Lesbók Morgunblaðsins - 22.12.1984, Page 31

n&Lshsji
'jo ton Ixcl^cl ^
iA*y\ tSo s oicí^
j&'n
1
tí" ^\<^5 6
5 DW
JU
gegnum eldhúsið og þaðan inn í salinn. Þeir sjá hann
ekki og vita ekki að hann er kominn fyrr en Bosolino er
kallaður fyrir. Sýslumaður og hann eru nokkuð lengi á
skrafi, og þegar hann kemur aftur er hann í fylgd
hreppstjórans, sem fer með hann á annan stað og lætur
bíða þar hjá honum. Bosolino sýnist heldur niðurdreg-
inn og hefur týnt vindlinum, en hann heldur á svarta
hattinum eins og hann vilji í lengstu lög halda við votti
af höndlunarbrag mitt í þessu stríði. Litli höndlarinn er
lengur inni hjá sýslumanni en Bosolino. Kannski fer
tíminn í að skýra innkaupin í Reykjavík. Það er enginn
skortur á sögum af þeirri ferð og hvernig hann hafði
laumast með kassana út úr bænum um miðja nótt.
Enginn skipti sér af þvi, sem ekki var von. Þeir sem sáu
til hans hugsuðu bara sem svo: Þarna fer sveitamaður
með varning sinn. Sögurnar urðu fljótt leiðigjarnar af
því engan varðar um þessa kassa fyrr en byrjað er að
selja.
Litli höndlarinn skutlast loksins út úr salnum og sest
álútur og rjóður á sinn fyrri stól um leið og pilturinn er
kvaddur inn fyrir. Sýslumaður situr við dúkað borð
innst i salnum og líkist ekki yfirvaldi. Hann er grannur
um herðar og komin á efri ár og hefur ekki staðið í
stórum sakamálum um ævina. En þarna er hann kon-
ungur í ríki sínu nema kórónuna og safalafeldinn vant-
ar. Húfa hans liggur á borðinu illa aðgreind frá húfum
slökkviliðsmanna. Sýslumaður býður piltinum þurri og
smárri rödd að setjast á stól fyrir framan borðið. Ritar-
inn situr á hægri hönd honum og neftóbak hefur sáldr-
ast niður á grátt prjónavestið. Sýslumaður spyr um
nafn og heimili og ritarinn skrifar: Mættur er og svo
framvegis. Á borðinu liggur eitt stykki hálsbindi með
hvítklæddum kvenmanni. Pilsið stendur út frá henni í
LESBÓK MORGUNBLAÐSINS 22. DESEMBER 1984 31