Frjáls verslun - 01.11.1996, Síða 27

yngsta bamið svaf uppi á lofti á hrúgu
af strigapokum."
En em góðir tímar í dag? Er gott að
reka fyrirtæki í sjávarútvegi í dag?
„Þetta kemst næst gömlu síldarár-
unum að því leyti. Það gengur vel
núna. Loðnan og síldin sjá um það.“
HVER Á AÐ ERFA LANDIÐ?
Alli og Guðlaug eiga þijú böm. Elst
er Eríka Elva sem er þroskaheft og
hefur alltaf dvalið að mestu í foreldra-
húsum. Næst er Björk sem er gift
Þorsteini Kristjánssyni skipstjóra og
þau eiga þrjú böm. Yngstur er Krist-
inn giftur Öldu Vemharðsdóttur og
eiga þau þrjú böm. Auk þessa ætt-
leiddu og ólu Alli og Guðlaug upp Elv-
ar son Bjarkar. Sá býr í Reykjavík og
starfrækir fyrirtækið Fiskimið sem
selur meðal annars allar afurðir fiski-
mjölsverksmiðjunnar.
„Lífið byrjar ekki fyrr en maður
eignast böm,“ segir Alli.
„Þá hefur maður eitthvað til þess
að lifa fyrir. Ég tel það eitt mitt mesta
happ að hafa fengið að ala upp þessi
börn og sérstaklega Elvar. Það var
óvænt ánægja sem hefur veitt mér
mikla gleði.“
Kristinn, sonur Alla, rekur eigið
fyrirtæki á Eskifirði og er m.a. um-
boðsmaður fyrir Eimskip og fleiri
fýrirtæki. Þorsteinn, tengdasonur
Alla, er skipstjóri á Hólmaborginni og
Alli kallar hann arftaka sinn bæði í
gamni og alvöru.
Þannig hefur Alli búið svo um hnút-
ana að erfmgjarnir taka við fyrirtæk-
inu. Ekkert fer í burtu. Allt verður á
sínum stað.
„ÉG ER EKKISKAÐASÁR"
Alli segir að hann sé ekki skaðasár.
Ef eitthvað fer illa, tapast eða aflag-
ast, þá lætur hann það ekki trufla sig
en heldur ótrauður sínu striki fullur
bjartsýni.
„Það er þá farið og þýðir ekki að
fást um það.“
Hann segir að þetta sé hentugur
eiginleiki í atvinnurekstri sem á allt
sitt undir svipulum sjávarafla og óút-
reiknanlegum og duttlungafullum
fiskum.
„Það geta ekki aðrir verið í þessu
en þeir sem em hæfilega léttlyndir og
kærulausir. Ég er fæddur með þess-
um ósköpum.“
Hann segist heldur ekki vera
skaðasár út af sjóninni sem nú er að
svíkja hann hin síðari ár. Fyrir tveim-
ur ámm blæddi inn á annan augnbotn-
inn og nú er komin kölkun í hinn. Við
þessu er ekkert að gera, segja lækn-
ar. Þeir töldu framan af að sjón Alla
myndi ekki hraka mikið en henni hef-
ur farið aftur jafnt og þétt.
Sjónin er það slæm að hann getur
ekkert lesið lengur og á bágt með að
bera kennsl á fólk fyrr en það segir til
sín. Hann á erfitt með að átta sig á
mishæðum þegar hann gengur og fer
því hægt yfir. En hann getur spilað
ennþá.
„Þeir útbjuggu fyrir mig sérstakan
lampa með ljósi og stækkunargleri
strákamir. Þeir vilja hafa gamla
manninn með ennþá og ég vil gjaman
spila meðan ég get.“
En finnst athafnamanninum ekkert
erfitt að vera ef til vill að missa sjónina
alveg?
„Það þýðir ekkert víl eða vol yfir
því. Ég hef séð eins og fálki í meira en
sjötíu ár og ég er sjálfsagt búinn að sjá
nóg. Mér líður afskaplega vel að öðm
leyti og verð bara að taka þessu.“
Alli er orðinn hundvanur að spjalla
við blaðamenn á löngum ferli og það
er fastur liður að hann sé spurður
hvort viðumefnið ríki sé réttnefni.
Sagan bak við viðurnefnið er sú að til
Eskifjarðar kom blaðamaður af Þjóð-
viljanum sem Alli nennti ekki að tala
við. Það var síldaræði í gangi og ekk-
ert annað komst að. Blaðamaðurinn
skrifaði samt viðtal sem Alli segir að
hafi verið lýgi frá rótum og þar var
Aðalsteinn Jónsson ávallt titlaður Alli
ríki.
„Ég er ekki ríkur. Maður, sem er
að verða 75 ára, er ekki lengur ríkur.
Ungt fólk, sem á allt lífið fram undan í
þessu yndislega fagra landi, það er
stórríkt. “
ÞAÐ ER GAMAN AÐ SPILA
Alli er harður spilamaður og hefur
haft yndi af spilum frá unga aldri.
Þegar hann var á vertíð í Sandgerði
sem ungur maður þá styttu menn sér
stundir í landlegum við að spila og þar
greip bakterían um sig. Alli hefur
alltaf spilað og verðlaunagripir og við-
Nýir, stæltir
og sterkir bílar
til leigu um
land allt.
Við bjóðum nýja bíla sem uppfylla
ströngustu kröfur Hertz, á sex
stöðum á landinu. Þú getur skilað
bílnum á þeim afgreiðslustað sem
þér hentar best.
Reykjavík:
Aðalskrifstofa, Flugvallarvegi.
Reykjavíkurflugvöllur.
Sími: 50 50 600.
Akureyri:
Akureyrarflugvöllur.
Sími: 461 1005.
Egilsstaðir:
Egilsstaðaflugvöllur.
Sími: 471 1210.
Höfn:
5 Homaljarðarflugvöllur.
f Sími: 478 1250.
: Keflavík:
i Flugstöð Leifs Eiríkssonar.
Sími: 425 0221.
Vestmannaeyj ar:
Vestmannaeyjaflugvöllur.
Sími: 481 3300. ^
FLUGLEIÐIR
tLídúE
Bílaleiga
27