Frjáls verslun - 01.01.1999, Page 26

FORSIÐUGREIN
„Símtöl til útlanda hafa lækkaö stórlega á undanförnum tíu árum. Dæmi: Símtöl til Bretlands hafa lækkaö úr 112 krónum
í 33 krónur mínútan og til Bandaríkjanna úr 170 krónum í 40 krónur mínútan. Útlandasímtöl byrjuðu því ekki að lækka um leið og
Tal kom á markaðinn.“ ■ Guömundur Björnsson.
semiskröfu til hans og ætla líka á sama tíma að vera hlutlaust
gagnvart honum í keppni við önnur fyrirtæki.“
Guðmundur: „Enn og aftur mótmæli ég því harðlega að við
njótum sérstakrar verndar eftirlitsaðila og samgönguráðuneytis-
ins. Eg veit ekki í hverju sú vernd ætti að felast. Við erum undir
eftirliti frá Brussel vegna reglna Evrópska efnahagssvæðisins,
Samkeppnisstofnunar, Póst- og ijarskiptastofnunar og loks al-
mennra dómstóla. Það sama á við um okkur og mörg önnur fyrir-
tæki um alla Evrópu, sem eru í svipaðri stöðu; við njótum engrar
verndar, heldur eru þvert á móti gerðar ríkari kröfur til okkar en
keppinautanna.“
JGH: - Við höfum rætt um arðsemiskröfu Landssímans. Hvað
með arðsemiskröfu eigenda Tals?
Þórólfúr: „Eg get ekki tjáð mig um arðsemiskröfuna eða al-
mennar rekstraráætlanir okkar og markmið. Eg get þó sagt að eig-
endurnir gera þá kröfu að fyrirtækið standi undir rekstri, a.m.k.
innan tuttugu mánuða frá stofnun þess - og það markmið næst
væntanlega. Þeir vita að það tekur drjúgan tíma að koma inn á nýj-
an markað og hasla sér völl. Stofnkostnaður Tals er áætlaður um
1,5 milljarðar og ijármögnun hans er þannig að eigendurnir leggja
fram 500 milljónir í hlutafé en um 1 milljarður er fenginn að láni -
að mestu erlendis, þótt Landsbankinn sé þar milligönguaðili. Er-
lendu bankarnir lána okkur án veðs í steinsteypu; þeir hafa við-
skiptahugmynd okkar og arðsemisútreikninga að leiðarljósi. Við
njótum þess lfka að tæknibúnaður er almennt að lækka í verði um
leið og hann verður afkastameiri. Þrátt fyrir þenslutíma í þjóðfélag-
inu höfum við náð að ráða til okkar mjög öflugt og metnaðarfullt
starfsfólk."
JGH: - Tal fékk nýlega Imarks-verðlaunin vegna markaðs-
starfs síns sem spannaði yfir aðeins 8 mánuði á síðasta ári.
Hverjar hafa verið ykkar helstu áherslur í markaðsmálum?
Þórólfúr: „Við höfum lagt áherslu á að stækka markaðinn,
auka ffamboðið á GSM-þjónustu og ná í nýja GSM-notendur.
Markaðsstarf okkar byggist á hinum nýja lífsstíl sem er aukinn
hreyfanleiki fólks - en hann skapar aukna þörf fyrir farsíma og per-
sónubundna sima. I markaðsstarfi okkar höfum við því horft til
ungs fólks, fólks sem er mikið á ferðinni, og kynnt fólki að hent-
ugt sé að hafa fleiri en einn og fleiri en tvo GSM-síma á hveiju
heimili. Við höfum breytt ímyndinni gagnvart GSM-símum, auk-
ið þjónustuna og komið með pakka þar sem ýmiss konar þjónusta
er innifalin í verðinu, sem ekki tíðkaðist áður, eins og breytilegt
mínútuverð, talhólf og textaskilaboð. Við höfum verið með ná-
kvæmar markaðskannanir og áætlanir sem við höfum fylgt vel eft-
ir. Fyrir þetta markaðsstarf fengum við Imarks-verðlaunin, verð-
laun sem eru mikil viðurkenning til okkar fólks.“
Guðmundur: „Um markaðsstarf okkar á síðasta ári vil ég
segja að það hefur tekist afar vel eins og tölurnar sýna. Síminn
GSM varð til sem vörumerki á svipuðum tíma og Tal kom inn á
markaðinn. Eg vil sérstaklega minnast á GSM-frelsið sem við inn-
leiddum og var afar vel tekið. Það byggist á að viðkomandi þarf
ekki að vera hefðbundinn áskrifandi heldur nægir að kaupa GSM-
kort með ákveðinni notkun. Það er selt í einingum sem kosta 2
þúsund krónur. Þegar þær eru búnar er kortið samt opið í þrjá
mánuði þannig að hægt er að hringja í símann. Þetta gefur færi á
að ná til markhópa eins og til foreldra og barna, fólks með tíma-
bundna búsetu erlendis og svo framvegis. Fyrir utan GSM-frelsið
var kjarninn í herferðinni að kynna verð þjónustunnar og mikla
fjölbreytni hennar - en verð okkar er hagkvæmt borið saman við
Evrópu og víðar; eingöngu í Finnlandi og Svíþjóð er að finna hag-
stæðari farsímagjöld. Þá hafa sparnaðarleiðirnar í GSM hlotið
góðar viðtökur. Ennfremur auglýstum við sterkt dreifikerfi okkar
i farsímaþjónustu - en þar er enn nokkru ólíku saman að jafna mið-
að við Tal - sem vonlegt er; við höfum verið lengur á markaðnum.
GSM-kerfi okkar hefur byggst hratt upp á síðustu flórum árum og
jafnan eru að bætast við nýir staðir sem nást. Þá þarf einfaldlega
að kynna. Þá höfum við gert svokallaða reikisamninga við hátt í
100 símafélög í 47 löndum."
Þórólfur: „Við höfum kynnt vörumerkið Tal, sem var ekki til
fyrir ári síðan, en er núna þekkt fyrir þjónustu og samkeppni. Þótt
Landssíminn sé með GSM-nafnið sem skráð vörumerki tel ég það
á ystu nöf að það standist; hann eignar sér það í vörumerkjum,
heiti á þjónustuleið og sem slóð á heimasíðu. Þjónustuleiðir okk-
ar, sbr. Frítal og Tímatal, sem falla að mismunandi þörfum neyt-
enda, sýndu GSM-notendum að þeirra þarfir og óskir væru
grunnur að markaðssetningu á þessu sviði. Okkur hefur miðað

Á
GEVALIA
Ui
(t
- Það er kaffið
Sími 568 7510
26