í fjárlögum.
Heimildarlausir kaupleigusamningar
voru ekki bókfærðir sem skuldbinding
sjúkrahússins, heldur afborganir bókað-
ar jafnóðum sem rekstrarkostnaður.
Ýmiss konar eftirliti var ábótavant, t.d.
með rekstri lyfjabúrs og matsölu til
starfsmanna. Viðskipti sjúkrahússins og
Læknastöðvarinnar hf. vegna leigu hús-
næðis voru með óeðlilegum hætti og lyf-
sala milli þessara aðila var óheimil sam-
kvæmt lögum.
Innheimta gjalda fyrir Lögmannafélag
íslands: Þingfestingargjald árið 1987 var
kr. 750. Þar af var raunverulegt þing-
festingargjald kr. 500, en málagjald til
Lögmannafélags íslands kr. 250. Þessi
gjaldtaka ríkisins fyrir Lögmannafélagið
á sér enga stoð í lögum, að mati Ríkis-
endurskoðunar.
Sjóefnavinnslan: Við sölu sjóefna-
vinnslunnar haustið 1987 tók ríkissjóður
á sig skuidbindingar sem námu tæpum
500 milljónum. Á móti komu tvö skulda-
bréf, annað að þarhæð 70.000, en hitt að
fjárhæð 150.000. Síðara bréfið hefur
engan lokagjalddaga og ber ekki raun-
vexti. Ríkisendui'skoðun telur að endur-
greiðsla þess sé ótrygg. Einnig vill hún
fá úr því skorið hvort unnt sé að selja
hlutabréf ríkissjóðs í fyrirtækjum án
heimildar frá Alþingi. Framkvæmda-
valdið hefur hingað til litið á hlutafé sem
lausafé og því ekki talið sig þurfa heimild-
ir Alþingis til sölu þess.
Þjóðleikhúsið: í árslok 1987 skuldaði
Þjóðleikhúsið ríkissjóði tæpar 130 mill-
jónir króna. Ríkisendurskoðun telur að
leikhúsið verði aldrei fært um að greiða
þessa skuld. Taka verði á fjármálum
stofnunarinnar með tilliti til þessa svo
unnt sé að gera raunhæfar áætlanir
varðandi rekstur hennar.
Þróunarsamvinnustofnun íslands:
Kostnaður umfram fjárlög 1987 varð um
16 milljónir króna. Endurbætur á r/s
Feng kostuðu rúmlega 20 milljónir í stað
áætlaðra 5-6. Tilboða í verkið var ekki
leitað.
um heilbrigðisþjónustu. Síðan þau voru
sett hefur hins vegar þróunin verið sú að
æ fleiri sjúkrahús hafa verið sett á föst
flárlög í stað daggjaldakerfis. í Ijósi þessa
telur Ríkisendurskoðun eðlilegt að heil-
brigðis- og tryggingaráðuneytið eigi full-
trúa í stjóm stofnunarinnar. Við núverandi
aðstæður hefur ríkið, stærsti eignaraðil-
inn, ekki tækifæri til að fylgjast með
rekstrinum eða tjá sig um hann. Ein afleið-
ing þessa gæti verið sú að sveitarfélög hafi
tilhneigingu til að láta ríkið bera meira af
kostnaði en réttmætt er. Á Selfossi háttar
þannig til að heilsugæslan, sem sveitarfé-
lagið rekur, er í sama húsi og sjúkrahúsið
og sama stjóm er yfír báðum þessum
stofnunum. Starfsemi þeirra blandast
nokkuð og borið hefur á því að sjúkrahúsið
hafi verið látið inna af hendi þjónustu og
bera kostnað sem heilsugæslan ætti með
réttu að gera.
Dæmi um þetta má finna í tengslum við
mæðravemd, sem er dæmigerð fyrir
forvamarstarf sem heilsugæslustöðvum
er ætlað að sinna. Vinna rannsóknastofu
sjúkrahússins vegna mæðraverndar hefur
þannig t.d. ekki verið reiknuð heilsu-
gæslustöðinni til gjalda. Einnig hefur
sjúkrahúsið veitt heilsugæslustöðinni lán
til greiðslu launa vegna skorts hennar á
rekstrarfé. Þessi skuld nam í árslok 1987
um 1.7 milljónum króna.
FELLIHURÐIR
FYRIR
IÐNAÐAR-
HÚSNÆÐI
- Með og án glugga
- 10 litir
- Ókeypis kostnaðaráætlun
VERÐIÐ ER HAGSTÆTT
GARÐASMIÐJAN GALAX SF.
LYNGÁSI 15 210 GARÐABÆ
SlMI 91-53511
GÆÐI TJR STÁLI