Frjáls verslun - 01.11.1996, Síða 58

ÚR MYNDASAFNI EYJÓLFS
boðið að fara í þjálfun sem flugmenn á
CL 44 eða Rolls Roy’s 400, en hún gat
flogið á 400 mílna hraða. Þetta nám-
skeið var haldið í kjallaranum á Hótel
Loftleiðum. Námskeiðið var
skemmtilegt en oft var ég þreyttur
því Ragnhildur, dóttir okkar, var með
eyrnabólgu. Það var því lítið sofið á
nóttunni. Þess má geta að áður en ég
fór á námskeiðið hjá Loftleiðum hafði
ég farið á námskeið hjá Flugfélagi ís-
lands. Jón Stefánsson kenndi okkur
um þotuhreyfilinn og hef ég oft hugs-
að um það síðar hvað þetta var frábær
kennslahjájóni. Nú , nú, eins ogáður
sagði var stefnt að því meðal annars
að fá starf hjá Loftleiðum. Cargolux
flugfélagið var stofnað 1970 og voru
Flugleiðir meðal stofnenda sem kunn-
ugt er.
Einar Ólafsson forstjóri bauð okkur
nokkrum vinnu hjá félaginu. Ég var
ekki lengi að gera upp hug minn. Við
fórum út ég, Hafliði Bjömsson,
Kristján Richter, Amgrímur Jónsson
og Kristján Gunnlaugsson komu
skömmu síðar út. Fyrir vom starfandi
hjá Cargolux þeir Þorsteinn Jónsson,
Einar Sigurðsson og Skúli Axelsson.
Það atvikaðist þannig að ég byrjaði hjá
Cargolux á brúðkaupsdegi okkar
hjóna, 1. maí 1971. Búið var að ráða
mig til félagsins en skyndilega átti ég
að mæta fyrr til starfa en ráðgert
hafði verið. Konan mín, Elsa Walder-
hag, og ég vomm á leiðinni út úr dyr-
unum í kirkju til að gifta okkur þegar
hringt var í mig og sagt að Einar
Ólafsson vildi að ég drifi mig strax út.
Ég ætti að byrja strax þennan dag, 1.
maí 1971. Það fór nú samt svo að séra
Sigurður Haukur hafði betur og gifti
okkur Elsu þennan dag. Elsa hefur
hins vegar oft spurt sig að því hvort
ég hafi gifst sér eða Cargolux þennan
dag, nema hvort tveggja væri.“
25 ÁRA ÆVINTÝRI
„Þegar ég hóf störf hjá Cargolux
voru flugstjórar þar þeir Þorsteinn
Jónsson, hinn eini og sanni, Einar Sig-
urðsson og Skúli Axelsson. Ég byrj-
aði sem aðstoðarflugmaður. Við vor-
um að fljúga CL 44. Þetta voru ágætis
vélar. Loftleiðamenn höfðu á sínum
tíma látið lengja þessar vélar og áttu
þeir réttinn á þessari aðgerð. Þessir
karlar voru framsýnir. Það má eigin-
lega segja að við höfum yfirleitt verið
skrefi á undan öðrum flugfélögum
hvað það varðar að vera með heppi-
legar flugvélar. Velmegun okkar hef-
ur fyrst og fremst byggst á því að
vera með réttar tegundir af flugvélum
á réttum tíma,“ segir Eyjólfur og
brosir.
58