Frjáls verslun - 01.01.2000, Síða 72

NETVIÐSKIPTI
Vejsíða Kauphallar Landsbréfa. Þótt verið sé að fjárfesta á Wall Street er skjáumhverfið ís-
lenskt.
upp á nettengingu við útlendinga. Munurinn felst í því að við-
skiptavinurinn þarf að fara inn á vefinn hjá fjármálafyrirtæk-
inu ytra, prenta þarf út alla samninga, senda þá út til Banda-
ríkjanna, stofna reikning úti, sem getur tekið nokkra daga, og
senda símgreiðslu út á reikninginn. Þegar féð er komið inn á
reikninginn, sem tekur nokkra daga, er hægt að hefja við-
skipti. Þetta er meira umstang. Þóknunin er mjög mismun-
andi hjá fyrirtækjunum ytra, eða allt frá nokkrum dollurum
upp í um 35 dollara hjá þeim stærstu. Þóknunin hjá Lands-
bréfum er 29,95 dollarar, eða um 2.100 krónur. Það getur þó
komið fljótt upp í kostnaðinn ef menn lenda í einhverjum
vandræðum ytra og þurfa að hringja út til Bandaríkjanna og
leysa sín mál.
„Ákveðið krydd i sparnaðinum" Hlutabréfaviðskiptum fylg-
ir ævinlega áhætta. En hversu stóran hluta af peningalegum
sparnaði sínum notar fólk til að fjárfesta á Wall Street? Þeir
Árni og Þorsteinn ráðleggja öllum að koma sér upp ákveðnu
verðbréfasafni til að dreifa áhættunni; setja t.d. ákveðinn
hluta í innlenda verðbréfasjóði, hluta í innlend hlutabréf og
hluta í erlend hlutabréf. „Flestir eru með stærstan hluta
sparnaðar síns í traustum innlendum og erlendum fyrirtækj-
um og sjóðum, en nota síðan ákveðinn, lítinn hluta til að fjár-
festa í áhættusamari fyrirtækjum - líta jafnvel á það sem
ákveðið krydd í sparnaði sínum.“
Aldraðir eru áhugasamir En hvað
hefur komið mest á óvart varðandi
breiðan viðskiptavinahóp Kauphallar
Landsbréfa? „Líklegast það hve margt
eldra fólk er áhugasamt. Viðskiptavin-
irnir eru úr öllum stéttum, á öllum
aldri, og virkasti hópurinn er fólk á
aldrinum 25 til 55 ára. En það er
ánægjulegt að sjá hvað fólk á efri
árum er áhugasamt og á auðvelt með
að tileinka sér Netið og nota það í
þessum viðskiptum. Ferlið er einfalt
og allt á íslensku. Að fara inn á Wall
Street í gegnum Kauphöll okkar og
vafra þar um er í raun eins og að fara
inn á hverja aðra heimasíðu."
Þroskar íslenska markaðinn Árni og
Þorsteinn eru báðir á því að netvið-
skipti á Wall Street þroski íslenska
markaðinn hraðar en ella. „Þarna er
boðið uppá ýmsar fjárfestingaraðferðir sem ekki hefur verið
boðið upp á á íslenska markaðnum, eins og vilnanir og
stopptilboð. Stopptilboð felast í því að ef markaðsverð og
ávöxtun fer upp í eitthvað sem viðkomandi er ánægður með
þá ákveður hann að selja og grípa ávöxtunina. Þetta virkar
líka í hina áttina, til að forðast mikið tap. Ef verðið fer niður
um fyrirfram ákveðna upphæð þá kemur stopp og viðkom-
andi selur. Lykilatriðið í viðskiptum með hlutabréf er að setja
sér ákveðin markmið um ávöxtun og skoða ýmsa kosti í stöð-
unni, eins og hvað gerist fari allt á besta veg eða versta veg.
Til að verjast miklu tapi getur verið hentugt að nýta sér svona
stopp-tilboð.“
Sagan um húsmæðurnar Þótt sagan um að húsmæður í
Bandarikjunum séu hættar að horfa á sápuóperur í sjónvarpi
og hafi snúið sér að verðbréfaviðskiptum á Netinu sé auðvitað
nokkuð krydduð er það engu að síður svo að konur, húsmæð-
ur sem aðrar, hafa látið miklu meira að sér kveða á síðustu
mánuðum í viðskiptum með hlutabréf á Netinu. „Við sjáum
þetta ekki síst á námskeiðunum hjá okkur sem við höldum í
samvinnu við Háskólann í Reykjavík. Á þessum námskeiðum
er m.a fjallað um markaðinn, fjárfestingarferlið, hvernig skyn-
samlegast sé að haga verðbréfasafni sínu og hvernig Kauphall-
arkerfið okkar virkar. Margar konur eru orðnar afar virkar þótt
þær hafi komið aðeins seinna inn í þetta en karlarnir." jB
VANTAR ÞIG UPPLÝSINGAR?
Hlutafélaqas/crá
- stjórn - hiutafé
- framkvæmdastjórn - tilgangur félags ofl.
HRINGDU STRAX í SÍMA 550 9600 OG FÁÐU UPPLÝSINGARNAR SEM ÞIG VANTAR
LÁNASTRAUST HF. ÞVERHOLTI 14,105 REYKJAVÍK SÍMI 550 9600 FAX 550 9601 IMETFAIMG mottaka@It. is
72