Frjáls verslun - 01.04.1994, Blaðsíða 54

HÓTEL
Út um stofugluggann á Hótel Loftleiðum má dást að útsýninu yfir Reykjanesið og ekki er verið að loka það úti með
gluggatjöldum því hliðartjöld og kappi eru látin nægja.
verður fyrst fyrir skáli sem er skerm-
aður frá stofunni með léttum rimla-
vegg. Stofan er vel búin húsgögnum
með blágráu áklæði, gólfteppi er í
ljósum lit og gluggatjöld rauðbleik. í
stofunni er borðstofuborð og stólar
auk sófa og hægindastóla. Að sjálf-
sögðu er míníbar í íbúðinni og í svefn-
herbergi er fatapressa. Sérstakt ör-
yggishólf er þar ekki en gestir geta að
sjálfsögðu nýtt sér öryggishólf í
gestamóttöku.
Eitt sjónvarp er í íbúðinni á Hótel
Loftleiðum. Hægt er að horfa á Ríkis-
sjónvarpið, CNN, EuroSport og auk
þess býður hótelið upp á svokallað
„Pay TV“. Gestir geta valið um sex
nýjar myndir og greiða fyrir að horfa á
þær. Þetta mun vera eina hótelið hér
á landi sem býður upp á þessa þjón-
ustu. Tölvu- og bréfasímaþjónusta er
fyrir hendi en í kjallara hótelsins er
einnig fullkomin Prentstofa.
í íbúðinni er gestasnyrting auk bað-
herbergis sem er inn af svefnher-
berginu. Þar er bæði kerlaug og
sturtuklefi. A baðherberginu er hár-
þurrka.
Á veggjum stofunnar hanga myndir
eftir Valgerði Hauksdóttur og í svefn-
herberginu er mynd eftir Sigrid Val-
tengojer.
Svítan á Loftleiðahótelinu er mikið
notuð fyrir brúðhjón sem eyða þar
brúðkaupsnóttinni. Hér gista líka
fjölmargir útlendingar, sem hingað
koma í viðskiptaerindum, sem og fólk
sem kemur til landsins í einkaflugvél-
um og hefur hér stuttan stans. Næt-
urgisting í íbúðinni er 70% dýrari en í
hótelherbergi. Hæsta verð er 280
dollarar á nóttu sem eru rétt tæpar
tuttugu þúsund krónur.
HÓTELSAGA
Forsetasvítan nefnist glæsilegasta
gestaíbúðin á Hótel Sögu. Nafnið ber
hún með rentu því í henni hafa ekki
einungis gist forsetar og varaforsetar
heldur konungar Noregs, Svíþjóðar,
Spánar og Jórdaníu, svo eitthvað sé
nefnt, fyrir utan fjölda annarra góðra
gesta, innlendra sem erlendra.
íbúðin er á næstefstu hæð Hótel
Sögu, fyrir neðan Grillið. Svalir eru
umhverfis íbúðina á þrjá vegu og geta
gestir að sjálfsögðu gengið út á þær.
Þaðan sjást „nær öll ríki veraldar" svo
stórfenglegt er útsýnið á góðum degi.
í íbúðinni er mjög rúmgóð stofa og
stórt svefnherbergi, baðherbergi og
salemi, aðskilið, auk skála. Alls er
íbúðin 70 fermetrar að flatarmáli, að
sögn Jónasar Hvannberg hótelstjóra,
og næturgisting á háannatíma kostar
28 þúsund krónur.
Fyrir framan íbúðina er gangur
sem hægt er að loka frá aðalhótel-
ganginum. Á þessum innri gangi eru
54