Morgunblaðið - 06.01.2001, Síða 2

FRÉTTIR
2 LAUGARDAGUR 6. JANÚAR 2001 MORGUNBLAÐIÐ
Fylgstu
með
nýjustu
fréttum
www.mbl.isEiður Smári leikmaður
mánaðarins/B2
Frakkar með skemmti-
legt lið/B1
4 SÍÐUR20 SÍÐUR
Sérblöð í dag
Á LAUGARDÖGUM L a u g a r d a g u r6.
j a n ú a r ˜ 2 0 0 1
ÍSINN og kuldinn við Tjörnina í
Reykjavík er farinn að þrengja
verulega að fuglunum sem þar hafa
vetursetu. Einkum eru það gæs-
irnar sem nágrannar Tjarnarinnar
og fuglavinir eru farnir að hafa
verulegar áhyggjur af. Þrjú ár eru
liðin síðan borgaryfirvöld hættu að
gefa fuglunum við Tjörnina brauð
daglega og gefa aðeins þegar jarð-
bönn eru, þ.e. snjór yfir öllu og
hvergi gras að bíta. Jóhann Óli
Hilmarsson fuglaáhugamaður sagði
við Morgunblaðið að ástæða væri til
þess fyrir borgaryfirvöld nú að taka
upp daglegar brauðgjafir við Tjörn-
ina. Hann sagði frekari ástæðu til
að hafa áhyggjur af gæsum en önd-
um, þær síðarnefndu hefðu fleiri
möguleika á að bjarga sér en gæsir
og svanir sem væru grasbítar.
„Það var mjög skrítin ráðstöfun
hjá borginni að hætta að gefa fugl-
unum reglulega. Ég veit varla hvað
réð því. Hvort þær þóttu skíta of
mikið á gangstéttarnar veit ég ekki,
nema þá að með þessu hafi átt að
losna alveg við þær. En það hefur
þá ekki virkað,“ sagði Jóhann Óli.
Hann bætti því við að einnig mætti
gefa fuglunum á fleiri stöðum í
borginni og þá í minni skömmtum,
t.d. í Vatnsmýrinni, á Miklatúni og
annars staðar þar sem þeir söfn-
uðust saman.
Jóhann Óli sagði að gæsirnar í
borginni, sem ekki færu úr landi yf-
ir veturinn, væru afkomendur gæsa
sem hefðu alist upp við Tjörnina.
Þær treystu á brauðgjafirnar þegar
illa viðraði eins og nú.
Næra sig í Húsdýragarðinum
Brauðgjafir til fuglanna við
Tjörnina voru mældar á sínum tíma
á vegum borgaryfirvalda og þá kom
í ljós að þeir höfðu nóg að bíta og
brenna um helgar en heldur minna
virka daga. Að sögn Jóhanns Páls-
sonar, garðyrkjustjóra Reykjavík-
ur, er fuglunum gefið í Hús-
dýragarðinum í Laugardal á
hverjum morgni en við Tjörnina að-
eins þegar jarðbönn eru. Búið væri
að mæla hvað þeir þyrftu og þeim
aðeins gefið þegar þörf væri á.
Hann sagði fuglana við Tjörnina
fljúga yfir í Laugardalinn þegar
brauðmolunum væri dreift í Hús-
dýragarðinum.
Fuglaáhugamenn hafa áhyggjur af lífsviðurværi gæsa og annarra fugla við Tjörnina
Borgin gefi á ný
daglegt brauð
Morgunblaðið/Kristinn
Gæsir og aðrar fuglar á Tjörninni taka fagnandi hverjum brauðbita sem að þeim er réttur þessa köldu vetr-
ardaga. Fuglavinir hvetja fólk til að gera sér ferð niður að Tjörn og gefa fuglunum brauðmeti.
HALLDÓR Ásgrímsson utanríkis-
ráðherra segir að engin ástæða sé
til að ætla að Íslendingar, sem
starfað hafa í Bosníu og Kosovo,
hafi veikst vegna hugsanlegrar úr-
anmengunar á svæðinu. Eins og
fram kom í Morgunblaðinu í gær
íhugar ESB rannsókn á notkun á
svonefndu rýrðu úrani í sprengjur
sem flugher Atlantshafsbandalags-
ins notaði á sínum tíma í Bosníu og
Kosovo. Nú stendur yfir rannsókn
á hugsanlegri blýmengun sem ís-
lenskir lögreglumenn kunna að
hafa orðið fyrir í Mitrovica á tíma-
bilinu október 1999 til apríl 2000.
Utanríkisráðherra segir að ráðu-
neytið hafi fengið þær upplýsingar
sem liggja fyrir um hugsanlega
geislun frá úrani í sprengjum og
málið verði síðan tekið fyrir í fasta-
ráði Atlantshafsbandalagsins nk.
þriðjudag.
„Þá skýrist málið væntanlega.
Mér finnst sjálfsagt og eðlilegt að
það fari í fullkomna rannsókn. Að-
alframkvæmdastjóri Atlantshafs-
bandalagsins hefur lýst því yfir að
gefnar verði allar upplýsingar um
málið. Við teljum að engin ástæða
sé til að ætla að okkar fólk hafi
orðið fyrir sýkingu. Það er líkleg-
ast að þessir hermenn hafi starfað
við sérstök störf eins og hreinsun
og leit sem urðu þess valdandi að
þeir fengu þessa eitrun þótt það
liggi í raun ekkert fyrir á þessari
stundu hvaðan hún kemur,“ segir
Halldór.
Tugir Íslendinga hafa verið í
Bosníu og Kosovo en utanríkisráð-
herra segir ljóst að þótt þessi staða
sé komin upp sé engin ástæða til
þess að ætla að allir sem þarna
hafa dvalið, verið gestkomandi eða
íbúar landsins séu í hættu vegna
þessa. Langlíklegast sé að hér sé
um sérstök tilvik að ræða sem
skýring verði að fást á.
Fjórir íslenskir lögreglumenn
hafa verið við störf í Kosovo. Tveir
fóru utan í október 1999 og komu
heim í apríl 2000 og þá fóru aðrir
tveir utan og eru þar enn við störf.
Björn Halldórsson hjá Ríkislög-
reglustjóraembættinu, sem heldur
utan um störf íslenskra lögreglu-
manna í Kosovo, segir að ekki hafi
verið hugað sérstaklega að þessu
máli hjá embættinu. Hins vegar
hafi embættið haft áhyggjur af blý-
mengun meðal tveggja lögreglu-
manna sem störfuðu í Mitrovica á
tímabilinu október 1999 til apríl
2000. Rannsókn hefur nú verið
hrundið af stað um hvort tveir lög-
reglumenn hafi fengið blýeitrun
sem ekki tengist sérstaklega skot-
færum heldur almennri mengun á
svæðinu. Björn segir að lögreglan
sé í samstarfi við Dani hvað varðar
friðargæsluliða og unnið verði að
málinu í samvinnu við þá.
Rannsókn á hugsanlegri blý-
mengun í lögreglumönnum
FÉLAG íslenskra leikskólakennara
og launanefnd sveitarfélaga hafa
samið um að framlengja viðræðuáætl-
un um gerð nýs kjarasamnings til 29.
janúar nk. Verði vinnu við gerð nýs
kjarasamnings ekki lokið fyrir þann
tíma verður málinu vísað til ríkis-
sáttasemjara.
Kjarasamningur leikskólakennara
rann út um síðustu áramót. Samn-
ingsaðilar hafa haldið átta samninga-
fundi frá því viðræður hófust. Í yf-
irlýsingu frá þeim segir að stefnt sé
að því að funda þétt á næstu vikum og
bjartsýni ríki um að takist að ljúka
gerð nýs samnings fyrir 29. janúar.
„Í viðræðum hingað til hafa aðilar
rætt um stöðu leikskólans og mikil-
vægi þess að hann þjóni sem best
þörfum í samfélagi nútímans. Áhersla
hefur verið lögð á umræðuna um fjöl-
breytt og gott leikskólastarf fyrir öll
börn, hagkvæmni í rekstri og þátt
leikskólakennara og sveitarfélaga í að
viðhalda þeirri góðu ímynd sem leik-
skólinn hefur skapað sér. Stöðugleiki
í starfsmannahaldi og starfsánægja
eru þar mikilvæg hugtök.
Vinnuhópar hafa verið að störfum
og rætt um einstaka liði kröfugerðar
leikskólakennara og skilað samninga-
nefnd tillögum sínum,“ segir í yfirlýs-
ingunni.
Viðræðu-
áætlun
leikskóla-
kennara
framlengd
RÚMLEGA 5.100 höfðu í gær-
kvöldi skrifað sig á undirskrifta-
lista á Netinu til stuðnings tvö-
földun Reykjanesbrautar.
Undirskriftasöfnunin hófst sl.
miðvikudag á vegum Áhugahóps
um tvöföldun Reykjanesbrautar
og stendur fram til borgarafund-
ar, sem boðaður er í Stapa 11.
janúar nk. Markmið hópsins eru
að tvöföldun Reykjanesbrautar
verði sett á vegaáætlun fyrir árin
2002–2006, að umhverfismati
verði lokið árið 2001 og hönnun
og framkvæmdir hefjist í síðasta
lagi snemma árs 2002 og ljúki
ekki síðar en árið 2004.
Guðjón Vilhelms, sem er félagi
í áhugahópnum, segir að menn
séu ánægðir með undirtektir,
ekki síst í ljósi þess að aðgangur
að Netinu er almennt takmark-
aður. Hann segir að hægt sé að
skrifa undir yfirlýsinguna t.a.m. á
heimasíðu Víkurfrétta, vf.is, og
þar sést jafnframt hve margir
hafa skráð sig. Hann segir að þar
komi einnig fram að þátttaka sé
dreifð yfir allt landið en ekki al-
farið bundin við suðvesturlandið.
Borgarafundurinn í Stapa
verður kl. 20 fimmtudaginn 11.
janúar.
Áhugahópur um tvöföldun Reykjanesbrautar
Rúmlega 5.100 hafa
skrifað undir á Netinu