Lesbók Morgunblaðsins - 24.12.1957, Blaðsíða 29
LESBÓK MORGUNBLAÐSINS
Aningarstaóur og náttból Eakimóa á íarðalagL
nágrannar vorir
Nœstu
Hugmyndaflug Eskimóa
Eftir Knud Rasmussen
MYRKRIÐ skall á oss fyr en varði,
og vegna þess að svört kólguský
hrönnuðust upp í vestri, leituðum
vér lands í dálítilli vík og slógum
þar tjöldum. Það var ekki ráðlegt
að leggja út á fjörðinn úr því að
stórviðri var í aðsigi.
Nýfallin mjöll þakti allt landið,
en samt var óvenjulega dimmt.
Um daginn hafði verið hvöss aust-
anátt og hún hafði sópað öllum
borgarísnum úr firðinum út á
Atlantshaf, svo að hvergi sá ís-
mola og sýndist sjórinn því allur
kolsvartur. Mikið skýafar var í
lofti, og einstaka sinnum gægðist
tunglið út úr skýarofi sem allra
snöggvast. Birtist þá hið stórskorna
landslag, en það hafði nú misst
fegurð sína og var kalt og ógnandi.
Hrikalega fjallatinda bar við há-
loftið, nakta og ægilega. Stormur-
inn hvein í gljúfrum og fjalls-
eggjum. Það var sem náttúran væri
að búa sig undir hildarleik, og óljós
kvíði gagntók oss. Öldur tóku að
brotna á hinum yztu skerjum. Það
var bending til þeirra, er enn voru
úti á sjó, að hraða sér til lands
og leita skýlis áður en óveðrið
skylli á.
Enginn vissi hve lengi vér mund-
um verða veðurteppt á þessari litlu
ey, þar sem vér höfðum valið oss
náttstað til bráðabirgða. En öll vor-
um vér sem gagntekin af dulmögn-
um láðs og lofts. Myrkrið magn-
aðist óðum og hjá öllum vaknaði
þrá eftir ljósi.
Af skyndingu var safnað saman
sprekum og lyngi og brátt logaði
eldur glatt í bergskorunni, þar sem
vér höfðum leitað afdreps. En um
leið og birtan kom og ylurinn frá
báhnu, var sem martröð væri létt
af oss. Það var sem öllum ógnum
náttúrunnar hefði verið varpað á
bálköstinn. Nú urðu menn skraf-
hreyfir, en undarlegt var þó, að all-
ar hugsanir vorar virtust snúast
um það, sem vér vorum að forð-
ast. Vér heyrðum undarlegt hvísk-
ur og þrusk og andrúmsloftið var
dulkynngi magnað. Það var sem
vér heyrðum hjarta jarðarinnar slá,
og nú skildi ég hvernig á því stóð,
að Eskimói er aldrei einn, þótt
hann leiti einveru inn á meðal fjall-