Morgunblaðið - 10.01.2001, Qupperneq 52
52 MIÐVIKUDAGUR 10. JANÚAR 2001 MORGUNBLAÐIÐ
ÉG má til með að koma á framfæri
undrun minni. Ég fór á dögunum á
veitingastaðinn Ruby Tuesday hér í
borg og fékk mér súpu dagsins.
Kokknum hafði tekist vel til við mat-
seldina, en mér varð hálf bumbult af
hneykslan er ég fékk reikninginn út-
listaðan upp á erlenda tungu. Að-
spurður sagði íslenski þjónninn mér
afar kurteislega og afsakandi að af
því að þetta væri amerísk matsölu-
keðja þá væri reikningurinn uppá
amerískuna, tölvukerfið væri þann-
ig!
Ég skil ekki hvers vegna mér er
boðið uppá slíka ósvífni á matsölu-
stað á Íslandi og vil ég hvetja for-
ráðamenn Ruby Tuesday til að sýna
viðskiptavinum sínum þá kurteisi að
innheimta súpuskuldina (og aðrar
skuldir) á okkar ylhýra móðurmáli.
Léttur leikur ætti að vera að láta lag-
færa textann í búðarkassanum á tím-
um tækni og þróunar.
Þetta er svo sem ekki einasta
dæmið um að virðing mín við móð-
urmálið sé fótum troðin. Í hérlend-
um verslunum má oftlega sjá ensk-
una þvælast innan um upplýsingar á
íslensku og þykir mér verslanir setja
niður við slíka nauðgun á málinu.
HELGA GUÐRÚN
GUNNARSDÓTTIR,
Hófgerði 15, Kópavogi.
Súpuskuldin innheimt
í erlendum texta
Frá Helgu Guðrúnu
Gunnarsdóttur:
FLEST YKKAR þekkja SÍBS bara
sem happdrætti en það er bara
meginfjáröflunin á bak við allt það
starf sem SÍBS stendur fyrir. End-
urhæfingarmiðstöðin að Reykja-
lundi er rekin af SÍBS en þar njóta
1.300 sjúklingar endurhæfingar á
hverju ári. Einnig rekur SÍBS
Reykjalund-plastiðnað og Múlalund
en það eru verndaðir vinnustaðir
þar sem tugum öryrkja er veitt
vinna. Svo er SÍBS einnig með
Múlabæ en það er dagvist fyrir
aldraða og Hlíðabæ sem er dagvist
fyrir minnissjúka en Múlabæ og
Hlíðabæ rekur SÍBS í samvinnu við
RKÍ.
Nú er í byggingu 2.300 fermetra
fullkomið íþróttamannvirki sem í
verður m.a. íþróttasalur, tækja- og
þrekæfingasalur og tvær sundlaug-
ar. Þar sem biðlastar eru langir til
endurhæfingar kemur þessi endur-
hæfingarmiðstöð til með að leysa
mikinn vanda sem steðjar að í dag.
Áætlaður kostnaður við þetta mann-
virki er um 300 milljónir króna.
Eins og þið sjáið er SÍBS með
mikinn rekstur í gangi en mikið
fjármagn þarf til þess að reka þetta
fyrirtæki og byggja nýja endurhæf-
ingarmiðstöð. Það er Happdrætti
SÍBS sem fjármagnar þetta fyrir
alla þá 1.300 sjúklinga sem stunda
endurhæfingu á Reykjalundi árlega
og alla þá öryrkja og ellilífeyrisþega
sem geta stundað vinnu hjá ein-
hverjum af stofnunum SÍBS.
Hjálpumst að við að byggja glæsi-
lega endurhæfingarmiðstöð að
Reykjalundi og kaupum áskriftar-
miða í Happdrætti SÍBS.
VALUR STEFÁNSSON,
stjórnarmaður í Landssamtökum
hjartasjúklinga.
Áskriftarhappdrætti
SÍBS
Frá Vali Stefánssyni:
EKKI fer það milli mála, að Haukur
Morthens hafi um sína daga verið
einn vinsælasti dægurlagasöngvari
þjóðarinnar. Og lengi mun söngur
hans hljóma enn. Fyrir því sjá hinar
mörgu upptökur á söng hans. Ný-
lega kom á markaðinn tvöföld
geislaplata með söng þessa vinsæla
söngvara, og ber heitið „Ó, borg,
mín borg“. Haukur samdi ágætt lag
við snilldarljóð Vilhjálms Guð-
mundssonar frá Skáholti með þessu
heiti.
Eitt af ljóðunum, sem Haukur
syngur á fyrrnefndri tvöfaldri
geislaplötu, heitir „Með blik í auga,
bros á vör“. Reyndar er ljóð þetta
kynnt í Morgunblaðinu nýlega, og
þar er það látið hljóða þannig: „Með
blik í augum.“ En þannig er upphaf
ljóðsins ekki rétt eftir haft. Ég held
ég verði að biðja Morgunblaðið að
birta þetta ljóð eins og það er. Heiti
þess er „Góða nótt“. Höfundur ljóðs-
ins er Þorsteinn Halldórsson. Lagið
er eftir Oliver Guðmundsson.
Með blik í auga, bros á vör
þú birtist mér á gönguför.
Af kæti þá minn hugur hló
í hljóðri aftanró.
Og báran lék við sævarsand
og sólin kvaddi vog og land.
Í brjóstum hjörtun bærðust ótt,
og bráðum komin nótt.
Og mildur var hinn blíði blær
og bjarma sendi máninn skær.
Hann sínu töfrabrosi brá
á byggð og dali þá.
Svo tókumst við í hendur hljótt
og hægt við sögðum góða nótt,
en síðan æ í muna mér
þín minning fögur er.
Þetta verður ekki lengra. En í
guðanna bænum: Farið rétt með
ljóð, sé vitnað til þeirra í rituðu máli!
AUÐUNN BRAGI SVEINSSON,
Hjarðarhaga 28, Reykjavík.
Með blik í auga,
bros á vör
Frá Auðuni Braga Sveinssyni:
BRÉF
TIL BLAÐSINS
Kringlunni 1 103 Reykjavík Sími 569 1100 Símbréf 569 1329
Allt efni sem birtist í Morgunblaðinu og Lesbók er varðveitt í upplýsinga-
safni þess. Morgunblaðið áskilur sér rétt t i l að ráðstafa efninu þaðan, hvort
sem er með endurbirtingu eða á annan hátt. Þeir sem afhenda blaðinu efni
ti l birtingar teljast samþykkja þetta, ef ekki fylgir fyrirvari hér að lútandi.